1 Pedro 4:8 - Nuevo Testamento Tzeltal de Amatenango

⁸ Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

Bible in Tzeltal Bachajón

⁸ Ha tulan sc'oblal te talel c'axel c'ux xawa'iy abahic ta mero melel, como te c'uxul-o'tanil ya stup'be sc'oblal bayel muliletic.

Bible in Tzeltal de Oxchuc y Tenejapa

⁸ Ja' tulan sc'oplal stuquel te ma p'isbiluc nax c'ux ya awaiy abaic ta awo'tanic, melel te c'uxul-o'tanile, ya xch'ay bayal ta jten mulil yu'un.

1 Pedro 4:8 ပူးပေါင်းရင်းမြစ်များ

1 Corintios 13:1

Teme jich ya xkꞌopojon te tutꞌ ya xkꞌopoj winketike o jich tutꞌ ya xkꞌopoj te chꞌul angeletike, pero teme maꞌyuk xkꞌuxul koꞌtane, jich nax kꞌoemon tutꞌil te stsꞌintsꞌun nax te takꞌine sok te chꞌininet nax te platilloe.

1 Corintios 13:4

Te xkꞌuxul-oꞌtanile ya snaꞌ tutꞌ ya xkujch yuꞌun. Bayal slekil yoꞌtan sok maꞌyuk il-oꞌtan. Ni makꞌ yakꞌ sba ta akꞌel ta jkuenta, ni makꞌ stoy sba,

Colosenses 3:14

Jaꞌ tulan skꞌoplal te ya awakꞌik ta ilel te ay skꞌuxul awoꞌtanike, te ya yakꞌex ta jun nax.

1 Tesalonicenses 3:12

Y te Kajwaltike jaꞌ ya skꞌoltayex te bayal to xan kꞌux ya awaꞌiy abaik sok te ay skꞌuxul awoꞌtanik yuꞌun te yanetik ekꞌae. Jich tutꞌil joꞌotik te kꞌux ya kaꞌiytikex.

2 Tesalonicenses 1:3

Kermanotak, sil tiempo ya skꞌan kalbetik kola yal Dios yuꞌun te jaꞌexe. Jaꞌ lek te jich ya jpastike porke te xchꞌuunel awoꞌtanike yipal ta mukꞌubel, y te xkꞌuxul awoꞌtanik te ay awuꞌunik ta juju-tule yipal ta mukꞌubel ta stojol te yanetike.

1 Timoteo 1:5

Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

Hebreos 13:1

Ma me akom abaik te kꞌux ya awil abaik ta juju-tul, jich tutꞌil te machꞌatik jun nax smeꞌ-statike.

Santiago 5:12

Kermanotak, tulan skꞌoplal te ma me tutiꞌ awakꞌik ta testigo, ni te chꞌulchane, ni te balmilale, ni tutikuk xan yan. Te kꞌalal ya awalik: “Jichuk”, yuꞌun batsꞌi jich. Y te kꞌalal ya awalik: “Ma jichuk”, yuꞌun batsꞌi ma jichuk. Yuꞌun jich me mak ya yakꞌex ta chꞌayel te Diose.

Santiago 5:20

Naꞌaik te jaꞌexe teme ya asujtesbe yoꞌtan te jmulawil te ma lekil beuk stamoje, ya akoltay ta lajel te xchꞌulele, y la me awakꞌikix ta chꞌayel bayal muliletik te pasbotix perdone.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

3 Juan 1:2

Hermano te ben kꞌuxat ta koꞌtane, ya jkꞌanbe te Diose te lek ayat sok spisil te tut ya apase, sok te lekuk ayat sok te atꞌbalule, y sok te lek ayat ta stojol Dios.