1 Pedro 4:4 - Nuevo Testamento Tzeltal de Amatenango

⁴ Te ora to, te jaꞌexe makꞌ ya ajoyinlanikix ta spasel te lom nax ma tsaꞌamuk te xkuxlejalike. Jaꞌ yuꞌun te lom yan ya yilexix y ma lekuk ya xkꞌopojik ta atojolik.

Bible in Tzeltal Bachajón

⁴ Jchahp ya ya'iyic a te ma ba yac ajoquinic ta spasel te biluc nax mulil ya smulanic spasele, ya slabanex yu'un.

Bible in Tzeltal de Oxchuc y Tenejapa

⁴ Ta ora to amen ya yilex yu'un te bit'il ma x'ac'an ajoin abaic soc ta sleel te biluc nax mulil te ya smulanic spasele. Jich ya yixtac'optayex yu'un.

1 Pedro 4:4 ပူးပေါင်းရင်းမြစ်များ

San Mateo 23:25

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Te jaꞌexe jaꞌ nax ya apokbeyik te spat te posiyoetike sok te platoetike, pero te yutile teꞌ nojel a te elekꞌe sok te sbikꞌtal awoꞌtanike.

San Lucas 15:13

“Cheꞌoxeꞌ kꞌaal ta patil te ijtsꞌinale la xchon spisil te smajtan a aꞌbote, y te stojole jakal a bajt sok ta yan luwar. Teꞌ kꞌo slajin spisil a, chikan te tuti skꞌan yoꞌtan a slajin ae.

Hechos 13:45

Pero te juriyoetike la yilik te bayal gente stsoboj sbaike, jaꞌ yuꞌun lijk slaꞌoꞌtantayik, y lijkik ta yalel te ma jichuk te tut ya yal te jPabloe, sok la stoyba-kꞌoptayik.

Hechos 18:6

Pero te juriyoetike lijk skontrainik te jPabloe y la stoyba-kꞌoptayik. Jich te jPabloe la slilin skꞌuꞌ-spakꞌ yuꞌun jaꞌ seña ta stojolik te ya xchꞌoj jilele, y la yaltalanbe: —Jaꞌex ay ta akuentaik teme chꞌayel ya xbaexe. Te joꞌone maꞌyuk ta jkuenta ya xkꞌot. Liꞌ nax kꞌalal to ya xboon te ba ay te machꞌatik ma juriyouke —xyut jilel.

Romanos 13:13

Lek me skꞌan xꞌanotik te tutꞌil ayotikix ta kꞌajkꞌaltike. Ma me jaꞌukix ya jtamtik te yakubele sok te pas-kꞌin te xchꞌeet naxe. Makꞌ me jpastikix te tut ya skꞌupin te jtiꞌbalultik te kꞌayem aye, jaꞌ te antsiwejele, sok te pletoe, sok te il-oꞌtantawaneje.

Efesios 5:18

Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Pedro 3:16

Pero lekuk me xꞌawalbey yaꞌiyik y akꞌaik me ta jkuenta. Lekuk me spisil te tut ya apasike. Jich me jun awoꞌtanik ya awaꞌiyik yuꞌun. Yuꞌun te machꞌatik ma lekuk tut ya yalbeyex, aunke lek ayex yuꞌun achꞌuunejik te Cristoe, ya me xkꞌexawik yuꞌun te skꞌopike.

2 Pedro 2:12

Te genteetik to, jachik kꞌoemik te tutꞌil chanbalametik: maꞌyuk tut ya xkꞌot ta yoꞌtanike. Jaꞌ nax kuxulik ya xꞌayinik te ya yichꞌik tsakel y te ya xmiltalanote. Ya yalbeyik ma lekuk skꞌoplal te tutik ma xyaꞌibe sluware. Pero jich ya xlaj cham jich tutꞌil te chanbalametike.

2 Pedro 2:22

Pero te stukelike jaꞌ a kꞌot ta pasel te jich abil jilele: “Te tsꞌiꞌe la xchaꞌloꞌ xan te xee, y sok te meꞌ chitam te nusesbilixe la xchaꞌbalan sba xan ta ajchꞌal”, xchi me.

Judas 1:10

Pero te winketik to ma lekuk skꞌoplal ya yalbeyik te tutik ma snaꞌbe sluware. Y te tutik ya snaꞌik spasel ta skuenta stiꞌbalulike, jachik tutꞌil te chanbalametik te ma snaꞌ kꞌinale. Jich ya spasik yuꞌun chꞌayel ya xlaj bajt yuꞌun.