1 Pedro 4:3 - Nuevo Testamento Tzeltal de Amatenango

³ Bayal kꞌaal la apasik te jaꞌexe jich mismo te tutik ya spasik te machꞌatik ma snaꞌbeyik sba te Diose. Jich kꞌayex ta spasel te mulile, sok te tut ma tsaꞌamuk te ya skꞌan awoꞌtanike, sok te yakubele, y niketel ta pas-kꞌin, y lom nax la alajinik atakꞌinik, y la akejan abaik ta stojol lotil diosetik te kꞌax ma tsaꞌamuke.

Bible in Tzeltal Bachajón

³ Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Bible in Tzeltal de Oxchuc y Tenejapa

³ Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

1 Pedro 4:3 ပူးပေါင်းရင်းမြစ်များ

San Marcos 7:22

sok mulil, sok kꞌupinwane, sok utawane, sok loꞌlawane, sok te tut ma tsaꞌamuk ta pasel te kꞌupinbil sbae, sok pꞌajawane, sok aꞌabiyej, sok toybajel, sok maꞌ tsaꞌamuk-oꞌtanil.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

Romanos 13:13

Lek me skꞌan xꞌanotik te tutꞌil ayotikix ta kꞌajkꞌaltike. Ma me jaꞌukix ya jtamtik te yakubele sok te pas-kꞌin te xchꞌeet naxe. Makꞌ me jpastikix te tut ya skꞌupin te jtiꞌbalultik te kꞌayem aye, jaꞌ te antsiwejele, sok te pletoe, sok te il-oꞌtantawaneje.

1 Corintios 12:2

Te jaꞌexe anaꞌojik te kꞌalal ma to achꞌuunejikuk a te Diose, jun awoꞌtanik likbilex te chꞌayemex bael te ba ay te lotil diosetik te makꞌ xlaj kꞌopoje.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

2 Corintios 12:21

Jaꞌ ya jxiꞌ te kꞌalal ya xtal kilex xane ya me xkꞌexawon ta stojol Dios awuꞌunik, y ya me xꞌokꞌon yuꞌun te bayalexix te jaꞌexe te ayix tiempo lijk a le amulike, y maꞌ jilesejikuk te tut skuenta balmilale, te antsiwejele, sok te tut kꞌexlaltik sba ta pasele.

Gálatas 5:19

Ben chikan ta ilel te tut ya spasik te machꞌatik ya spasik te tutik ma tsaꞌamuk ya skꞌan te stiꞌbalulike. Ya xꞌantsiwejik, y ya spas mulil, y ya spasik tut skuenta balmilal, y sok tut ya skꞌupin yoꞌtanik.

Gálatas 5:21

Jꞌil-oꞌtanetik, jmilawetik, jyakubeletik, jpas-kꞌinetik te tut ma tsaꞌamuke, y ay xan yanetik te pajal soke. Jaꞌ ya kakꞌ anaꞌik te jaꞌexe yuꞌun nail a kalbeyex: Te machꞌatik jich ya snop spasele, ma xjuꞌ ya xkꞌot te ba ay ta ajwalil te Diose.

Efesios 5:18

Ma me yakubanik, yuꞌun jaꞌ me ya yikꞌex bael ta sleel amulik. Jaꞌuk me nojel ta awoꞌtanik te Chꞌul Espiritue.

1 Tesalonicenses 4:5

Ma me jaꞌuk nax ta skuenta skꞌanojel atiꞌbalul te ya awikꞌ awinamin te antse, jich tutꞌil te genteetik te ma snaꞌbeyik sba te Diose.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

1 Pedro 1:14

Jachik tutꞌil alnichꞌaniletik te chꞌuunej mantale, ma me jichuk ya xkuxuyinex te tutik ya skꞌan awoꞌtanik te ay la apasik te nail to te ma to xꞌanaꞌbeyik sba a te Diose.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.