1 Pedro 3:9 - Nuevo Testamento Tzeltal de Amatenango

⁹ Ma me apakbeyik te tut ma lekuk ya spasbeyexe, sok ma me xꞌawutik te machꞌa ya yutexe. Jaꞌ lek kꞌanbeyaik bendision. Yuꞌun anaꞌojik te la yikꞌex Dios yuꞌun ya awichꞌik bendision euk te jaꞌexe.

Bible in Tzeltal Bachajón

⁹ Ma me xasutbeyic ta bin chopol te mach'a chopol bin ya spasbeyex, soc ma me xasutbeyic chopol sc'oblal te mach'a la yalbeyex chopol ac'oblalic, ha xac'ambeyic bendición, como ana'ojic te ha ic'bilex yu'un yac awich'ic bendición,

Bible in Tzeltal de Oxchuc y Tenejapa

⁹ Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

1 Pedro 3:9 ပူးပေါင်းရင်းမြစ်များ

San Mateo 19:29

Y spisil te machꞌa sjilesej stutik yuꞌun teme joꞌon ta jkuentae, me sna, o sbankiltak, o xwixitak, o yijtsꞌinab, o smeꞌ-stat, o yinam, o yuntikil, o jaꞌ te slume, ya me yichꞌbeyik sjelol sien ta jmel sok ya me xꞌaꞌbot xkuxlejal sbajtel kꞌinal.

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Mateo 5:39

Ja tsꞌin to, joꞌon ya kalbeyex: “Teme ay machꞌa ma tsaꞌamuk tut ya spasbeyate, ma me xꞌapakbe. Teme ay machꞌa smajat ta achoe, akꞌa ta majel te jmejch xane.

San Mateo 5:44

Pero joꞌon ya kalbeyex: Kꞌuxuk me ta awoꞌtanik te machꞌatik ya skontrainexe. Lekuk me skꞌoplal ya awalbeyik te machꞌatik ma lekuk akꞌoplalik ya yalbeyexe. Pasbeyaik te tut lek te machꞌatik ya spꞌajexe. Kꞌoponbeyaik Dios ta stojol te machꞌatik ya yixtakꞌoptayexe sok te ya yilbajinexe.

San Marcos 10:17

Te kꞌalal xlijkꞌ xan ta beel te Jesuse, tsꞌin xyaletal jtul winik. Jul skejan sba ta yok te Jesuse y la sjokꞌobe: —Maestro te ben lekate, ¿tut lek ya jpas yuꞌun ya xkuxiyinon sbajtel kꞌinale? —xchi julel.

San Lucas 10:25

Ay jtul maestro yuꞌun te mantaliletike la stejkꞌan sba, ba skꞌopon sba sok te Jesuse, yuꞌun ya skꞌan yilbe yoꞌtan. La sjojkꞌobe: —Maestro, ¿tut lek ya skꞌan ya jpas yuꞌun ya xkꞌo jta te jkuxlejal sbajtel kꞌinale? —xchi.

San Lucas 18:18

Ay jtul te machꞌa statal yuꞌun te juriyoetik la sjojkꞌobey te Jesuse: —Ben lekat Maestro. ¿Tut ya skꞌan ya jpas te tutꞌil ya jta te jkuxlejal sbajtel kꞌinale? —xchi.

Romanos 12:14

Kꞌanbeyaik bendision te machꞌatik ya stenexe. Kꞌanbeyaik bendision y ma me awixtaꞌkꞌoptayik.

Romanos 12:17

Ma me apakbe sjelol teme ay machꞌa ma tsaꞌamuk ay tut ya spasbeyate. Akꞌaik ta ilel ta spasel te tut lek ta sitil-komone.

Romanos 8:28

Jnaꞌojtik te Diose ya yaꞌbe spisil te tutik lek te machꞌatik lek skꞌanoje, y sok te ikꞌbilik yuꞌune, jich tutꞌil te ya skꞌan yoꞌtan stukele.

Romanos 8:30

Sok te machꞌatik Dios ta slijkibal to jich stsaoje, la yikꞌtalan euk. Sok te machꞌatik ikꞌtalanbile, jamal a yalbe te kolemix yuꞌun te smule. Sok te machꞌatik jamal a yalbe te kolemix yuꞌun te smule, la yakꞌtalanbe smajtanin te slekilale.

Gálatas 3:14

Jich a kꞌot ta pasel yuꞌun Dios te tut sjapoj ta skuenta te jꞌAbrahame te jich ya sta ekꞌa te bendision ta skuenta te Cristo Jesus te machꞌatik ma juriyouke. Y yuꞌun ta skuenta te xchꞌuunel koꞌtantike ya kichꞌtik jpisiltik te Espíritu te Dios sjapoje.

Efesios 4:32

Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.

1 Tesalonicenses 5:15

Ila me abaik, ma me ayuk ni jtuluk te ya awaꞌbe stoj te tut ma lekuk te la spasbeyate. Sil tiempo jaꞌ me xꞌawoꞌtantayik te ya apasbey abaik te tut leke. Sok jich me xꞌapasbeyik ta spisil te yanetike.

Hebreos 12:17

Y te jaꞌexe anaꞌojik te ta patil te kꞌalal kꞌan yichꞌ te bendision yuꞌun te state, pꞌajbil a kꞌot. Manchuk me bayal a okꞌ, maꞌ pasix tut ya yut sba a yuꞌun te tutiꞌ kꞌotix ta pasele.

Hebreos 6:14

Y la yal: “Joꞌon ya kaꞌbeyat bayal bendision y ya kakꞌ pꞌoluk bayal te atsꞌumbale”, xchi.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.