1 Pedro 3:8 - Nuevo Testamento Tzeltal de Amatenango

⁸ Ta slajibal ya kalbeyex: Junuk me awoꞌtan abaik ta apisilik, sok junuk nax me te tut ya anopike. Kꞌuxuk me ya awaꞌiy abaik te tutꞌil te awermano abaike. Ayuk me slekil awoꞌtanik y benuk me chꞌunulex.

Bible in Tzeltal Bachajón

⁸ Ta scuenta slajibal, junuc me awo'tan abahic ta apisilic, na'a yo'bolil abahic, c'ux me xawa'iy abahic te bin ut'il awermano abahic, a'iyahic c'uxultaywanej soc peq'uel me xawac' abahic.

Bible in Tzeltal de Oxchuc y Tenejapa

⁸ Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque.

1 Pedro 3:8 ပူးပေါင်းရင်းမြစ်များ

San Mateo 18:33

Jich euk te jaꞌate, jicha skꞌan la apasbe perdon te ajoy ta aꞌtele jich tutꞌil te la jpasbeyat perdone”, xyut.

San Lucas 10:33

Pero ay jtul samaria-winik teꞌetal ekꞌa ba bee. Kꞌux a yil te winike, la snaꞌbe yoꞌolil sba.

Hechos 2:1

Te kꞌalal kꞌot skꞌaalel te kꞌin Pentecostese, spisil te hermanoetike stsoboj sbaik ta jun nax luwar a.

Hechos 27:3

Ta xchebal kꞌaal kꞌootik ta jtejklum Sidon te ba ya xꞌolan barkoe. Te jPabloe teꞌ kꞌuxutayot yuꞌun a te statal soltaro Julioe, yuꞌun akꞌot bael ta yulutayel te yamigotak te teꞌelan ae yuꞌun jich me ya sta tal tut ya sweꞌ chꞌinuk a.

Hechos 28:7

Tijil nax ay a te slum jtul winik te japubil yuꞌun te machꞌa ay yaꞌtel teꞌae, te jPublio sbiile. Jaꞌ a yikꞌotik ochel ta sna. Ben jun yoꞌtan a smaklinotik oxeb kꞌaal.

Hechos 4:32

Spisil te hermanoetike te lom bayalikixe jun nax te tut ya snopike y jun nax te xchꞌulelike. Maꞌyuk machꞌa yal te stukel yuꞌun te stutik yuꞌune, sinoke jun nax yuꞌunik ta spisilik.

Romanos 12:10

Kꞌux me xꞌawaꞌiy abaik jich tutꞌil te machꞌatik jun nax smeꞌ-statike. Talel bael akꞌa abaik me ta jkuenta, y chꞌuunbeya abaik amantalik.

Romanos 15:5

Y te Diose, te ya yaꞌbotik spuersa koꞌtantik y sok sbujts koꞌtantike, jaꞌ ya skoltayex te tutꞌil kuxulex te jun awoꞌtanik ta juju-tulexe, jich tutꞌil la yakꞌ ta ilel te Cristo Jesuse,

1 Corintios 1:10

Kermanotak, ta sbiil te Kajwaltik Jesucristoe, awokoliluk te yauk xꞌochex ta akuerdo sok te maꞌ xatꞌojuk abaike. Junuk me awoꞌtan abaik sok junuk nax me te tut ya anopike sok te tut ya awalike.

1 Corintios 12:26

Teme ay ta wokol junuk te tut ay ta tiꞌbalulile, spisil te yane aylan ta wokol euk. Y teme ya sta slekilal junuke, ta spisilik ya xjunub yoꞌtanik yuꞌun.

Efesios 4:2

Mansoukex me y lekuk me ya awila abaik. Yauk me stsꞌijk awuꞌunik y talel bael ya xkujch awuꞌunik sok skꞌuxul awoꞌtanik.

Efesios 4:31

Chꞌojaik lokꞌel te ilbajinwaneje, te kꞌajkꞌubele, sok te iliꞌbae, te alabiyanwaneje, te ixtaꞌkꞌoptawaneje, y spisil ta jkaj te tut ma lekuke.

Efesios 4:32

Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.

Filipenses 2:3

Ma me ayuk tuti ya apasik ta skuenta tsalaw sok ta skuenta toybael. Chꞌin me ya skꞌan ya awakꞌ abaik, y ta juju-tul jaꞌ me mukꞌ skꞌoplal awuꞌunik te yanetike te tutꞌil te jaꞌat mismoe.

Filipenses 3:16

Jaꞌ yuꞌun, jich tutꞌil kꞌoemix ta koꞌtantike, jich me ya skꞌan ya jpastik.

Colosenses 3:12

Dios skꞌanojex te jaꞌexe, y la stꞌujex yuꞌun jtejklum ya xkꞌoex yuꞌun, sok kꞌuxex ta yoꞌtan. Jich yuꞌun akꞌaik ta ilel te ay xkꞌuxul awoꞌtanike sok te ay slekil awoꞌtanike. Chꞌin me xꞌawakꞌ abaik y kꞌunuk me awoꞌtanik, y kujchuk me awuꞌunik.

Hebreos 13:1

Ma me akom abaik te kꞌux ya awil abaik ta juju-tul, jich tutꞌil te machꞌatik jun nax smeꞌ-statike.

Santiago 2:13

Yuꞌun te machꞌatik te maꞌyuk slekil yoꞌtan yuꞌun te yanetike, jich me maꞌyuk slekil-oꞌtanil yuꞌun Dios ya xꞌichꞌot jkuenta euk. Yan te machꞌatik ay slekil yoꞌtane, lek me ya xlaj lokꞌ kꞌoel te tut ora ya xꞌichꞌot jkuentae.

Santiago 3:17

Pero te machꞌatik ay yuꞌun te pꞌijilil te ya xtal ta stojol te Diose, jaꞌ batsꞌi lek ay stukel. Jun yoꞌtanik y ay slekil yoꞌtanik, sok ay srason xlaj kꞌopojik. Sok ya xkꞌuxutaywanik, ma tsabiluk nax te machꞌa ya skoltay, sok ma xyanej yoꞌtanik, y jaꞌ ya spasik te tut leke.

Santiago 5:11

Yuꞌun te joꞌotike ya jnaꞌtik te jun yoꞌtanik a kujch yuꞌunik te wokole. Te jaꞌexe awaꞌiyejik tutiꞌ kujch yuꞌun swokol te Jobe. Sok anaꞌojik tutꞌil a xchap sok ta slajibal te Kajwaltike. Porke te Kajwaltike lom bayal skekil yoꞌtan y ya xkꞌuxutaywan.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Pedro 2:17

Akꞌaik me ta jkuenta spisil genteetik. Kꞌux me xꞌawil te hermanoetike. Xiꞌaik me te Diose. Akꞌaik me ta jkuenta te mukꞌul reye.

1 Pedro 5:5

Jichex euk jaꞌex kermetik, chꞌuunbeyaik me smantal te ansianoetik te tutꞌil ay yaꞌtelike. Ta apisilik ya skꞌan talel baeluk ya achꞌuunbey aba amantalik, sok chꞌunulukex me. Porke Dios skontrainej te machꞌatik lom toybaike. Pero ya skoltay sok slekil yoꞌtan te machꞌatik chꞌunul ayike.

2 Pedro 1:7

sok te kꞌuxuk ya awaꞌiyik te hermanoetike, sok ayuk xkꞌuxul awoꞌtanike.

1 Juan 3:14

Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.