1 Pedro 3:5 - Nuevo Testamento Tzeltal de Amatenango

⁵ Yuꞌun jich a xchap sbaik ekꞌa te namey tal te antstik te jun yoꞌtan xchꞌuunejik te Diose. Sok jaꞌik la xchꞌuunbeyik smantal te smamlalike.

Bible in Tzeltal Bachajón

⁵ Como hich la sch'ahl sbahic a te ch'ul antsetic ta namey te la smuc'ulin yo'tanic te Dios soc la yac' sbahic ta cuentahinel yu'un te smamalalique.

Bible in Tzeltal de Oxchuc y Tenejapa

⁵ Jich bit'il te namey q'uinal antsetic te la xch'uunic te Diose, ja' la xch'al sbaic a te yutsil yo'tanique, soc la yich'ic ta muc' te smamlalique.

1 Pedro 3:5 ပူးပေါင်းရင်းမြစ်များ

San Lucas 2:37

Ayix 84 jaꞌbil yaꞌbilal a te jil ta biudae. Sil tiempo ay ta templo. Kꞌajkꞌal ajkꞌubal ay ta abatinel yuꞌun te Kajwaltike y ya skomilan sweꞌel ta skꞌoponel te Diose.

Hechos 1:14

Spisilik ya stsobilan sbaik ta skꞌoponel Dios sok te yijtsꞌinab te Jesuse, sok te xMaria te smeꞌe, y sok te yan xan antstike.

Hechos 9:36

Ta jtejklum Jope ay jtul jnopojel ants xTabita sbiil, te Dorcas xchi ta griego-kꞌope. Te ants to ben lek sok te xkuxlejale y ya skoltay te machꞌatik ay swokolike.

Efesios 5:33

Jaꞌ yuꞌun ta juju-tulex te jaꞌexe, kꞌuxutaya me te awinamike jich tutꞌil kꞌux ya awaꞌiy aba atukele. Y jich te antse, a me yakꞌ ta jkuenta te smamlale.

1 Timoteo 2:10

Jaꞌ me a xchap sbaik yuꞌun te lekil aꞌtele jich tutꞌil te ya skꞌan spas te antstik te jun yoꞌtanik xchꞌuunejik te Diose.

1 Timoteo 2:15

Pero te antse ya xkol teme ya xchꞌuun te ya stsꞌites te yuntikile sok teme ma xchꞌay yoꞌtan ta xchꞌuunel te Diose, sok te ay skꞌuxul yoꞌtane, y sok teme jun yoꞌtane.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

1 Timoteo 5:5

Yan te meꞌba ants te yal stukel xanix aye, jaꞌ yipinej yoꞌtan te Diose, y ma skom sba ta yalulanbeyel y skꞌoponel Dios ta kꞌajkꞌal ajkꞌubal.

Hebreos 11:11

Sok ta skuenta xchꞌuunel yoꞌtan, aunke maꞌyuk yuntikil te Sarae, sok lom mamalix te jꞌAbrahame, aꞌbot to yichꞌ spuersa yuꞌun jun tatil ya xkꞌote. Porke la xchꞌuun ya yakꞌ kꞌouk ta pasel te Diose, sok te ma jowiluk te tut yaloje.

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.