1 Pedro 3:4 - Nuevo Testamento Tzeltal de Amatenango

⁴ Jaꞌ me xꞌachap te yutil awoꞌtanike, te ben tsaꞌam te ma xkꞌaꞌe, sok te ben jun awoꞌtanike. Jaꞌ me te chapel te ben bale ta sit te Diose.

Bible in Tzeltal Bachajón

⁴ ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.

Bible in Tzeltal de Oxchuc y Tenejapa

⁴ Ja' me xach'al abaic a te yutsil awo'tanique soc te lamal awo'tanique. Ja' me ach'alilic te ma sna' xlaje te bayal yutsil yo'tan Dios yu'une.

1 Pedro 3:4 ပူးပေါင်းရင်းမြစ်များ

San Mateo 11:29

Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

San Mateo 21:5

“Albeyaik te mukꞌul jtejklum Sion: ‘Ilawilik talix te rey awuꞌunike. Chꞌin yakꞌoj sba. Moem tal ta buru, ta jkojt chꞌin buru, yal te ijkatsom chambalame,’ uta me”, xchi.

San Mateo 23:26

Jaꞌat fariseo te chokate, nail xꞌapokbe yutil te platoe. Jich me pokbil ya xkꞌot euk te spate.

San Mateo 5:5

“Ben me tsaꞌam slekilik te machꞌatik pekꞌ ay sok te yoꞌtane, jich me ya xꞌaꞌbot yuꞌuninik te lum yaloj te Diose.

San Lucas 11:40

Ma xꞌanaꞌik kꞌinal. Te machꞌa la spasbe spat te posiyoe, jaꞌ a spasbe euk te yutile.

San Lucas 16:15

Te Jesuse la yaltalanbe: —Te jaꞌexe jaꞌ nax ya aleik te tut lek ya skuyex a te genteetik. Pero te Diose ya snaꞌ tut ay te awoꞌtanike. Te tut lek ya yaꞌiyik ta yoꞌtan te genteetike, ta sit te Diose pꞌajbilix yuꞌun.

Romanos 1:23

Yuꞌun syanutesejikix te stsaꞌamul Dios te ma xlaj stukele. Spasojbeyik slokꞌol ta winik te ya xcham stukele. Y asta spasojbeyik slokꞌol ta mutetik sok ta chambalametik sok ta chanetik.

Romanos 2:29

Te machꞌa batsꞌi juriyoe jich ay ta yoꞌtane sok te yichꞌoj sirkunsision ta yoꞌtane. Ma jaꞌuk ya xꞌaꞌtej te tut ya yal te tsꞌibabile. Jaꞌ ya xꞌaꞌtej stukel te Chꞌul Espiritue. Te machꞌa jich aye, lek ay skꞌoplal stukel. Ma jaꞌuk lek skꞌoplal yuꞌun te winketike, jaꞌ lek skꞌoplal yuꞌun te Diose.

Romanos 6:6

Jnaꞌojtik te tutꞌil ayotik te nail toe jojkꞌaj ta krus sok Cristo, yuꞌun teꞌ jimix jilel a te spoder te jkꞌaꞌ kuxlejaltik te puru mulil aye, y ma ba ya smosoinotik xan te mulile.

Romanos 7:22

Ta koꞌtan ben tsaꞌam ya kaꞌiy te smantal Diose.

2 Corintios 10:1

Joꞌon jPabloon, ya kalbeyex awokolikuk ta skuenta slekil yoꞌtan sok skꞌuxul yoꞌtan te Cristoe. Yuꞌun ya awalik te kꞌalal ayon ta awolilike lom mansoo kakꞌoj jba. Y te kꞌalal jakal ayone ya awalik: “Ya stoy sba ta kꞌop”, xchaex.

2 Corintios 4:16

Jaꞌ yuꞌun ma me wakꞌ chebajuk koꞌtantik, aunke yipal ta lajel yip te jtiꞌbalultike. Pero te yutil koꞌtantike yipal ta achꞌubel jujun kꞌaal.

Gálatas 5:23

sok chꞌin ya kakꞌ jbajtik, y sok ya jnaꞌ tutꞌ ayotik sok koꞌtantik. Spisil ito, ni maꞌyuk mantalil te ya yal te ma lekuke.

Efesios 4:2

Mansoukex me y lekuk me ya awila abaik. Yauk me stsꞌijk awuꞌunik y talel bael ya xkujch awuꞌunik sok skꞌuxul awoꞌtanik.

Colosenses 3:12

Dios skꞌanojex te jaꞌexe, y la stꞌujex yuꞌun jtejklum ya xkꞌoex yuꞌun, sok kꞌuxex ta yoꞌtan. Jich yuꞌun akꞌaik ta ilel te ay xkꞌuxul awoꞌtanike sok te ay slekil awoꞌtanike. Chꞌin me xꞌawakꞌ abaik y kꞌunuk me awoꞌtanik, y kujchuk me awuꞌunik.

Colosenses 3:3

Yuꞌun te jaꞌexe chamex, y te ora to tey mukul ay te akuxlejalik sok Cristo ta stojol Diose.

1 Tesalonicenses 4:11

Oꞌtantayaik te jun awoꞌtanik ya xkuxuyinex sok pasaik me te tut ay ta akuentaik spasele. Aꞌtejanik ta akꞌabik jich tutꞌil te la kalbetikexe,

2 Tesalonicenses 3:12

Te machꞌatik jich aye, ya jpastik ta mantal y ya kalbetik ta skuenta te Kajwaltik Jesucristoe: Junuk yoꞌtanik a aꞌtejukik yuꞌun jich me ay tut ya staik sweꞌelik a.

1 Timoteo 2:2

Ya skꞌan kꞌoponbeyel Dios te machꞌatik ay ta gobiernoile y sok spisil te machꞌatik ay yaꞌtelike, yuꞌun jich me bujtsꞌan kꞌinal ya kaꞌitik te ben jun koꞌtanike, sok jich me maꞌyuk kꞌop ya xjajch. Jich me ya xjuꞌ kuꞌuntik xchꞌuunel te Diose y jich me toj ya xꞌanotik.

2 Timoteo 2:25

Sok ya skꞌan te chꞌunuluk yoꞌtan ya stojutes te machꞌatik ya xkontrainwanike. Ya smaliy teme Dios ya sujtesbe yoꞌtanik y teme ya snaꞌik te tut a te batsꞌi jiche.

Tito 3:2

Ma me ayuk machꞌa ma lek ya yalbe skꞌoplal. Ma me yauk slijkesik kꞌop. Ayuk slekil yoꞌtanik. A me yakꞌik ta ilel te kꞌun yoꞌtanik te tut ya spasik sok te genteetike.

Santiago 1:21

Jich yuꞌun jilesaik me te jaꞌexe spisil te tut skuenta balmilale sok te ben bayal te tut ma lekuke. Junuk me awoꞌtan chꞌuunaik te skꞌop Dios te tsꞌunbilix ta awoꞌtanike, te jaꞌ ya xjuꞌ yuꞌun te ya skoltayexe.

1 Pedro 1:23

Yuꞌun te jaꞌexe chaꞌayinexix, y ma jaꞌuk ta skuenta te jtul winik te ya xlaje, sino ke ta skuenta te skꞌop Dios te stalel kuxul ay ta sbajtel kꞌinal stukele.

1 Pedro 3:15

Sino ke jaꞌ xꞌawakꞌik ta jkuenta te Cristoe, sok jaꞌ me xꞌawajwalinik ta awoꞌtanik. Siluk me tiempo chapalex ta sjakꞌbeyel skꞌopik spisil te machꞌatik ya xchꞌamik razon te ay smukꞌul awoꞌtanik te jaꞌexe.