1 Pedro 3:2 - Nuevo Testamento Tzeltal de Amatenango

² teme ya yilik te lekix ay bael te akuxlejalike y te ya xꞌakꞌawanex ta jkuentae.

Bible in Tzeltal Bachajón

² te c'alal ya yilic te lec bin yac apasic soc te ya x'ich'awanex ta cuenta.

Bible in Tzeltal de Oxchuc y Tenejapa

² Tic' nax a teme toj ya x'ainat ta q'uinal ya yile soc teme awich'oj ta muc' ya yile.

1 Pedro 3:2 ပူးပေါင်းရင်းမြစ်များ

Efesios 5:33

Jaꞌ yuꞌun ta juju-tulex te jaꞌexe, kꞌuxutaya me te awinamike jich tutꞌil kꞌux ya awaꞌiy aba atukele. Y jich te antse, a me yakꞌ ta jkuenta te smamlale.

Efesios 6:5

Aj-aꞌteliletik, chꞌuunbeyaik smantal te awajwalik liꞌ ba balmilale. Ichꞌaik ta jkuenta, xiꞌaik ta awoꞌtanik, sok junuk awoꞌtanik ta stojolik. Jichuk me ta stojol te tutꞌil ya achꞌuunbey smantal te Cristoe.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

Filipenses 3:20

Yan te joꞌotike jaꞌ jlumaltik te chꞌulchane. Y yipalotik ta smaliyel te ya xtal ta chꞌulchan te jKoltawaneje, jaꞌ te Kajwaltik Jesucristoe.

Colosenses 3:22

Mosoiletik, chꞌuunbeyaik ta spisil smantal te machꞌatik awajwalik liꞌ ba balmilale. Ma jaꞌuk nax te kꞌalal ya yilex te lek ya xꞌaꞌtejex ta stojole, sino ke junuk awoꞌtanik ta stojol. Xiꞌaik me te Diose.

1 Timoteo 4:12

Ma me wakꞌ spꞌajelat yuꞌun te chꞌielat toe. Jaꞌ ya skꞌan ya awakꞌ ta ilel yuꞌun te kermanoetik te tutꞌil lek ya xkꞌopojate y sok te tutꞌil lek ya xꞌaꞌtejate. Sok ayuk me slekil awoꞌtan, sok xchꞌuunel awoꞌtan sok lekuk me te akuxlejale.

1 Pedro 1:15

Jachik ya skꞌanex te tutꞌil lek sok toj ya xꞌainexe. Porke te Dios te la yikꞌexe, lek ay y toj stukel.

1 Pedro 2:12

Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

1 Pedro 3:1

Jich te jaꞌexe antstik, chꞌuunbeyaik me smantal te amamlalike, yuꞌun teme ay amamlalik te ma xchꞌuunik te skꞌop Diose, tikꞌ ya me xchꞌuunik a teme ya yilik te spisil te tut ya apasike. Ma puersauk ya yichꞌ albeyel te skꞌop Diose,

1 Pedro 3:3

Te tutꞌil ya achap abaik te jaꞌexe, ma jaꞌuk alekilik a te ya awakꞌ abaik ta ilele. Ma me lom kꞌaxemuk ya apechꞌ ajolik, sok te tsaꞌamik oro ya awichꞌike, o te kꞌuꞌul-pakꞌal te beno stsaꞌamule.

2 Pedro 3:11

Te tutꞌil la awaꞌiyikix te spisil jich ya yichꞌ lajinele, ya skꞌan te mas to xan lek ya xkuxuyinex sok te ya achꞌuunik te Diose.