1 Pedro 2:9 - Nuevo Testamento Tzeltal de Amatenango

⁹ Pero te jaꞌexe tsabilex yuꞌun Dios sok te atsꞌumbalike. Saserdoteex te ayex ta abatinel yuꞌun te Reye. Te jaꞌexe jun lekil nasion, jun jtejklum te yuꞌunex te Diose. Y te jich ay to, yuꞌun ya awalbeyik te tut spasoj Dios te lom tsaꞌame, te la yikꞌex tal lokꞌel ta ijkꞌal kꞌinal yuꞌun ya xꞌochex bael te ba sakil kꞌinal yuꞌun te lom tsaꞌame.

Bible in Tzeltal Bachajón

⁹ Yan te ha'exe tsahbil pueblohex, sacerdotehex yu'un ajwalil, ch'ul nacionex soc pueblohex yu'un Dios, scuenta yu'un yac apuquic ta halel te yutsilal te Mach'a la yiq'uex loq'uel ta yihc'al q'uinal soc la yaq'uex ta sacal q'uinal yu'un te bayel yutsil.

Bible in Tzeltal de Oxchuc y Tenejapa

⁹ Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

1 Pedro 2:9 ပူးပေါင်းရင်းမြစ်များ

San Mateo 4:16

te jtejklum teꞌa te ayik ta ijkꞌal kꞌinale tilemix mukꞌul lus ta skuentaik. Jun mukꞌul lus te tilemix ta skuentaik te machꞌatik ay ta skuenta kastigoe”, xchi me.

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Lucas 1:79

Ya me yakꞌ sakubuk kꞌinal ta stojol te machꞌatik ayik ta ijkꞌal kꞌinal sok ayik ta yaxinal lajele. Sok ya me stojutesotik bael ta sbelel te sbujtsꞌan kꞌinale —xchi te Zacariase.

San Juan 17:19

Y ta skajik jmel nax ya kakꞌ jba ta lajel yuꞌun jich me ya xꞌuꞌunimbot yoꞌtanik yuꞌun te tut batsꞌi jiche.

Hechos 20:28

Jaꞌ yuꞌun ila me abaik, y kanantayaik me spisil te hermanoetik ta kongregasione te ba yakꞌojbeyex awaꞌtelik ta kanantawanej te Chꞌul Espiritue, yuꞌun ya akanantayik te machꞌatik xchꞌuunejikix te Kajwaltike, te stukel smanoj ta xchꞌichꞌele.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Hechos 26:28

Te jꞌAgripae la sjakꞌ: —¿Me yuꞌun ora ya awaꞌbon jchꞌuun te Jesuse? —xchi.

Romanos 9:24

Jich te Diose la yikꞌotik, ma jaꞌuk nax te juriyoetike, jich euk te machꞌa ma juriyouke.

1 Corintios 3:17

Teme ay machꞌa ya sjimbey te templo yuꞌun te Diose, Dios me ya xjimot yuꞌun euk. Porke te temploe jaꞌ yuꞌun te Diose, y te templo abi, jaꞌex me.

Efesios 1:14

Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

Efesios 1:6

Jich yuꞌun, sil tiempo ya jkꞌayojintik te slekilal te Diose, yuꞌun jich a yaꞌbotik bendision ta skuenta te Xnichꞌan te ben bayal skꞌanoje.

Efesios 3:21

Aꞌ chiknajuk slekilal te Dios te ba ay te juju-tijkꞌ hermanoetike, sok ta skuenta te Cristo Jesuse ta sil tiempo y ta sbajtel kꞌinal. Jichuk.

Filipenses 3:14

Yuꞌun jich me ya xkꞌoon te ba ya xkꞌoone, y ya me xkꞌo kichꞌ te jmajtan te ya yaꞌbotik te Diose ta skuenta te Cristo Jesuse.

Colosenses 1:13

Dios la yakꞌotik ta libre yuꞌun te spuersa te ijkꞌal kꞌinale. Y la yikꞌotik bael te ba ay ta ajwalil te Xnichꞌan te ben kꞌux ta yoꞌtane,

2 Timoteo 1:9

Dios a skoltayotik y la yikꞌotik te ya xlekub te jkuxlejaltike. Ma yuꞌunuk ta skuenta kaꞌteltik, sino ke jaꞌ te tut snopoj ta yoꞌtane. Ta skuenta te Cristo Jesuse, te Dios a xkꞌuxutayotik te kꞌalal ma to xchiknaj a te balmilale.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

1 Pedro 1:2

Jaꞌex te tsabilex yuꞌun te Jtatik Diose te nameyix jich snopoj ta yoꞌtane, sok te chꞌulutesbilexix ta skuenta te Espiritue. Yuꞌun me ya achꞌuunik y ya me awichꞌik sakutesel ta skuenta xchꞌichꞌel te Jesucristoe. Ichꞌaik te bayal slekil yoꞌtan te Jesucristoe y sok te bujtsꞌan kꞌinal yuꞌune.

1 Pedro 2:5

Jachikex euk, Dios ya yakꞌex tutꞌil kuxul tonetik, yipalex ta tejkꞌanel ta jun na ta skuenta te Espiritue. Lekil saserdoteukex me, yuꞌun ta skuenta te Jesucristoe, jaꞌ awaꞌtelik te ya awaꞌbeyik milbil smajtan ta skuenta te Espiritue te lek ya yil te Diose.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

Apocalipsis 1:6

Y la yakꞌotikix ta ajwalil, sok la yakꞌotik ta saserdoteil ta abatinel yuꞌun te Dios te State. Te stukel ben tsaꞌam slekil sok yichꞌoj tulan yaꞌtel ta ora to y ta sbajtel kꞌinal. Jichuk.

Apocalipsis 20:6

Ben tsaꞌam slekilik te machꞌatik ay ta skuentaik te primero chaꞌkuxele, yuꞌun jaꞌik te yuꞌunik Dios stukelike. Te xchaꞌmelal lajele ma tut ya xꞌutotikix yuꞌun a. Sino ke jaꞌix saserdoteetik yuꞌun a te Diose y sok te Cristoe, y ya me sjoyinik ta ajwalil jmil jaꞌbil te Cristoe.

Apocalipsis 5:10

Y la awaꞌbeyik yaꞌtelik ta ajwalil sok ta saserdoteil yuꞌun te Dios kuꞌuntike. Y ya me xmantalajik ta balmilal”, xchiik ta kꞌayoj.