1 Pedro 2:8 - Nuevo Testamento Tzeltal de Amatenango

⁸ Y jich ay skꞌoplal xan ta Sjun Dios: “Jun mukꞌul ton, te jun ton te ya xkꞌojchin-okol te ya syaleswane”, te xchie. Yuꞌun ya xkꞌojchin yokik a te machꞌatik ma xyakꞌik ta jkuenta te tutꞌil ay skꞌoplal te Jesucristoe. Yuꞌun jich chapal skꞌoplalik a.

Bible in Tzeltal Bachajón

⁸ soc: Ha ton scuenta c'ohchinojibal soc ha ton te ya xyahlteswan, xchi. Ha ya sc'ohchin sbahic a ta scaj te ma ba ya sch'uhunic te c'ope. ¡Yu'un hich nix ya xc'ohtic ta loq'uel a!

Bible in Tzeltal de Oxchuc y Tenejapa

⁸ Soc ja' sc'oplalic xan te bit'il ts'ibubil jilele: “Ja' te ton swenta c'ojch'injibal soc te ton ya syaleswane”, te xie. Melel ya syalesotic ta scaj te ma xyich'beyic ta muc' te sc'ope. Yu'un nanix namey jich albil sc'oplalic yu'un Dios a.

1 Pedro 2:8 ပူးပေါင်းရင်းမြစ်များ

San Lucas 2:34

Te mam Simeone la skꞌambe bendision ta stojolik, sok la yalbe te xMaria te smeꞌ te alal Jesuse: —Aꞌiybeya awaꞌi sluwar, ta skuenta te alal to ay me bayal te jꞌisraeletike ya xjim yuꞌun, y ay me bayal ya xtojob yuꞌun. Te alale jaꞌ seña yakꞌoj Dios te bayal machꞌa ya xpꞌajot yuꞌune.

Romanos 9:22

Jachik nix te Diose, ya skꞌan ya yakꞌ jun seña tutꞌil ay te kastigoe y sok ya yakꞌ ta ilel te spodere. Juꞌ yuꞌun bayal kꞌaal ta smaliyel te machꞌatik ya skꞌanik te kastigo te teꞌ ya xla lajik aye.

1 Corintios 1:23

Pero te joꞌotike jaꞌ ya kaltik te tutꞌil a milot ta krus te Cristoe. Jaꞌ to jaꞌ nax xcheꞌbantesel yoꞌtanik yuꞌun te juriyoetike, y te machꞌatik ma juriyouke, jowil nax kꞌoem ta yoꞌtanik.

2 Corintios 2:16

Yuꞌun te machꞌatik ya xbajtik ta chꞌayele, jachik kꞌoem yuꞌunik te tutꞌil yikꞌ lajele. Pero te machꞌatik ya xkolike jich pajal sok te ben tsaꞌam yikꞌ te ya xkuxuyinik yuꞌune. Te tutꞌil jich ay to, ¿machꞌa kꞌan juꞌuk yuꞌun?

Gálatas 5:11

Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

1 Tesalonicenses 5:9

Porke te Diose ma jaꞌuk ya yakꞌotik te ya kichꞌtik kastigoe. Jaꞌ ya yakꞌ te ya xkꞌo jtaik te kolel ta skuenta te Kajwaltik Jesucristoe.

1 Pedro 2:6

Jaꞌ yuꞌun te jich ya yal te Sjun Diose: “Joꞌon me ya kakꞌ ta Sion te jpꞌej ton te yiptajib te tsabil te ben tulan skꞌoplale. Te machꞌa ya xchꞌuune makꞌ ya xjil ta kꞌexlal yuꞌun.

1 Pedro 2:7

Yuꞌun te jaꞌexe te achꞌuunejikixe, te ton abi jaꞌ te ben tulan skꞌoplal ta awoꞌtanike. Pero te machꞌatik ma xchꞌuunike, jaꞌ ya xkꞌot ta pasel te tut ya yal te Sjun Diose: “Te ton te la spꞌaj te jꞌalbañiletike, jaꞌ yiptajib chikin na kꞌotix stukel”, xchi me.

2 Pedro 2:3

Ay sbikꞌtal yoꞌtanik yuꞌun te takꞌine, jich ay tut ya slokꞌesbeyex sok te tut palso ya yakꞌik ta nopele. Pero namey chapal skꞌoplalik te ya xbajtik ta chꞌayel. Ni ma xjuꞌ ya skoltay sbaikix teꞌae.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.