1 Pedro 2:6 - Nuevo Testamento Tzeltal de Amatenango

⁶ Jaꞌ yuꞌun te jich ya yal te Sjun Diose: “Joꞌon me ya kakꞌ ta Sion te jpꞌej ton te yiptajib te tsabil te ben tulan skꞌoplale. Te machꞌa ya xchꞌuune makꞌ ya xjil ta kꞌexlal yuꞌun.

Bible in Tzeltal Bachajón

⁶ Ha scuentahil te hich ts'ihbabil ta Shun Dios: Ilawil, ya cac' ta Sión te ton te ha yich'o-ip te xuhc na, te ha tsahbil soc te bayel yutsil; te mach'a ha ya sch'uhun, ma ba ya sta q'uexlal, xchi.

Bible in Tzeltal de Oxchuc y Tenejapa

⁶ Ja' swentail te jich ts'ibubil jilel ta Sjun te Diose: “Jo'on ya cac' ta wits Sión te muc'ul ton te tsabil cu'une, ja' te ton te c'ax bayal yutsil stuquel te ja' yiptajib chiquin-na ya xc'ote. Te mach'a ya xch'uune, ma'yuc ta q'uexlal ya xc'ot yu'un”, te xie.

1 Pedro 2:6 ပူးပေါင်းရင်းမြစ်များ

San Mateo 12:18

“Teꞌ ay te kabat te tꞌujbil kuꞌune. Jaꞌ te kꞌux ya kaꞌi ta koꞌtan sok ben jun koꞌtan yuꞌun. Ya me kaꞌbe ta yoꞌtan te Espíritu kuꞌune. Jich me ya spuk ta alel ta stojol spisil nasionetik te tutꞌil toj ta pasele.

San Marcos 12:10

“¿Me maꞌyuk awilojikuk ta Sjun Dios te jich ya yale?: “Te ton te ma tsaꞌamuk ya yilik te alwaniletike jaꞌ yiptajib chikin-na kꞌotix stukel.

San Lucas 20:17

Pero te Jesuse la skelulanbe sit y jich a yal: —¿Tut a te tsꞌibabil jilel ta Sjun te Diose: “Te ton te ma tsaꞌamuk a yilik te jꞌalwaniletike, jaꞌ yipajib na a kꞌot stukel”, xchi me?

San Lucas 23:35

Te genteetike teꞌeyik ekꞌa yipalik ta yilel te tut ya xkꞌot ta pasele. Y asta te juꞌeletike ya yikꞌtinik euk te Jesuse. Jich ya yalik: —La skolta te yane. Ora to aꞌ skolta sba kiltik euk, teme batsꞌik jich te jaꞌ Cristo te tꞌujbil yuꞌun te Diose —xchiik ta yikꞌtinel.

San Juan 7:38

Jich tut ya yal te Sjun Diose, te machꞌa ya xchꞌuunone ya me xlokꞌ kuxul jaꞌ ta yoꞌtan —xchi te Jesuse.

Hechos 1:16

—Kermanotak, puersa me ya xkꞌot ta pasel te tut tsꞌibabil jilel ta skuenta te Chꞌul Espíritu te tut la yal te jDavide. Jaꞌ te la yalbe skꞌoplal te Judas te la yikꞌ tal te machꞌatik a xchuk bael te Jesuse.

Romanos 10:11

Jich ya yal te Sjun Diose: “Ma xjil ta kꞌexlal ni jtuluk te machꞌa ya xchꞌuune”, xchi me.

Efesios 1:4

Dios la stꞌujotik ta skuenta Cristo antes te ma to spas a te balmilale, yuꞌun jich me tojutesbilotikix ta skuenta y maꞌyukix jmultik ya xkꞌootik ta sit.

Efesios 2:20

Te jaꞌexe jich kꞌoemex tutꞌil jun mukꞌul na te lijkesbil yiptajib yuꞌun, jaꞌ te apostoletike y sok te jꞌalwanejetike. Y te Jesucristoe ja stonil te xchikin nae.

2 Timoteo 3:16

Spisil te Sjun Diose la yakꞌ ta naꞌel te Diose y ben lek ya xtuun yuꞌun ya snojpesotik, y ya skomotik, yuꞌun ya stojutesotik, y ya yaꞌbotik jnoptik te toj ya xꞌanotike.

1 Pedro 2:4

Tijilajanik ta stojol te Kajwaltike yuꞌun jaꞌ kuxul ton stukel. Pꞌajot yuꞌun te genteetike, pero te Diose stsaoj stukel, jich tutꞌil ton te ben tulan skꞌoplale.

1 Pedro 2:8

Y jich ay skꞌoplal xan ta Sjun Dios: “Jun mukꞌul ton, te jun ton te ya xkꞌojchin-okol te ya syaleswane”, te xchie. Yuꞌun ya xkꞌojchin yokik a te machꞌatik ma xyakꞌik ta jkuenta te tutꞌil ay skꞌoplal te Jesucristoe. Yuꞌun jich chapal skꞌoplalik a.

2 Pedro 1:20

Pero ya skꞌan te nail ya anaꞌbeyik sluwaril te tutꞌil ni maꞌyuk machꞌa ya snaꞌ te ya yalbe sluwar te tut tsꞌibabil ta Sjun Diose.

2 Pedro 3:16

Ta juju-lejch te skartae jich a yal ekꞌa to, aunke ay tut lom wokol ta naꞌbeyel sluwar. Te machꞌatik ma snaꞌik kꞌinale y sok te machꞌatik maꞌyuk spuersa xchꞌuunel yoꞌtane ya me xyanej yuꞌunik, jachik tutꞌil ya syanutesik te yanetik xan te ay ta Sjun Diose. Jaꞌ yuꞌun te chꞌayel ya xlaj bajtike.