1 Pedro 2:16 - Nuevo Testamento Tzeltal de Amatenango

¹⁶ Te tutꞌil libre ayexe, pasaik me te tut leke. Ma me yuꞌunuk jaꞌ libre ayex ta spasel te tut ma lekuke. Jachikukex me te tutꞌil yaj-aꞌtelex te Diose.

Bible in Tzeltal Bachajón

¹⁶ Hich ac'a cuxajuquex te bin ut'il mach'a ay ta libre, pero ma me librehuc ayex ta spasel te bin chopole; hich ac'a cuxajuquex te bin ut'il a'batetic yu'un Dios.

Bible in Tzeltal de Oxchuc y Tenejapa

¹⁶ Te bit'il libre ayexe, ma me ja'uc ja' libre ayex yu'un te ya apasic te bila amene. Lequil abatuquex me yu'un te Diose.

1 Pedro 2:16 ပူးပေါင်းရင်းမြစ်များ

San Mateo 23:13

“Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Yuꞌun te jaꞌexe atsꞌusojikix ta yawe kꞌoem ta stojol te genteetik te spuertaul te ba ay ta mantal te Diose. Ni makꞌ xꞌochex teꞌa te jaꞌexe, sok ma xꞌawakꞌik te ay machꞌa ya skꞌan ya xꞌochik teꞌae.

San Juan 15:22

Te manchuk a tal jkꞌopone, maꞌyuk smulik te jichuke. Pero te ora to ma xjuꞌix te ya smak sbaik ta kꞌop sok te smulike.

Romanos 6:18

Jmel nax kolemexix ta mosoil yuꞌun te mulile, te jaꞌexe ochemexix ta tuunel yuꞌun te kuxlejal te toj aye.

Romanos 6:22

Pero te ora to, kolemexix ta mosoinel yuꞌun te mulile; ochemexix ta tuuntesel yuꞌun te Diose. Jaꞌto ay tut lek ya ataik a, yuꞌun jaꞌ ya xlokꞌ awuꞌunik a te jun kuxlejal te lek ta stojol Diose, sok ta último ya ataik kuxlejal sbajtel kꞌinal.

1 Corintios 7:22

Yuꞌun teme ay machꞌa ay ta mosoil a te kꞌalal ikꞌot ta xchꞌuunel te Kajwaltike, te ora to libre ayix ta winikil te ya xtuuntesot yuꞌun te Kajwaltike. Y jaꞌ nax jich te machꞌa libre ay ta winikil a te kꞌalal ikꞌote, te ora to jaꞌ mosoix yuꞌun te Cristoe.

Gálatas 5:1

Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Gálatas 5:13

Te jaꞌexe, kermanotak, Dios la yikꞌex yuꞌun te libre ya xkꞌoexe. Pero ma me jaꞌuk libre ayex yuꞌun te ya aleik xan amulike. Jaꞌ lek abatin abaik ta juju-tul sok slekil awoꞌtanik.

Efesios 6:6

Atꞌejanik ta stojol te awajwale, ma me jaꞌuk nax a te kꞌalal ya yilex ae, swuenta lek akꞌoplal ya xkꞌoex yuꞌun. Jichukex me te tutꞌil yaj-aꞌtel te Cristoe. Pasaik ta spꞌejel awoꞌtanik te tutꞌ ya skꞌan yoꞌtan te Diose.

Colosenses 3:24

Porke te jaꞌexe, jaꞌ ya xtuunex yuꞌun te Cristoe, te batsꞌi jaꞌ awajwalike.

1 Tesalonicenses 2:5

Jich tutꞌil anaꞌojik te ma lauk jmontikex ta ben tsaꞌam kꞌopetike. Ni ma lauk jletik tut ya kaltik skuenta yuꞌun ya jtatik takꞌin yuꞌune. Jaꞌ testigo kuꞌuntik te Diose.

Santiago 1:25

Pero te machꞌa ma xchꞌay ta yoꞌtan te tut ya yaꞌiye, sino ke jaꞌ ya yakꞌ ta yoꞌtan te mantal te toje sok te ya yakꞌotik ta libree, y teme jun yoꞌtan ya xchꞌuun te tut ya yale, ben tsaꞌam slekil yuꞌun te tut ya spase.

Santiago 2:12

Ilaik me lek te tut ya awalik y ya apasik, porke Dios ya me yichꞌelex jkuenta yuꞌun te mantaliletik te ya yakꞌotik ta libree.

2 Pedro 2:19

Ya yalik te libre ayike, pero stukelik mismo ayik ta mosoinel yuꞌun te tut skuenta lajel. Porke spisil gente jaꞌ mosoinbil yuꞌun te tut ya stsalot yuꞌune.

Judas 1:4

Yuꞌun ay mukul la yochintayex jtul cheb genteetik te ya sloꞌlayexe. Jaꞌ te machꞌatik namey ay jilel skꞌoplal ta Sjun Dios yuꞌun te chꞌayel ya xlaj bajte. Jaꞌ genteetik te ma lekikuke. Syanutesejik te tutꞌil ay slekil yoꞌtan te Kajwaltik Dios, yuꞌun ya yalik te jich ay ta pasel spisil te tut ma tsaꞌamuke. Sok ma xyakꞌik ta jkuenta te úniko Ajwalil kuꞌuntik, ja te Kajwaltik Jesucristoe.