1 Pedro 2:12 - Nuevo Testamento Tzeltal de Amatenango

¹² Lekuk me ayex sok te akuxlejalik te ba ay te machꞌatik ma snaꞌbeyik sba te Diose. Aunke ma tsaꞌamuk akꞌoplalik ya yalbeyex te ora to, sok aunke jachik kꞌoeme ta yoꞌtanik te ma tsaꞌamuk awaꞌtelike, ya me yilik te lek te tut ya apasik te jaꞌexe, y ya me yalbeyik lek skꞌoplal te Dios te tut kꞌaalil ya yichꞌ kuenta ta spisile.

Bible in Tzeltal Bachajón

¹² Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

Bible in Tzeltal de Oxchuc y Tenejapa

¹² Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

1 Pedro 2:12 ပူးပေါင်းရင်းမြစ်များ

San Mateo 10:25

Jich te eskueleroe teyuk me ya yaꞌiy a teme pajal ya xkꞌot sok te yaj-maestroe. Sok te aj-aꞌtelile teyuk me ya yaꞌiy a teme pajal ya xkꞌot sok te yajwale. Teme “Beelzebu” xchi jkꞌoplal te joꞌon te Ajwalilon awuꞌunike, jich me ya yalbeyex akꞌoplalik euk te jaꞌexe.

San Mateo 5:11

“Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

San Mateo 5:16

Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

San Mateo 9:8

Kꞌalal la yilik te genteetike, xchiik yuꞌun. Lijk yalbeyik kola yal Dios yuꞌun te tutꞌil ay spoder aꞌbilik yuꞌun te genteetike.

San Lucas 1:68

Ben tsaꞌam slekil te Kajwaltik Dios yuꞌun te Israele. Yuꞌun tal slebotik jkoleltik joꞌotik te jtejklumotik yuꞌune.

San Lucas 19:44

ya me slajinelex ta apisilik. Ya me xmiltalanot spisil te alumale. Ma me ayuk xjil jpꞌejuk ton te kajal ya xjil ta sba te jpꞌej xan tone. Porke ma la anaꞌbe sba te tut ora xtaluk te Dios te tal skoltayate —xchi te Jesuse.

San Lucas 6:22

Ben me tsaꞌam alekilik jaꞌex teme ayex ta ilintayel yuꞌun te genteetike, sok teme ya stenex lokꞌele, sok teme ya sbol-kꞌoptayexe, sok teme ya spꞌajex te tutꞌil ma tsaꞌamukex ta skꞌopike teme jaꞌ ta skaj te Nichꞌanile.

San Juan 13:31

Lokꞌemix bael a te Judase, te Jesuse la yal: —Te ora to ya xꞌakꞌot ta ilel te slekilal te Nichꞌanile, y te slekil te Diose ya xchiknaj ta stojol.

Hechos 15:14

Te Simone la yalbotikix kaꞌitik te tutꞌil Dios a lijk snaꞌ ta nail to te ya stꞌuj lokꞌel ta yolilik euk te machꞌatik ma juriyouke te machꞌatik jtejklum yuꞌun ya xkꞌote.

Hechos 24:13

Te genteetik to ma staik te tut ya yakꞌik ta ilel te ya slebikon jmul ae.

Hechos 25:7

Te kꞌalal och bael te jPabloe, te juriyoetik te lijkemik tal ta Jerusalene laj tijilajik bael, y lijk slebeyik smul te lom tulan ta skꞌopike. Pero maꞌ juꞌ yuꞌunik yakꞌel ta ilel teme jich te ay smule.

Hechos 28:22

Ya jkꞌan kaꞌibetik sluwar te tutiꞌ anopoje, porke jnaꞌojtik te bayuk nax kontrainbil te achꞌ nopojibal to —xchiik.

Romanos 12:17

Ma me apakbe sjelol teme ay machꞌa ma tsaꞌamuk ay tut ya spasbeyate. Akꞌaik ta ilel ta spasel te tut lek ta sitil-komone.

Romanos 13:13

Lek me skꞌan xꞌanotik te tutꞌil ayotikix ta kꞌajkꞌaltike. Ma me jaꞌukix ya jtamtik te yakubele sok te pas-kꞌin te xchꞌeet naxe. Makꞌ me jpastikix te tut ya skꞌupin te jtiꞌbalultik te kꞌayem aye, jaꞌ te antsiwejele, sok te pletoe, sok te il-oꞌtantawaneje.

Romanos 14:18

Te machꞌa jich ya yakꞌ sba ta abatinel yuꞌun te Cristoe, jaꞌ lek ya xꞌilot yuꞌun te Diose y sok te genteetike.

Romanos 15:9

Jich a tal Cristo yuꞌun te machꞌa ma juriyouke ya yalbeyik ben tsaꞌam slekil skꞌoplal te Diose yuꞌun te slekil yoꞌtane. Jich tutꞌil ya yal te Sjun Diose: “Jaꞌ yuꞌun te ya kal ta jamal te ben tsaꞌam slekil akꞌoplal ta stojol te nasionetike. Y ya jkꞌayojin kꞌayojetik ta abiil”, xchi me.

1 Corintios 14:25

Jich ya xchiknaj te tut mukul ay ta yoꞌtane, y jich me ya skejan sba ta stojol Dios, y jich me ya snaꞌ te batsꞌi jich te ay ta awolilik te Diose.

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

2 Corintios 13:7

Y ya jkꞌopontik Dios yuꞌun te jaꞌexe te manchuk ya apasik te tut ma tsaꞌamuke. Ma yuꞌunuk ya jkꞌan kakꞌtik ta ilel te joꞌotik te lek jkꞌoplaltike. Yuꞌun jaꞌ ya jkꞌantik a te lek tut ya apasik te jaꞌexe, aunke jich yilel te lom nax jchꞌuunejtik te joꞌotike.

2 Corintios 8:21

Jaꞌ me ya skꞌan ya jpastik te tut leke ta stojol te Kajwaltik sok ta stojol ekꞌa te winketike.

Efesios 2:3

Y jich ayotik ta jpisilik ekꞌa te ay kꞌaale. Jaꞌ jtamojtik te tut ya skꞌan te jtiꞌbalultike, y jaꞌ la jpastik te tutik nax ya skꞌan te jmulawil tiꞌbalultike y sok te tutik ya jnoptike. Ta skaj te jich ayotike tey ya jtatik kastigo yuꞌun te Diose, jich tutꞌil te yanetike.

Efesios 4:22

Te tutꞌil ay te antibo akuxlejalike, jilesaik ta pasel te kꞌaꞌ kuxlejal yuꞌun atiꞌbalulik te makꞌ xtuune, yuꞌun loꞌlabilex yuꞌun te tut ma tsaꞌamuk ya skꞌan awoꞌtanike.

Filipenses 1:27

Jaꞌ nax tulan skꞌoplal te ya xkuxuyinex jich tutꞌil ya yal te lek achꞌ kꞌop yuꞌun te Cristoe. Jich mismo teme tal kilex o teme maꞌ talone ya jkꞌan ya kaꞌiy te jaꞌex te sigue jun awoꞌtanik y te jun nax ayexe. Ya me apasik puersa ta apisilik te ya awakꞌik ta chꞌuunel te skꞌoplal kolele.

Filipenses 4:8

Ta slajibal kermanotak, jaꞌ xꞌanopik spisil te tut batsꞌi jiche, sok ta spisil te tut tsaꞌam ta alele: jaꞌ bi jaꞌ spisil te tut toje, ta spisil te tut leke, ta spisil te tut lek skꞌoplale, sok ta spisil te tut lek ta nopele. Nopaik ta spisil te tut ben leke y sok te tut ben tsaꞌame.

1 Tesalonicenses 4:12

yuꞌun jich me ya yakꞌex ta jkuenta a te yanetike, sok jich ma me ayukix tut palta awuꞌunik a.

1 Timoteo 2:2

Ya skꞌan kꞌoponbeyel Dios te machꞌatik ay ta gobiernoile y sok spisil te machꞌatik ay yaꞌtelike, yuꞌun jich me bujtsꞌan kꞌinal ya kaꞌitik te ben jun koꞌtanike, sok jich me maꞌyuk kꞌop ya xjajch. Jich me ya xjuꞌ kuꞌuntik xchꞌuunel te Diose y jich me toj ya xꞌanotik.

1 Timoteo 4:12

Ma me wakꞌ spꞌajelat yuꞌun te chꞌielat toe. Jaꞌ ya skꞌan ya awakꞌ ta ilel yuꞌun te kermanoetik te tutꞌil lek ya xkꞌopojate y sok te tutꞌil lek ya xꞌaꞌtejate. Sok ayuk me slekil awoꞌtan, sok xchꞌuunel awoꞌtan sok lekuk me te akuxlejale.

1 Timoteo 5:10

Sok ya skꞌan ya xchiknaj te lek yaꞌtel a spase, jich tutꞌil teme lek a stsꞌijtes te yuntikile sok teme lek ya snajkan te machꞌatik ya xkꞌot ta snae, sok teme ay ya spokbe yok te machꞌatik xchꞌuunejix te Diose, y sok teme skoltayej te machꞌatik ay swokolike, sok teme yaꞌtelinej spasel spisil ta jkaj te lekil aꞌtele.

Hebreos 13:18

Kꞌoponbotik me Dios. Seguro ayotik te jun koꞌtantik ta stojol Dios, sok jaꞌ ya jkꞌantik te lek ya jpastik spisile.

Hebreos 13:5

Ma me jaꞌuk xbajt ta awoꞌtanik te takꞌine; junuk me awoꞌtanik te tut ay awuꞌunike. Porke jich yaloj te Diose: “Ma me yauk jilesat ni yauk jchꞌojat jilel”, xchi me.

Santiago 3:13

Teme ay apꞌijilike sok teme ay tut ya anaꞌik, jaꞌ ya xchiknaj a te lek te tut ya apasike. Chꞌunuluk me awoꞌtanik te tutꞌil ay te apꞌijilike.

1 Pedro 2:15

Porke Dios ya skꞌan te lek te tut ya apasik te jaꞌexe, yuꞌun te machꞌatik maꞌyuk tut ya snaꞌike y sok te machꞌatik maꞌyuk spꞌijilike ma xwejt tut ya yalbeyex te ya skontrainex te jaꞌexe.

1 Pedro 3:16

Pero lekuk me xꞌawalbey yaꞌiyik y akꞌaik me ta jkuenta. Lekuk me spisil te tut ya apasike. Jich me jun awoꞌtanik ya awaꞌiyik yuꞌun. Yuꞌun te machꞌatik ma lekuk tut ya yalbeyex, aunke lek ayex yuꞌun achꞌuunejik te Cristoe, ya me xkꞌexawik yuꞌun te skꞌopike.

1 Pedro 4:11

Te machꞌa ay smajtan te ya xkꞌopoje, a me yal te tut yaloj te Diose. Te machꞌa ya snaꞌ mantaltesele, a me yakꞌ sba ta mantaltesel sok te spuersa te ya xꞌaꞌbot yuꞌun te Diose. Spisil te tut ya apasike, pasaik skuenta yuꞌun jich me lek ya xꞌalbot skꞌoplal a te Diose ta skuenta te Jesucristoe. Jaꞌ te machꞌa ay slekilal sok te ay spoder sbajtel kꞌinale. Jichuk.

2 Pedro 3:11

Te tutꞌil la awaꞌiyikix te spisil jich ya yichꞌ lajinele, ya skꞌan te mas to xan lek ya xkuxuyinex sok te ya achꞌuunik te Diose.