1 Pedro 2:1 - Nuevo Testamento Tzeltal de Amatenango

¹ Jich yuꞌun, jilesaik spisil ta jkaj te tut ma lekuke: spisil loꞌlawanej, sok te ma tsaꞌamuk awoꞌtanike, sok te il-oꞌtane, sok spisil te jkaj te jontol kꞌop aꞌbiyeje.

Bible in Tzeltal Bachajón

¹ Ha yu'un jc'axel me ac'a hiluc awu'unic spisil bintic chopol, lo'loyel, chebal-o'tanil, ti'ti'o'tantaywanej, soc spisil lehaw ta c'op.

Bible in Tzeltal de Oxchuc y Tenejapa

¹ Jich yu'un jc'axel me ac'a jiluc awu'unic spisil ta jchajp te bila amen ta pasele, soc spisil te lo'laywaneje, te cha'lam-o'tanil, te bic'tal-o'tanile, soc jiluc me awu'unic spisil ta jchajp le-mulil.

1 Pedro 2:1 ပူးပေါင်းရင်းမြစ်များ

San Mateo 15:7

¡Cheb awoꞌtanik te jaꞌexe! Jich a yalbeyex akꞌoplalik te antibo jꞌalwaneje yuꞌun Dios te jꞌIsaiase:

San Mateo 23:28

Jich kꞌoemex te jaꞌexe. Ben lek ta ilel ya yilex te genteetike, pero te yutil awoꞌtanike nojel ta loꞌlawane sok ta skꞌaxintayel mantal.

San Mateo 24:51

Ya me yaꞌbe stoj ta kastigo. Teꞌ me ya xbajt a te ba ya xbajt te machꞌatik ma tsaꞌamuk yoꞌtanike. Teꞌ me ya xkꞌo yokꞌetay sba a sok teꞌ me xkꞌo xkꞌuxilan ye a —xchi te Jesuse.

San Mateo 7:5

Jaꞌex te chaꞌlam awoꞌtanike, lokꞌesa nailuk te mukꞌul trozo te ay ta asite. Jich ya xjuꞌ awuꞌun yilel slokꞌesel te chꞌin kꞌapal te ay ta sit te awermanoe.

San Marcos 12:15

Te Jesuse la snaꞌbe sluwar te maꞌ lekuk yoꞌtanike. Jich a yalbe: —¿Tut yuꞌun te ya awilbikon koꞌtane? Ichꞌbikon tal kil sejpuk denario-takꞌin —xchi.

San Lucas 11:44

Oꞌol me abaik, maestroetik yuꞌun te mantaliletike, sok jaꞌex fariseoetik, jaꞌex te ma tsaꞌamuk awoꞌtanike. Jich kꞌoemex tutꞌil te sba anima te ma chikanuk ta ilele, jun yoꞌtanik ya xkꞌaxik ta beel teꞌa te genteetike, yuꞌun makꞌ snaꞌ teme sba animae —xchi te Jesuse.

San Lucas 12:1

Jich ora a stsob sbaik tal bayal genteetik te ba ay te Jesuse. Stenten sbaik tal ta stojol. Jich te Jesuse lijk yalbe primero te jnopojeletik yuꞌune: —Ila me abaik sok te levadura yuꞌun te fariseoetike, jaꞌ bi, jaꞌ te tutꞌil ma tsaꞌamuk yoꞌtanike.

San Lucas 6:42

Tutꞌil ya xjuꞌ awuꞌun te ya awalbe te awermanoe: “Hermano, aꞌbon jlokꞌes te chꞌin kꞌaꞌpal te ay ta asite, teme ya awute. ¿Meꞌn makꞌ anaꞌ te ay mukꞌul troso te kꞌatal ta asite? Te jaꞌexe ma tsaꞌamuk awoꞌtanik. Lokꞌesa nailuk te mukꞌul troso te kꞌatal ta asite. Jich ya xjuꞌ awuꞌun yilel lek te chꞌin kꞌaꞌpal ya alokꞌesbe ta sit te awermanoe.

San Juan 1:47

Kꞌalal te Jesuse la yil te yipal tal ta tijilajel te jNatanaele, la yal: —Liꞌ ayix tal te jtul batsꞌi israel te maꞌyuk lot ta yoꞌtane —xchi skꞌoplal.

Romanos 1:29

Nojel ta yoꞌtanik spisil ta jkaj te tut ma tojuk ta pasele. Muliletik ta balmilal, y baem ta yoꞌtanik spasel spisil te tut ma tsaꞌamuke, y biktajem yoꞌtanik yuꞌun kꞌulejalil y sok laꞌoꞌtantawanejetik. Sok il-oꞌtantawanej, sok milaw, sok pletojel, sok lolawanej, sok ixlanwanej, sok tontol aꞌbiye.

1 Corintios 14:20

Kermanotak, ma me jichukex te tutꞌil ay te untike. Jachikukex me te tutꞌil untik te ma to ayuk ya spas te tut ma tsaꞌamuke. Pero jichukex me te tutꞌil mukꞌul gente te ayix srasone.

1 Corintios 5:8

Jich me ya skꞌan jpastik te kꞌin Pascua kuꞌuntike. Lekuk me te koꞌtantike y batsꞌi jichuk me, te tutꞌil pan te maꞌyuk yichꞌoj levadurae. Y ma me apasik sok te tut ma tsaꞌamuke y sok te tut ma tsaꞌamuk ya xjimawane, te jich kꞌoem tutꞌil kꞌaꞌ levadurae.

2 Corintios 12:20

Porke te kꞌalal ya xba kilex, ya jxiꞌ teme ma jichuk ya xkꞌo jtaex te tutꞌ ya jkꞌane, sok teme ma jichuk ya xkꞌo ataikon te tutꞌ ya akꞌanik ekꞌa te jaꞌexe. Jaꞌ ya jxiꞌ teme ay kꞌop lijkem awuꞌunik, o il-oꞌtantawanej, o iliba, o ay dibision awuꞌunik, sok te le-mulile, sok te aꞌbiyanwaneje, sok te toybajele, y te lijkesej-kꞌope.

Efesios 4:31

Chꞌojaik lokꞌel te ilbajinwaneje, te kꞌajkꞌubele, sok te iliꞌbae, te alabiyanwaneje, te ixtaꞌkꞌoptawaneje, y spisil ta jkaj te tut ma lekuke.

1 Tesalonicenses 2:3

Porke ma jowiluk nax te tut yipalotik ta yalele. Ni ma jaꞌuk a kaltik te tut ma lekuk, sok ma jaꞌuk jnopojtik te ay machꞌa ya jloꞌlaytik ae.

1 Timoteo 3:11

Jich euk te antsetike ya skꞌan te ya xꞌakꞌawan ta jkuenta sok ma me tojoluk puk-kꞌop-aꞌabiyej. Sok ya skꞌan te kuidado ay sok te yoꞌtanike, sok te jun yoꞌtanik ta spasel te yaꞌtelike.

Tito 2:3

Jich mismo euk te meꞌ-meꞌeletike ya skꞌan te lek ya xꞌakꞌawanik ta jkuentae. Ma me tojoluk aꞌbiye, ni yakubel. Sok ya skꞌan te lekuk te tut ya yakꞌ ta ilele.

Hebreos 12:1

Jaꞌ yuꞌun, te joꞌotike joybilotik ta bayal gente te machꞌatik ya yakꞌix ta ilel te xchꞌuunejik Diose. A me jilestik ta xujktik spisil te tut a te ya smakotike y sok te mulil te ya sjoyotike. Y ya me jpastik puersa ta animal te ya xkꞌoj jtajtik te tut ay ta jtojoltike.

Santiago 1:21

Jich yuꞌun jilesaik me te jaꞌexe spisil te tut skuenta balmilale sok te ben bayal te tut ma lekuke. Junuk me awoꞌtan chꞌuunaik te skꞌop Dios te tsꞌunbilix ta awoꞌtanike, te jaꞌ ya xjuꞌ yuꞌun te ya skoltayexe.

Santiago 3:14

Pero te jaꞌexe nojel ta awoꞌtanik te il-oꞌtantawanej, y te tutik ya apasike jaꞌ nax ya akontrain abaik a. Jich ma xjuꞌ te ya atoy abaike, porke jaꞌ ya asut ta lot te tut batsꞌi jiche.

Santiago 4:11

Kermanotak, ma me awalbeyik ma lekuk skꞌoplal te yanetike. Te machꞌa ma lekuk ya yalbe skꞌoplal te yermanoe o teme ya yichꞌ jkuentae, jaꞌ ma lekuk skꞌoplal ya yalbe te mantaliletike. Y teme kajal ya awakꞌ aba yuꞌun te mantaliletike, jich ya awakꞌ aba tutꞌil alkal en bes te la achꞌuun spasele.

Santiago 4:5

Jaꞌ sluwaril te ya yal te Sjun Diose: “Lek kꞌanbil yuꞌun Dios te Espíritu te yakꞌoj nainuk ta koꞌtantike”, xchi me.

Santiago 5:9

Kermanotak, ma me tutiꞌ awalbey abaik ta juju-tul. Yuꞌun jich me mak ya yichꞌelex jkuenta ekꞌa, y te machꞌa ya xꞌichꞌawan jkuentae ayix ta tiꞌ puerta.

1 Pedro 2:16

Te tutꞌil libre ayexe, pasaik me te tut leke. Ma me yuꞌunuk jaꞌ libre ayex ta spasel te tut ma lekuke. Jachikukex me te tutꞌil yaj-aꞌtelex te Diose.

1 Pedro 2:22

Te Cristoe ni maꞌyuk a sle smul ni maꞌyuk machꞌa a sloꞌlay ni jtuluk.

1 Pedro 3:10

Porke ya yal te Sjun Dios: “Te machꞌa ya skꞌan te lek xkuxlejale, y te jun yoꞌtan ya xkꞌax te jujun kꞌaale, a me snaꞌ tutꞌil ya xkꞌopoj. Ma me wak yal te tut ma lekuke, sok ya me skom stiꞌ ta yalel te loꞌlawaneje.

1 Pedro 4:2

Yuꞌun jich ya xkuxuyin te jayeb xan kꞌaal kuxul jich tutꞌil ya skꞌan yoꞌtan te Diose, y ma jaꞌuk te tut ya skꞌan te stiꞌbalule.

1 Pedro 4:4

Te ora to, te jaꞌexe makꞌ ya ajoyinlanikix ta spasel te lom nax ma tsaꞌamuk te xkuxlejalike. Jaꞌ yuꞌun te lom yan ya yilexix y ma lekuk ya xkꞌopojik ta atojolik.

Apocalipsis 14:5

Ni maꞌyuk a yalik te le-lot ta stiꞌik, yuꞌun maꞌyuk smulik ta stojol te Diose.