1 Pedro 1:8 - Nuevo Testamento Tzeltal de Amatenango

⁸ Te jaꞌexe kꞌux ya awaꞌiyik ta awoꞌtanik te Jesucristoe aunke ma to awilojikuk; y te ora to, achꞌuunejik te Jesucristoe aunke ma to awilojikuk. Lom kontento ayex sok sbujtsꞌ awoꞌtanik te lom mukꞌe, y te ben tsaꞌam slekil te ma xjuꞌ xlaj ta alel skꞌoplale,

Bible in Tzeltal Bachajón

⁸ Aunque ma ba awilojic, c'ux yac awa'iy ta awo'tanic; aunque ma ba yac awilic ta ora ini, yac ach'uhunic soc ay bayel yutsil te stse'elil awo'tanic te ma xhu' ta halbeyel sc'oblal,

Bible in Tzeltal de Oxchuc y Tenejapa

⁸ Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

1 Pedro 1:8 ပူးပေါင်းရင်းမြစ်များ

San Mateo 10:37

“Te machꞌa ben kꞌux ta yoꞌtan te smeꞌ-state teme ma jichuk kꞌuxon ta yoꞌtane ma snujpꞌuk te kuꞌun ya xkꞌote. Sok te machꞌa ben kꞌux ta yoꞌtan te yuntikile teme ma jichuk kꞌuxukon ta yoꞌtane, ma snujpꞌuk te kuꞌun ya xkꞌote.

San Juan 14:15

“Teme kꞌux ya awaꞌiyikone, ya achꞌuunik spisil te jmantale.

San Juan 14:21

Te machꞌa yichꞌojbon spisil te jmantale y teme ya xchꞌuune, te me ya xchiknaj a te batsꞌi jich te kꞌuxon ta yoꞌtane. Y te jTate ya xkꞌuxutay te machꞌa kꞌuxon ta yoꞌtane. Y te joꞌone ya me jkꞌuxutay euk, y ya me kakꞌ snaꞌbon jba —xchi te Jesuse.

San Juan 14:24

Te machꞌa ma kꞌuxukon ta yoꞌtane, ma xyak ta jkuenta te jkꞌope. Te kꞌop te yipalex ta yaꞌiyel te jaꞌexe, ma joꞌukon kuꞌun; jaꞌ yuꞌun te jTat te Machꞌa la sikonon tale.

San Juan 16:22

Jich euk te jaꞌexe, ayex ta ajtal-oꞌtan te ora to, pero ya me kilbeyex xan asitik, y jich me ya xjunub awoꞌtanik. Te sbujtsꞌ awoꞌtanike maꞌyuk machꞌa ya spojbeyex.

San Juan 20:29

Te Jesuse la yalbe te jTomase: —Ya achꞌuun porke yuꞌun la awilonix. Ben tsaꞌam slekilik te machꞌa ya xchꞌuun manchuk me makꞌ ya yilone —xyut.

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

Hechos 16:34

Patil la yikꞌtalan bael ta sna y la yakꞌtalanbe sweꞌel. Stukel sok te machꞌatik ay yuꞌune ben kontentoik yuꞌun te la xchꞌuunikix te Diose.

Romanos 14:17

Porke te tut ay ta ajwalinel te Diose ma ta skuentauk weꞌel o uchꞌajel. Jaꞌ nax teme toj ya xkuxuyinotike sok teme jun koꞌtantike y sok te bujtsꞌan kꞌinal ta skuenta nax te Chꞌul Espiritue.

Romanos 15:13

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

1 Corintios 16:22

Teme ay machꞌa ma kꞌuxuk ta yoꞌtan te Kajwaltik Jesucristoe, ay me ta skuenta chꞌayel abi. ¡Te Kajwaltike, ya me xtal!

2 Corintios 1:22

La yaꞌbotikix jmarkatik sok te sello yuꞌune, y yakꞌojbotikix ta koꞌtantik te Chꞌul Espíritu te jaꞌ seña te tut ya to xba kichꞌtike.

2 Corintios 12:4

Teꞌ ta utsilal la yaꞌiy kꞌopetik te mukul nax te ma spas ya yal ni jtuluk winik.

2 Corintios 4:18

Porke ma jaꞌuk ya jtojlitik ta kꞌeluyel te tut chikan ta ilele; jaꞌ ya kiltik te tut ma chikanuk ta ilele. Yuꞌun te tutik chikan ta ilele ma xjalaj, pero te tutik ma chikanuk ta ilele sbajtel kꞌinal stukel.

2 Corintios 5:7

Te ora to ma to ya kiltik, pero jun koꞌtantik jchꞌuunejtik.

2 Corintios 9:15

Kola yal te Diose, porke la yaꞌbotik jun majtanil te lom mukꞌe, te ma jnaꞌtik yalel te tutꞌil aye.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Efesios 3:19

Ya jkꞌanbe te yauk anaꞌik te tutꞌil ay te skꞌuxul yoꞌtane te jaꞌ lom bayal mas mukꞌ ta spisil ke te tut ya jnaꞌtike, skuenta yuꞌun jich ben tsꞌakal ya awichꞌbeyik slekilal te Diose.

Efesios 6:24

Dios a me yaꞌbey te slekil yoꞌtan ta stojol spisil te machꞌatik sil tiempo kꞌux ta yoꞌtanik te Kajwaltik Jesucristoe. Jichuk.

Filipenses 1:25

Jich yuꞌun te ya kale, ya to xkuxinon. Jich ya to xtal joyinex te jaꞌexe yuꞌun ya jkoltayex ta chꞌiel xan sok ya ataik butsꞌan kꞌinal sok te xchꞌuunel awoꞌtanike.

Filipenses 3:3

Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

Filipenses 4:4

Junuk me awoꞌtanik sil tiempo ta skuenta te Kajwaltike. Ya jchaꞌalonbeyex xan: Junuk me awoꞌtanik.

Hebreos 11:1

Teme ay xchꞌuunel koꞌtantike, jich seguro ayotik te ya kichꞌtik te tut yipalotik ta smaliyele, sok ya jnaꞌtik te ay tutik te ma xkiltike.

Hebreos 11:27

Ta skuenta xchꞌuunel yoꞌtan, te jMoises lokꞌ bael te ba slum Egiptoe. Ni ma xiꞌ yuꞌun teme ya xꞌilin te reye, yuꞌun jaꞌ yipinej yoꞌtan te Diose, te ya sta ta ilel ya yaꞌiy aunke ma chikanuk ta ilele.

1 Pedro 1:6

Jaꞌ sluwar te jaꞌexe te lom jun awoꞌtanike, manchuk me puersa ay jwokoltik te jayeb nax kꞌaal ya xkꞌaxotik te bayal prewae.

1 Pedro 2:7

Yuꞌun te jaꞌexe te achꞌuunejikixe, te ton abi jaꞌ te ben tulan skꞌoplal ta awoꞌtanike. Pero te machꞌatik ma xchꞌuunike, jaꞌ ya xkꞌot ta pasel te tut ya yal te Sjun Diose: “Te ton te la spꞌaj te jꞌalbañiletike, jaꞌ yiptajib chikin na kꞌotix stukel”, xchi me.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.