1 Pedro 1:7 - Nuevo Testamento Tzeltal de Amatenango

⁷ Porke te xchꞌuunel awoꞌtanik te jaꞌexe jachik kꞌoem tutꞌil oro, puersa ya yichꞌ ilel ta kꞌajkꞌ te tutꞌil aye. Te xchꞌuunel-oꞌtanil te ya xkꞌax yuꞌun te prewae, mas vale ke te oroe te ya xjuꞌ ya xlaje. Te tutꞌil ay te xchꞌuunel awoꞌtanik te jaꞌexe, teme jich a pasot prewae, jich me lek ya xlokꞌotik y ben me tsaꞌam jlekiltik yuꞌun a, sok ayotik me ta jkuenta te kꞌalal ya xchiknaj tal te Jesucristoe.

Bible in Tzeltal Bachajón

⁷ scuenta yu'un teme la yich'ix tsajel te sch'uhunel awo'tanic, te c'ax hich yutsil a te bin ut'il oro, (aunque ya xlaj, pero ya xtsajot ta c'ahc'), lec me sc'oblal ya xc'oht, soc ay me yutsilal soc ich'bil ta muc' ya xc'oht te c'alal ya xchicnaj tal te Jesucristo.

Bible in Tzeltal de Oxchuc y Tenejapa

⁷ Melel te bit'il ay xch'uunjel awo'tanique, ay yiljibal awo'tanic yu'un. Jich c'oem te bit'il oro te bayal yutsilal te ya yich' ultesel ta c'ajc' yu'un ya yich' ilel teme ma'yuc scape. Te xch'uunjel-o'tanil te ya spasot ta pruebae, c'ax jich ay sc'oplal stuquel te bit'il ay sc'oplal te oro te puersa ya xlaje. Teme chican te ay xch'uunjel awo'tanique te pasbil ta pruebae, lec me sc'oplal ya xc'ot, soc ay me yutsil, soc bayal me sc'oplal ya xc'ot te c'alal ya xchicnaj tel te Jesucristoe.

1 Pedro 1:7 ပူးပေါင်းရင်းမြစ်များ

San Mateo 19:28

Te Jesuse la yaltalanbe: —Jamal ya kalbeyex, te tut ora ya yichꞌ pasel ta achꞌ spisil te tutik aye, te kꞌalal ya snajkan sba te ba ay jlekil jnaktajib te Nichꞌanile, jich euk te jaꞌexe te atsꞌakliyejikone ya me yaꞌbelex anaktajibinik te lajchayeb naktajibaletik, yuꞌun ya ameltsaanik te lajchaytijk israeletike.

San Mateo 25:21

“Te yajwale la yal: “Lek ay. Te jaꞌate lekil jꞌaꞌtelat sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke, ya me kaꞌbeyat xan akanantaybon mas bayal. Laꞌ me, ochan, joyinaon ta lekilal”, xchi.

San Mateo 25:23

“Te yajwale la yal: “Lek ay. Jaꞌat lekil jꞌatelat, sok ben jun awoꞌtan ta jtojol. Te tutꞌil ben jun awoꞌtan la akanantaybon te tuti kaꞌbeyat chꞌinuke ya me kaꞌbeyat akanantaybon mas bayal. Laꞌ me, ochan joyinaon ta lekilal”, xchi.

San Lucas 12:33

Chonaik te tut ay awuꞌunike, y kꞌebenbeya te meꞌbaꞌetike. Leaik yawil atakꞌinik te ma xꞌixtaje. Kꞌejaik ta chꞌulchan te akꞌulejalik te makꞌ xlaje, te makꞌ xꞌoch elekꞌ aye, sok te ba makꞌ xjochꞌube.

San Lucas 17:30

Jich mismo yipalik ta spasel a te genteetik te kꞌalal ya xchiknaj tal te Nichꞌanile.

San Juan 12:26

Teme ay machꞌa ya skꞌan yakꞌ sba ta tuuntesel kuꞌune, a me stsꞌakliyon te ba ya xboone. Y te ba ya xkꞌoone, te ya xkꞌot ekꞌa te machꞌa ya xtuun kuꞌune. Te machꞌa ya yakꞌ sba ta tuuntesel kuꞌune kꞌanbil me yuꞌun te jTate.

San Juan 5:44

¿Tutꞌil kꞌan achꞌuunik te jaꞌexe, teme jaꞌ nax ya akꞌanik te ya yakꞌex ta jkuenta te genteetike? Ma jaꞌuk ya aleik te tutꞌil ya yakꞌex ta jkuenta te Diose.

Hechos 8:20

Jich te jPedroe la sjakꞌbe: —Pajal baan ta chꞌayel sok te atakꞌine, yuꞌun akuyoj te ay ta manel ta takꞌin te tut majtanil ya yakꞌ te Diose.

Romanos 2:10

Yan te machꞌatik lek te tutiꞌ spasike Dios me ya xꞌaꞌbot slekilalik yuꞌun, sok akꞌtalanbil ta jkuenta, sok jun yoꞌtanik ta spisilik, jaꞌ nail te juriyoetike, pero jich euk te machꞌatik ma juriyouke.

Romanos 2:29

Te machꞌa batsꞌi juriyoe jich ay ta yoꞌtane sok te yichꞌoj sirkunsision ta yoꞌtane. Ma jaꞌuk ya xꞌaꞌtej te tut ya yal te tsꞌibabile. Jaꞌ ya xꞌaꞌtej stukel te Chꞌul Espiritue. Te machꞌa jich aye, lek ay skꞌoplal stukel. Ma jaꞌuk lek skꞌoplal yuꞌun te winketike, jaꞌ lek skꞌoplal yuꞌun te Diose.

Romanos 2:7

Ya yaꞌbe xkuxlejal sbajtel kꞌinal te machꞌatik ya sleik te lekilale, sok la yakꞌ ta jkuenta te tut ma xlaje, sok jaꞌ sil tiempo aꞌ spasik te tut leke.

Romanos 8:19

Sok te tutik spasoj te Diose jun yoꞌtan yipal ta smaliyel te tut ora ya xchiknatesot te machꞌatik yal-xnichꞌan te Diose.

1 Corintios 3:13

Pero te yaꞌtel ta juju-tule ya xkꞌo chiknajuk ta jamal te tut kꞌaalil ya xꞌichꞌot jkuentae. Porke te kꞌaal abi ya xtal sok kꞌajkꞌ. Y te kꞌajkꞌe jaꞌ ya spasot prewa a te tut aꞌtelil a spas te juju-tule.

1 Corintios 4:5

Jich yuꞌun, ma me awichꞌbe abaik jkuenta te jaꞌexe, te tutꞌil ma to sta skꞌaalele. Maliyaik te Kajwaltik te ya xtale. Jaꞌ me ya yakꞌ ta ilel ta sakil kꞌinal stukel te tut ay ta ijkꞌal kꞌinal te ora to, y jaꞌ me ya yakꞌ ta naꞌel te tut snopoj te oꞌtanil ta juju-tule. Jich te Diose lek me ya yalbotik jkꞌoplaltik te tutꞌil ya xꞌaꞌtejotik ta juju-tule.

Santiago 1:12

Ben tsaꞌam slekil te machꞌa jun yoꞌtan ya xkujch yuꞌun te prewae, porke teme juꞌ yuꞌune, ya me yichꞌ smajtan korona, jaꞌ te kuxlejale te Dios yaloj te ya yaꞌbe te machꞌatik kꞌux ta yoꞌtanik te Diose.

1 Pedro 1:13

Jaꞌ yuꞌun chapalukex me sok kuxuluk me awoꞌtanik. Spꞌejeluk me awoꞌtanik ya amaliyik te tut ya xba yaꞌbeyex Dios ta slekil yoꞌtan te kꞌalal ya xchiknaj tal te Jesucristoe.

1 Pedro 1:5

Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

1 Pedro 2:4

Tijilajanik ta stojol te Kajwaltike yuꞌun jaꞌ kuxul ton stukel. Pꞌajot yuꞌun te genteetike, pero te Diose stsaoj stukel, jich tutꞌil ton te ben tulan skꞌoplale.

1 Pedro 2:7

Yuꞌun te jaꞌexe te achꞌuunejikixe, te ton abi jaꞌ te ben tulan skꞌoplal ta awoꞌtanike. Pero te machꞌatik ma xchꞌuunike, jaꞌ ya xkꞌot ta pasel te tut ya yal te Sjun Diose: “Te ton te la spꞌaj te jꞌalbañiletike, jaꞌ yiptajib chikin na kꞌotix stukel”, xchi me.

1 Pedro 4:12

Kermanotak te kꞌuxex ta koꞌtane, ma me lom yanuk ya awaꞌiyik yuꞌun te ayex ta prewa te jachik tutꞌ kꞌajkꞌ te lom kꞌuxe. Ma me xꞌakuyik te ay tut lom yan ya xkꞌot ta akuentaike.

1 Pedro 4:13

Junuk me awoꞌtanik teme pajal ay awokolik te tutꞌil a kꞌax swokol te Cristoe. Yuꞌun jich me ya ata bayal sbujtsꞌ awoꞌtanik a te kꞌalal ya xchiknaj tal te slekilale.

1 Pedro 5:1

Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

2 Pedro 1:4

Ta skuenta te tutik to, la yalbotik te tut ya yaꞌbotik ta patile, te kꞌax lom tsaꞌam y lom mukꞌe. Yuꞌun jich pajal kileltik ya xkꞌootik sok te tutꞌil ay te Diose, sok te libre ya xjilotik yuꞌun spisil te tutik ma lekuk te kꞌayemik ta spasel liꞌ ba balmilale.

2 Pedro 3:14

Jaꞌ yuꞌun, kermanotak, te kꞌuxex ta koꞌtane, te yipalex to ta smaliyel te tutik to, pasaik spisil te ya xjuꞌ awuꞌunik yuꞌun jun me awoꞌtanik ya xjul staex a te Diose. Ma me ijkꞌubenukex ni ma me ayuk amulik.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.

Apocalipsis 1:7

¡Ila me awilik, te Cristoe ya me xtal ta tokal! Ta spisilik ya me yilik ta sitik, sok euk te machꞌatik la slowike. Y ta spisil te jtejklumetik ta balmilale ya me yokꞌetaylan sbaik ta stojol. Jichuk me xkꞌot ta pasel. Jichuk.

Apocalipsis 2:10

“Ma me xiꞌan yuꞌun te tut ya xkꞌax awokol yuꞌune. Yuꞌun te pukuje ya me xchꞌikex ta prexo yuꞌun ya me spaselex ta prewa ta apisilik. Y ya me xkꞌax awokolik lajunebuk kꞌaal. Jmel nax me junuk awoꞌtan asta ba kꞌalal ya xchamat. Y joꞌon ya kꞌabeyat te akuxlejal jachik tutꞌil majtanile.

Apocalipsis 3:10

“Apasoj kumplir te mantaliletik kuꞌune te jun awoꞌtan ya atsꞌik awokole, y jaꞌ yuꞌun joꞌon ya jkꞌejat a te tut ora ya xtal te prewa ta stojol ta spisil te balmilale, yuꞌun te ya spasot ta prewa a ta spisil te machꞌatik kuxajtik ta balmilale.

Apocalipsis 3:18

“Jaꞌ yuꞌun ya kalbeyat te ya amanbon te oro te pasbilix tal ta kꞌajkꞌe, yuꞌun jich batsꞌi kꞌulejat a. Y sok te ya amanbon te sakil kꞌuꞌul-pakꞌal yuꞌun ya alap y ya amuk aba a te kꞌexlaltik sba te tꞌaxalate. Y sok ya amanbon te jun pox yuꞌun te ya awaꞌbey asit te ya awil kꞌinal ae.