1 Pedro 1:6 - Nuevo Testamento Tzeltal de Amatenango

⁶ Jaꞌ sluwar te jaꞌexe te lom jun awoꞌtanike, manchuk me puersa ay jwokoltik te jayeb nax kꞌaal ya xkꞌaxotik te bayal prewae.

Bible in Tzeltal Bachajón

⁶ Tse'el awo'tanic yu'un, aunque jts'ihn xanix ya sc'an te ya xc'ax awocolic ta chahpal chahp tsajel,

Bible in Tzeltal de Oxchuc y Tenejapa

⁶ Ja' swentail te ayuc bayal sbujts' awo'tanic, manchuc teme ayex ta woclajel jun chebuc c'aal yu'un te bayal ta jchajp yiljibal awo'tanic te ya xtal ta atojolique.

1 Pedro 1:6 ပူးပေါင်းရင်းမြစ်များ

San Mateo 11:28

Laꞌik me ta jtojol ta apisilik jaꞌex te lubenex yuꞌun te tulan aꞌtele sok te ijkatsejele. Joꞌon ya kaꞌbeyex akux awoꞌtanik.

San Mateo 26:37

La yikꞌ xan bael te jPedroe sok te cheb yuntikil te Zebedeoe. Lijk ta ajtal-oꞌtan y lijk ta wokol te Jesuse.

San Mateo 5:12

Junuk me awoꞌtanik, kontentoukex me, yuꞌun ya me awichꞌ amajtanik ta chꞌulchan. Jich me a kꞌax swokolik te jꞌalwanejetik yuꞌun Dios te nail a kꞌax ta balmilal awuꞌunike.

San Lucas 1:47

Ben jun koꞌtan ta stojol te Dios te jkoltawane kuꞌune. Porke Dios teꞌe sit a te ba ayone, manchuk me chꞌin ayon te yabatone.

San Lucas 10:20

Pero ma me jaꞌuk nax ben jun awoꞌtanik yuꞌun te tutꞌil ya xchꞌuumbeyex amantalik te pukujetike. Jaꞌuk me ben jun awoꞌtanik yuꞌun te tutꞌil tsꞌibabilix abiilik te ba chꞌulchane —xchi te Jesuse.

San Lucas 2:10

Pero altalanbot yuꞌun te chꞌul ángele: —Ma me xiꞌanik, porke ay me tut kichꞌojbeyex tal te ben tsaꞌam ya kalbeyexe. Ben me sniꞌ xꞌawaꞌiyik yuꞌun ta apisilik.

San Juan 16:22

Jich euk te jaꞌexe, ayex ta ajtal-oꞌtan te ora to, pero ya me kilbeyex xan asitik, y jich me ya xjunub awoꞌtanik. Te sbujtsꞌ awoꞌtanike maꞌyuk machꞌa ya spojbeyex.

San Juan 16:33

Ya kalbeyex pisil to, yuꞌun jich me bujtsꞌan kꞌinal ya awaꞌiyik ta jtojol. Yan te liꞌ ba balmilale, te jaꞌexe ya me xkꞌax awokolik. Pero ayuk me spuersa awoꞌtanik, yuꞌun joꞌon jtsalojix te balmilale —xchi te Jesuse.

Hechos 14:22

Te ba luwar ba laj kꞌaxike, la yaꞌbeyik jilel spuersa yoꞌtan te hermanoetike, y la yaltalanbe jilel te jmel nax a wakꞌ xchꞌuunik te Jesuse. La yalbeyik te puersa ay bayal wokol te ya xꞌochotik te ba ay ta ajwalinel te Diose.

Romanos 12:12

Kontento me xꞌamaliyik te lekilale. Kujchuk me awuꞌunik sok apuersaik te wokoletike. Ma me akom abaik ta skꞌoponel Dios.

Romanos 5:11

y ma jaꞌuk nax to. Jun koꞌtantik ayotikix ta stojol Dios ta skuenta Cristo te junix koꞌtantik sok te Diose.

Romanos 5:2

Yuꞌun ta skuenta Cristo te kꞌot ta jkuentatik te slekil yoꞌtan Dios, ta skuenta nax te xchꞌuunel koꞌtantike. Y jich jun koꞌtantik ayotik sok ben butsꞌan kꞌinal ya jmalitik ya kichꞌtik te slekilal Diose.

Romanos 9:2

Bayal ayon ta ajtal-oꞌtan, sok ay tut lom kꞌux ta koꞌtan ya kaꞌiy sil tiempo,

2 Corintios 4:17

Te tut ya xkꞌax jwokoltik yuꞌun te jkuxlejaltik te ora toe ya xkꞌax stukel. Pero kꞌunkꞌun yipalotik ta stael te lekilal sbajtel kꞌinal te mas mukꞌ y te lom bayale.

2 Corintios 6:10

Ay lom tristeotik, pero sil tiempo kontento ayotik. Ay lom meꞌbaotik, pero ay bayal kꞌulejiben kuꞌuntik. Jich yilel te maꞌyuk tut ay kuꞌuntike, pero ay kuꞌuntik spisil.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Filipenses 2:26

Yoꞌtanuk te ya xba yilex ta apisilik. Y ben yajtal yoꞌtan porke te jaꞌexe la awaꞌiyik te la sta chamele.

Filipenses 3:3

Porke te machꞌatik batsꞌi yichꞌojik sirkunsisione joꞌotik abi, yuꞌun jchꞌuunejtik te Diose ta skuenta te Espíritu, y ben jun koꞌtantik te ayotikix ta skuenta te Cristo Jesuse. Ma jaꞌuk ya kichꞌtik ta jkuenta te tutik ya spasbot te jtiꞌbalultike.

Filipenses 4:4

Junuk me awoꞌtanik sil tiempo ta skuenta te Kajwaltike. Ya jchaꞌalonbeyex xan: Junuk me awoꞌtanik.

1 Tesalonicenses 1:6

Te jaꞌexe jaꞌ la anopik te tutꞌil ayotike y sok te tutꞌil ay te Kajwaltike. Y la awichꞌik ta jkuenta te skꞌop Diose sok te sbujtsꞌ awoꞌtanik te la yaꞌbeyex te Chꞌul Espiritue, aunke la ataik bayal awokolik ta ilbajinel yuꞌun.

Santiago 1:2

Kermanotak, te jaꞌexe ya skꞌan te ben jun awoꞌtanik te kꞌalal ya xtal te skajal skaj prewaetik ta atojolike.

Santiago 1:9

Te hermano te pobre aye, ya skꞌan te lek ya yaꞌiy te jaꞌ ya smukꞌutesbot skꞌoplal yuꞌun te Diose.

Santiago 4:9

Ayuk me yajtal awoꞌtanik. Okꞌetay abaik y mala yaꞌlel asitik. Te atseꞌejike aꞌ kꞌajtajuk ta okꞌel, y te butsꞌan kꞌinale aꞌ sujtuk ta ajtal-oꞌtan.

1 Pedro 3:17

Teme jich ya skꞌan te Diose, jaꞌ lek te ay ya xkꞌax awokolik yuꞌun spasel te tut leke. Jaꞌ ma lek teme ya xkꞌax awokolik yuꞌun spasel te tut ma lekuke.

1 Pedro 4:7

Nopolix ya xtal slajibal ta spisil te tutik aye. Jaꞌ yuꞌun, te jaꞌexe naꞌaik me tutꞌ ayex y kuxa me awoꞌtanik ta skꞌoponel Dios.

1 Pedro 5:10

Pero ta patil te ay awokolik cheꞌoxeb nax kꞌaale te jaꞌexe, Dios me ya yakꞌ xjuꞌ awuꞌunik ta lek. Ya me sjunutesbeyex awoꞌtanik sok ya me yaꞌbeyex yip awoꞌtanik sok jun awoꞌtanik. Ben bayal slekil yoꞌtan te Diose te la yikꞌotik yuꞌun ya kichꞌtik te slekilal sbajtel kꞌinal, te jun nax ayotik sok te Jesucristoe.