1 Pedro 1:5 - Nuevo Testamento Tzeltal de Amatenango

⁵ Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

Bible in Tzeltal Bachajón

⁵ ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

Bible in Tzeltal de Oxchuc y Tenejapa

⁵ Ya me scanantayex ta yu'el te Diose ta swenta xch'uunjel awo'tanic, swenta yu'un jich me ya ataic te bila chajbanbil te ya yac'beyex awich'ic ta slajibal c'aale.

1 Pedro 1:5 ပူးပေါင်းရင်းမြစ်များ

San Juan 12:48

Te machꞌa ya spꞌajone y teme ma xyakꞌ ta jkuenta te jkꞌope, ay me machꞌa te ya xꞌakꞌot bael ta chꞌayel yuꞌune: Te jkꞌop te la kalixe jaꞌ ya xꞌakꞌot bael ta chꞌayel yuꞌun ta slajibal kꞌaal.

San Juan 17:15

Ma jaꞌuk ya jkꞌambeyat te ya alokꞌesbon ta balmilale. Jaꞌ ya jkꞌambeyat te ma xꞌawakꞌ ta tsalel yuꞌun te pukuje.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

Romanos 11:20

Batsꞌi jich te la yichꞌik bojtalanel lokꞌele, pero jaꞌ yuꞌun te maꞌyuk xchꞌuunel yoꞌtanike. Y te jaꞌate ayat ta skuenta nax te ay xchꞌuunel awoꞌtane. Jaꞌ yuꞌun ma me atoy abaik. Jaꞌ mas lek te ya axiꞌike.

Romanos 8:18

Te ora to ayotik ta wokolajel, pero ma tulanuk ta koꞌtantik te wokolajel teme jaꞌ ya jnaꞌtik te lekilal te ya kiltik ta patile.

1 Corintios 1:21

Te Diose ta skuenta spꞌijil maꞌ yakꞌ sba ta naꞌel yuꞌun te machꞌatik ay ta skuenta te balmilale; maꞌ snaꞌbeyik sba ta skuenta te spꞌijilik naxe. Jaꞌ lek a yaꞌi te Diose te ya skoltay ta skuenta skꞌop te ya stikon ta alel ta stojol te machꞌatik ya xchꞌuunike, aunke te skꞌoplal to jowil nax kꞌoem ta yoꞌtanik.

2 Corintios 1:24

Ma yuꞌunuk jaꞌ ya jkꞌantik te ya sujtikex ta xchꞌuunele, yuꞌun ben jun awoꞌtanik sok ayix xchꞌuunel awoꞌtanike. Te tut ya jkꞌantike jaꞌ te ya xꞌaꞌtejotik ta akuentaik, yuꞌun jich me ben jun awoꞌtanik a.

Gálatas 2:20

Sok te Cristoe pajal jojkꞌajemon sok ta krus. Y ma joꞌukon xanix ta jkuenta kuxulon, jaꞌix ta skuenta Cristo te kuxulone. Y ta ora to te tutꞌil kuxulon sok te jtiꞌbalule, jaꞌ kuxulonix ta xchꞌuunel koꞌtan ta skuenta te Xnichꞌan Diose. Jaꞌ la xkꞌuxutayon y la yakꞌ sba entregal ta milel ta joꞌon ta jkaj.

Efesios 2:8

Yuꞌun ta slekil yoꞌtan Dios te kolemexix ta skuenta xchꞌuunel awoꞌtanike. Ma yuꞌunuk jaꞌukex mismo te la aleik te akolelike, yuꞌun jaꞌ majtanil ya yakꞌ te Diose.

Efesios 3:17

Y te ya xꞌanin ta awoꞌtanik te Cristo ta skuenta te xchꞌuunel awoꞌtanike. Jich te jaꞌexe junuk awoꞌtanik y toyoluk tsunulex ta skuenta te skꞌuxul awoꞌtanike.

Filipenses 1:6

Seguro ayon yuꞌun Dios, te la slijkes ta pasel lekil aꞌtel ta atojolik, ya me sjuꞌutes slekil yaꞌtel jaꞌ to te tut kꞌaalil ya sujt tal te Jesucristoe.

Filipenses 4:7

Jich me ya yaꞌbeyex butsꞌan kꞌinal te Diose te jaꞌ ben tsaꞌam te ma xjuꞌ yuꞌun snaꞌel te winike. Y te bujtsꞌan kꞌinal to ya me snojesbeyex te awoꞌtanik sok te apensarik, porke te jaꞌexe jun nax ayex ta skuenta te Cristo Jesuse.

2 Timoteo 3:15

Naꞌame te chꞌinat to a te la anaꞌbe sba te chꞌul Sjun Diose te ya yaꞌbeyat anaꞌ tutꞌil ya xjuꞌ ya xkolat teme ya achꞌuun te Cristo Jesuse.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Hebreos 6:12

Ma jkꞌantik te ya xchꞌajubexe. Jaꞌ ya jkꞌantik te ya atsꞌakliyik te machꞌatik jun yoꞌtanik ta xchꞌuunel te Diose, y te jun yoꞌtan ya smaliyik te tut ya xꞌaꞌbot yuꞌun Dios te sjapoj jilele.

Hebreos 9:28

jich euk jun nax buelta la yakꞌ sbaix ta milbil smajtan Dios yuꞌun ta xchꞌaybeyel smul bayal genteetik. Patil ya xchiknaj tal ta xchaꞌmelal. Ma yuꞌunuk ya xtal xan ta xchꞌayel mulil, sino ke yuꞌun ya skoltay te machꞌatik ayik ta smaliyele.

1 Pedro 1:13

Jaꞌ yuꞌun chapalukex me sok kuxuluk me awoꞌtanik. Spꞌejeluk me awoꞌtanik ya amaliyik te tut ya xba yaꞌbeyex Dios ta slekil yoꞌtan te kꞌalal ya xchiknaj tal te Jesucristoe.

1 Pedro 4:13

Junuk me awoꞌtanik teme pajal ay awokolik te tutꞌil a kꞌax swokol te Cristoe. Yuꞌun jich me ya ata bayal sbujtsꞌ awoꞌtanik a te kꞌalal ya xchiknaj tal te slekilale.

1 Pedro 5:1

Te ora to ay tut ya kalbeyex te ansianoex te ba jujun kongregasione, joꞌon te pajal ansianoon sok te jaꞌexe, sok joꞌon te la kil te wokoletik a kꞌax yuꞌun te Cristoe, sok te pajal ya kichꞌtik te lekilal te ya xba chiknajuke.

2 Pedro 1:3

Ta skuenta spoder te Diose la yaꞌbotikix spisil te tut puersa yuꞌun te jkꞌuxlejaltike y sok te tutꞌil ya xjunaj koꞌtantike. La yaꞌbotikix jnaꞌtik te Machꞌa la yikꞌotikixe, te lom mukꞌ stukele y sok te yaꞌtel te lom kꞌax tsaꞌame.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

Judas 1:1

Joꞌon Judason, yaj-aꞌtelon te Jesucristoe y sok jaꞌ jbankil te Jacoboe. La jtsꞌibay te karta to jaꞌ yuꞌun te machꞌatik kꞌuxutaybil yuꞌun te Jtatik Dios sok te ikꞌtalanbilix yuꞌune, sok jaꞌ te machꞌatik kanantaylanbilix yuꞌun te Jesucristoe.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.