1 Pedro 1:4 - Nuevo Testamento Tzeltal de Amatenango

⁴ Jich me ya awichꞌik te majtanil yuꞌun Dios te skꞌejojbeyex ta chꞌulchane te ma snaꞌ xlaje, ni ma xꞌijkꞌub, ni ma xlaj te stsaꞌamule.

Bible in Tzeltal Bachajón

⁴ soc scuenta yu'un ya x'ac'ot quich'tic te bin ma xjihn, te mayuc yabaquil soc te ma xtaquij, te q'uejbil ta ch'ulchan yu'un ha awu'unic ya xc'oht,

Bible in Tzeltal de Oxchuc y Tenejapa

⁴ Jich me ya yac'beyex awu'uninic te bila q'uejbil ta ch'ulchan yu'un te Diose. Ma sna' xjin, soc ma sna' sts'ilaj, soc ma sna' xlaj yutsilal te bila ya yac'beyexe.

1 Pedro 1:4 ပူးပေါင်းရင်းမြစ်များ

San Mateo 25:34

“Te ajwalile ya me yalbe te machꞌatik ay ta sbatsꞌil skꞌabe: “Laꞌik te jaꞌexe te ben tsaꞌam alekilik ta stojol te Jtate. Ochanik, ichꞌaik awaꞌtelik ta ajwalil te chapbil ta akuentaik kꞌalal ta slijkibal to tal te balmilal te la spas te Diose.

San Marcos 10:17

Te kꞌalal xlijkꞌ xan ta beel te Jesuse, tsꞌin xyaletal jtul winik. Jul skejan sba ta yok te Jesuse y la sjokꞌobe: —Maestro te ben lekate, ¿tut lek ya jpas yuꞌun ya xkuxiyinon sbajtel kꞌinale? —xchi julel.

Hechos 20:32

“Te ora to, kermanotak, ya kakꞌex ta kanantayel yuꞌun te Diose sok yuꞌun te skꞌop te kꞌuxutaybilotik yuꞌune. Ay spoder stukel te ya yakꞌ xchꞌiex ta skuenta Espíritu sok ya me yaꞌbeyex spisil te tut yaloj ta stojol te jtejklum tꞌujbil yuꞌune.

Hechos 26:18

Yuꞌun ya xba awikꞌtalanbe sit, jich makꞌ xbeenikix ta ijkꞌal kꞌinal a, ta sakil kꞌinal xlaj beenix a. Yuꞌun ma sigueuk ya xjapuyot yuꞌun a te pukuje, jaꞌ ya xjapuyotix yuꞌun a te Diose. Yuꞌun teme la xchꞌuunikone, jich me ya staik perdon yuꞌun a te smulike. Sok ya me kakꞌ ayinuk te ba aylan te chꞌul jtejklum yuꞌun Diose”, xyuton te Jesuse.

Romanos 8:17

Y te tutꞌil yal-xnichꞌanotikix te Diose, jich ayix jpartetik te jmajtantik te Dios yaloj jilel te ya yaꞌbotike. Pajal ya kichꞌtik sok Cristo, teme jich ya xkꞌax jwokoltik soke, yuꞌun ta patil jun ayotik sok ta lekilal.

1 Corintios 9:25

Te machꞌatik ya xchap sbaik ta tajmale, ya skom spisil te tut a te ya xꞌixlanot yuꞌune. Y jich ya spasik to yuꞌun jich me ya staik smajtan koronaik te pasbil ta yanimal teꞌ te ma xjalaje. Yan te joꞌotike, ya jpastik puersa yuꞌun jich ya jtajtik te jun majtanil te ma xlaje.

Gálatas 3:18

Porke teme jaꞌ ya kichꞌtik te bendision ta skuenta te mantaliletike, ma jaꞌukix a te tut japbile. Pero te Diose la yaꞌbe te tut sjapojbe te jꞌAbrahame te ta majtan naxe.

Efesios 1:11

Dios a stꞌujotik ta slijkibal to tal, yuꞌun te jun nax ya xkꞌootik sok te Cristo sok ya me xba kichꞌtik te jmajtantik te xatꞌbilotike. Jich tutꞌil snopoj stukel mismo te Diose, sok ya xkꞌot ta pasel yuꞌun spisil te tut lek ya yile.

Efesios 1:14

Te Chꞌul Espiritue jaꞌ seña te ya kichꞌtik te majtanil te Dios ya yaꞌbotik kꞌalal ya stsꞌakay te machꞌatik ya yichꞌ koltayel yuꞌune. Yuꞌun jich me ya kalbetik te slekilale.

Efesios 1:18

Ya jkꞌanbe Dios te yauk sjambeyex apensarike yuꞌun ya me anaꞌik a te tut yipalex ta smaliyel te jaꞌ ikꞌbilexix yuꞌune. Ben tsaꞌam y ben chapal te majtanil te Dios ya yaꞌbe te machꞌatik yuꞌune.

Colosenses 1:12

Sok jich me xꞌawalbeyik kola yal sok sbujts awoꞌtanik te Jtatik Diose, te jaꞌ xchapojex yuꞌun ya awichꞌik te ba sakil kꞌinal te majtanil te stukel ya yaꞌbe te machꞌatik jtejklumix yuꞌune.

Colosenses 1:5

Yuꞌun jich ay ta awoꞌtanik te tut yipalex ta smaliyel te tut kꞌejbilex ta chꞌulchan te ya awichꞌike. Jaꞌ te la awaꞌiyikix te kꞌop te batsꞌi jiche, jaꞌ te lek yachꞌil kꞌop yuꞌun te kolele.

Colosenses 3:24

Porke te jaꞌexe, jaꞌ ya xtuunex yuꞌun te Cristoe, te batsꞌi jaꞌ awajwalike.

2 Timoteo 4:8

Te ora to jaꞌ xanix ya jmaliy te jkorona te yuꞌun toj aꞌanon ta balmilale, te jaꞌ ya yaꞌbon te Kajwaltik te tut ora ya sta skꞌaale, yuꞌun toj ya smeltsaanwan stukel. Y ma joꞌukon nax ya yaꞌbon, sino ke jich ya yaꞌbey ta spisil te machꞌatik sok slekil yoꞌtan ya smaliyik te ya xchaꞌtal xane.

Hebreos 10:34

Te jaꞌexe la xpichꞌin awoꞌtanik te machꞌatik aylan ta prexoe. Y asta jun awoꞌtanik te la awakꞌik bael ta pojel te tut ay awuꞌunike, yuꞌun anaꞌojik te tut ay awuꞌunik ta chꞌulchan te mas ben tsaꞌame sok te sbajtel kꞌinal ay stukele.

Hebreos 9:15

Jaꞌ yuꞌun, te Jesucristoe jaꞌ tejkꞌanbil ta kꞌop yuꞌun te yachꞌil tratee, yuꞌun tal yakꞌ sba ta lajel yuꞌun la staik perdon yuꞌun smulik te machꞌatik mulawike te ayik ta skuenta te nail tratee. Y yuꞌun te machꞌatik ikꞌbilik yuꞌun te Diose ya me yichꞌ smajtanik sbajtel kꞌinal te stukel yaloj jilele.

Santiago 1:11

Te kꞌalal ya xlokꞌ tal te kꞌajkꞌale te tulan ya xkꞌuxub tale, te wamale ya xtakej te xniche, ya xtꞌuxaj koel, y te stsaꞌamule ya xchꞌay. Jich me euk te jkꞌuleje ya me xchꞌay bael sok spisil te snegosioe.

1 Pedro 3:9

Ma me apakbeyik te tut ma lekuk ya spasbeyexe, sok ma me xꞌawutik te machꞌa ya yutexe. Jaꞌ lek kꞌanbeyaik bendision. Yuꞌun anaꞌojik te la yikꞌex Dios yuꞌun ya awichꞌik bendision euk te jaꞌexe.

1 Pedro 5:4

Jich te kꞌalal ya xchiknaj te Statal jKanane, te jaꞌexe ya me awichꞌik te korona yuꞌun te lekilale, te jun korona te maꞌyuk tut ora ya xlaje.

Apocalipsis 21:27

Pero ma xjuꞌ ya xꞌoch teꞌa te tut ma lekuke, ni ma xjuꞌ ya xꞌoch teꞌa te machꞌatik ya spasik te tut ma tsaꞌamuke sok te jloꞌlawanejetike. Jaꞌ nax ya xꞌoch teꞌa te machꞌatik ay tsꞌibabil sbiilik te ba libro yuꞌun kuxlejal yuꞌun te Chin Karnerae.