1 Pedro 1:3 - Nuevo Testamento Tzeltal de Amatenango

³ Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

Bible in Tzeltal Bachajón

³ Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

Bible in Tzeltal de Oxchuc y Tenejapa

³ Jelawen yutsil te Diose, te Stat te Cajwaltic Jesucristoe. Yu'un ta scaj nax te bayal xc'uxul yo'tan ta jtojoltic te la yac' cha'ayinucotic xan ta swenta bit'il cha'cux tel ta bay animaetic te Jesucristoe. Jich cuxul spisil ora te smuc'ul co'tantique.

1 Pedro 1:3 ပူးပေါင်းရင်းမြစ်များ

San Juan 1:13

Jaꞌ yuntikil Dios. Ma pajaluk skꞌoplal sok te machꞌatik te ayinemik ta skuenta nax stiꞌbalulike sok te skꞌanojel yoꞌtan stiꞌbalulik te smeꞌ-statike, yuꞌun ta skuenta Dios te ya xꞌayinikixe.

Romanos 12:12

Kontento me xꞌamaliyik te lekilale. Kujchuk me awuꞌunik sok apuersaik te wokoletike. Ma me akom abaik ta skꞌoponel Dios.

Romanos 15:13

Te Diose jaꞌ te ya yakꞌ spuersa koꞌtantike, aꞌ yaꞌbeyex bayal sbujts awoꞌtanik y sok junuk awoꞌtanik te ay xchꞌuunel awoꞌtanik ta stojole. Y ya me yaꞌbeyex xan bayal spuersa awoꞌtanik ta spoder te Chꞌul Espiritue.

Romanos 4:25

te akꞌot entregal ta lajel yuꞌun te jmultike y chaꞌkux tal yuꞌun ya yakꞌotik ta libre yuꞌun te jmultike.

Romanos 5:10

Porke te Diose, te kꞌalal jkontrainejtik to aye, la yaꞌbotik bujtsꞌan kꞌinal ta skuenta te tutꞌil a cham te Xnichꞌane. Mas to xan a kolotik a te la yakꞌ xkuxlejale. Te ora to junix koꞌtantik sok

Romanos 8:11

Y te Espiritue, te jaꞌ te la xchaꞌkuses tal te Jesuse, kuxulix ta akuentaik. Jaꞌ mismo te la xchaꞌkuses tal te Cristo, ya yaꞌbeyex achꞌ kuxlejal ta atiꞌbalulik te ya xlaje ta skuenta te Espíritu yuꞌun Dios te ayix ta atojolike.

Romanos 8:24

Jnaꞌojtik te kolemotikixe, pero ay to te tut ayotik ta smaliyele. Teme ay machꞌa ya yilix te tut yipal ta smaliyele, jich ma jaꞌuk ya smaliy xan. Yuꞌun teme ay machꞌa ya sta ta ilele, ¿tuꞌun xan ya smaliy tem jichte?

1 Corintios 13:13

Ay oxeb te tutik ma xchꞌay skꞌoplale: Jaꞌ te xchꞌuunel-oꞌtanile, sok te tut ya jmalitike, y sok te xkꞌuxul-oꞌtanile. Pero mas tulan skꞌoplal ta yoxebale, jaꞌ te xkꞌuxul-oꞌtanile.

1 Corintios 15:20

Pero batsꞌi jich te Cristo te chaꞌkuxeme. Stukel primero sba sit te kosechae, y stukel primero te chaꞌkux tale.

2 Corintios 1:3

Ben tsaꞌam te Dios te Stat te Kajwaltik Jesucristoe yuꞌun stukel Tatil te kꞌuxotik ta yoꞌtane y stukel Dios te sil tiempo ya yaꞌbotik spuersa koꞌtantike.

Gálatas 6:16

Spisilik te machꞌa jich xchꞌuunejik ekꞌae, ya yichꞌik te bujtsꞌan kꞌinale y te slekil yoꞌtan Diose, sok spisil te machꞌatik batsꞌi jtejklum yuꞌun te Diose.

Efesios 1:17

Ya jkꞌanbe te Diose yuꞌun te Kajwaltik Jesucristoe, te Tatil te lom bayal slekilale, aꞌ yaꞌbeyex te pꞌijilil ta skuenta te Espiritue, skuenta yuꞌun jich ya anaꞌik a te tut ya yakꞌ ta naꞌele, y ya me anaꞌbeyik sba ta lek.

Efesios 1:3

Ben tsaꞌam te Dios te Stat te Kajwaltik Jesucristoe. Yuꞌun te jun ayotikix sok te Cristoe, jich la yaꞌbotikix spisil ta skajal skaj bendisionetik te ay ta skuenta te chꞌulchane.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 2:4

Pero te Diose lom bayal slekil yoꞌtan y bayal a skꞌanotik ta yoꞌtan.

Efesios 3:20

Y te ora to aꞌ chiknajuk slekilal te Diose te ay spoder yuꞌun spasel bayal ta mas te tutik ya jkꞌanbetik o te tut ya jnoptike, ta skuenta te spoder te ya xꞌaꞌtej ta jtojoltike.

Colosenses 1:23

Pero yuꞌun te jich aye ya skꞌan te jmel nax jun awoꞌtanik sok te xchꞌuunel awoꞌtanike. Ma me xtal xbajtukex ta smaliyel te tut ya awichꞌik yuꞌun te skꞌoplal kolel te la awaꞌiyike. Jaꞌ to jaꞌ skꞌoplal te la yichꞌix alel ta bayuk nax ta balmilale, jaꞌ te ay kaꞌtel ta yalel ekꞌae, joꞌon te jPabloone.

Colosenses 1:27

Te Diose jaꞌ la yaꞌbotik jnaꞌtik te tutꞌil mukul nax ay yuꞌune, jaꞌ te kꞌop te bayal slekil ta aꞌiyel yuꞌun spisil te machꞌatik maꞌ juriyouke. Jaꞌ te tutꞌil ya xꞌanin ta awoꞌtanik te Cristoe, te jaꞌ ya amaliyik te slekil te ya xba awichꞌike.

1 Tesalonicenses 1:3

Maꞌyuk ya jkom jbajtik ta snaꞌulanelex ta stojol te Jtatik Diose te tutꞌil bayal xchꞌuunel awoꞌtanik aꞌtejemexix te jaꞌexe, sok te tutꞌil bayal slekil awoꞌtanik la awakꞌ abaik ta abatinele, y sok te tutꞌil yipalex ta smaliyel te Kajwaltik Jesucristoe te la skoltayex te juꞌ awuꞌunik te kujch awuꞌunik te wokoletike.

1 Tesalonicenses 4:13

Kermanotak, ya jkꞌantik te ya anaꞌik te tut ya xkꞌot ta pasel yuꞌun te machꞌatik chamenike, skuenta yuꞌun ma me lom tristeukex te jaꞌexe, jich tutꞌil te yanetik te maꞌyuk tut smukꞌulinej yoꞌtanike.

2 Tesalonicenses 2:16

Te Kajwaltik Jesucristoe y sok te Jtatik Dios te kꞌuxotik ta yoꞌtane y te la yaꞌbotik smukꞌul koꞌtantik sbajtel Kꞌinal y sok te ya jmaliytik te slekilale,

1 Timoteo 1:14

Jich te Kajwaltike la yaꞌbon bayal te slekil yoꞌtan ta jtojol, y la yaꞌbon xchꞌuunel-oꞌtanil y sok te skꞌuxul-oꞌtanil te kichꞌojtik ta skuenta te jun nax ayotik sok te Cristo Jesuse.

Tito 2:13

Jaꞌ ya jmalitik te ben tsaꞌam ya sta skꞌalel te tut sjapojbotik jilele, jaꞌ te ben tsaꞌam te ya sujt tal te mukꞌul Dios kuꞌuntik, jaꞌ te jKoltawanej Jesucristoe.

Hebreos 3:6

Yan te Cristo te Xnichꞌan Diose, jun yoꞌtan skuentainej spisil te sna Diose, jaꞌ te joꞌotike, teme jmel nax jun koꞌtantik kꞌalal ta slajibal kꞌaale, te ben tsaꞌam yipalotik ta smaliyele.

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.

1 Pedro 1:13

Jaꞌ yuꞌun chapalukex me sok kuxuluk me awoꞌtanik. Spꞌejeluk me awoꞌtanik ya amaliyik te tut ya xba yaꞌbeyex Dios ta slekil yoꞌtan te kꞌalal ya xchiknaj tal te Jesucristoe.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

1 Pedro 1:23

Yuꞌun te jaꞌexe chaꞌayinexix, y ma jaꞌuk ta skuenta te jtul winik te ya xlaje, sino ke ta skuenta te skꞌop Dios te stalel kuxul ay ta sbajtel kꞌinal stukele.

1 Pedro 2:2

Jachikukex me te tutꞌil untik te ayinel toe, leaik me te lekil lech ta skuenta te Espiritue. Yuꞌun jich me ya xchꞌiex ta skuenta sok jich me ya ataik a te kolele,

1 Pedro 3:15

Sino ke jaꞌ xꞌawakꞌik ta jkuenta te Cristoe, sok jaꞌ me xꞌawajwalinik ta awoꞌtanik. Siluk me tiempo chapalex ta sjakꞌbeyel skꞌopik spisil te machꞌatik ya xchꞌamik razon te ay smukꞌul awoꞌtanik te jaꞌexe.

1 Pedro 3:21

Y te skꞌoplal jaꞌ abi, ja xyal te ichꞌjaꞌe, te jaꞌ ta skuenta te kolemotikix te ora to. Ma yuꞌunuk ya spokbotik lokꞌel te yijkꞌal jtiꞌbalultike, sino ke jaꞌ kꞌanbeyel te Diose te ya slekutes te koꞌtantike. Jich ya skoltayotik te tutꞌil chaꞌkux tal te Jesucristoe.

1 Pedro 3:5

Yuꞌun jich a xchap sbaik ekꞌa te namey tal te antstik te jun yoꞌtan xchꞌuunejik te Diose. Sok jaꞌik la xchꞌuunbeyik smantal te smamlalike.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.

1 Juan 3:9

Ni jtuluk te machꞌa xnichꞌan Dios ya yaꞌtelin sleel smule, porke jaꞌ yichꞌoj te kuxlejal yuꞌun Dios te jaꞌ aꞌbil yuꞌune. Jich ma spas ya sle smul porke jaꞌ xnichꞌan te Diose.

1 Juan 4:7

Kermanotak te kꞌuxex ta koꞌtane, ya skꞌan te talel bael te kꞌux ya kaꞌiy jbajtike, porke te xkꞌuxul-oꞌtanile ya xtal ta stojol Dios. Spisil te machꞌa ya xkꞌuxutaywane, jaꞌ xnichꞌan Dios y snaꞌojbe sba te Diose.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

1 Juan 5:18

Jnaꞌojtik te machꞌa yal-xnichꞌan te Diose, makꞌ ya sleix smul. Porke ya me xkanantayot yuꞌun te Xnichꞌan Diose, y te pukuje ma xjuꞌ ya xpikot yuꞌun.

1 Juan 5:4

Porke spisil te machꞌa yuntikil te Diose ya me stsalik te balmilale. Te xchꞌuunel koꞌtantike jaꞌ ya yaꞌbotik jtsaltik te tut skuenta balmilale.