1 Pedro 1:1 - Nuevo Testamento Tzeltal de Amatenango

¹ Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.

Bible in Tzeltal Bachajón

¹ Pedro, jpuc-c'op yu'un te Jesucristo, ta stojol te mach'atic puhquemic bahel ta pueblohetic ta sq'uinal Ponto, Galacia, Capadocia, Asia, soc Bitinia,

Bible in Tzeltal de Oxchuc y Tenejapa

¹ Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.

1 Pedro 1:1 ပူးပေါင်းရင်းမြစ်များ

San Mateo 10:2

Jaꞌ sbiilik te lajchaytul jpuk-kꞌopetike: Te machꞌa naile jaꞌ te Simon te jPedro a kꞌot sbiile, sok te yijtsꞌine te jꞌAndres sbiile, sok te Jacobo sok te yijtsꞌin te Juan sbiile te xnichꞌnab Zebedeoe,

San Mateo 24:22

Te jichuk makꞌ xatꞌbe skꞌaalel te Diose, maꞌyuk machꞌa ya xkol te jichuke. Pero chapalix yuꞌun te ya yichꞌ komel ta skaj te machꞌatik tꞌujbil yuꞌune.

San Mateo 4:18

Yipal bael ta beel a te Jesuse ta tiꞌtiꞌmar yuꞌun Galilea, la yil cheb winketik te jun smeꞌ statike. Simon sbiil te jtule y Andres sbiil te yitsꞌine. Jaꞌ yaꞌtelik te tsak-chaye, sok yipalik ta xchꞌojel ochel te stsajkil-xchayik te ba jaꞌe.

San Lucas 18:7

Jaꞌ yuꞌun te Diose, ¿meꞌn ma wan yauk skoltay te machꞌatik tsabil yuꞌune te ya swulilan ta kꞌajkꞌal ajkꞌubale? ¿Me ya to wan smali te ya xkoltaywane?

San Juan 11:52

Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

San Juan 7:35

Te juriyoetike jich a lijk sjojkꞌobe sbaik ta juju-tul: —¿Ba ya xbajt te winik to te ma jtatik ta leel te ya yale? ¿Me yuꞌun wan ya xbajt te ba lokꞌemik bael te jlumaltik te ba griegoetike? ¿Me yuꞌun wan jaꞌ xba spꞌijutes te griegoetike?

Hechos 18:2

Teꞌ kꞌo sta jtul juriyo-winik a, te jꞌAquila sbiil, te ay slumal ta estado yuꞌun Ponto. Ma to nax jaluk kꞌaal a te jul ta Italia te jꞌAquila sok yinam, te sPriscila sbiile, yuꞌun la yal mantal te mukꞌul rey jClaudio te ya xlokꞌ tal spisil te juriyoetik te ay ta Romae. Te jPabloe ba yuluꞌtay tal.

Hechos 18:23

Teꞌ anin cheꞌoxeb kꞌaal a, y chaꞌlok xan bael. Kꞌa yiltalan te juju-tijkꞌ hermanoetik te ayik ta estado Galacia sok ta estado Frigiae. La yaꞌbe jilel spuersa yoꞌtan te hermanoetike.

Hechos 19:10

Jich a spasulan cheb jaꞌbil teꞌa, jaꞌ to te la yaꞌibeyikix sluwar skꞌop Dios a spisil te juriyoetike sok euk te griegoetike te ayik ta estado Asiae.

Hechos 6:9

Pero ay machꞌatik ay ta skuenta te sinagogae te sbiilinej te “Mosoetik te Kolemikix ta Libree”, sok ay machꞌatik talemik ta jtejklum Cirene sok ta Alejandria sok ta Cilicia sok ta jun estado yuꞌun Asia. Lijkik ta kꞌop sok te jꞌEstebane,

Hechos 8:4

Pero te machꞌatik lokꞌik bael ta anel ta Jerusalene lijk yalik te lekil achꞌ kꞌope chikan te ba laj bajte.

1 Corintios 16:19

Te hermanoetik te ayik ta estado yuꞌun Asia la stikonbeyex spajtil awoꞌtanik. Te Aquilae sok sPrisilae y sok te kongregasion te ya stsob sbaik sok ta snae, la stikonbeyex bayal spajtil awoꞌtanik ta skuenta te Kajwaltike.

2 Corintios 1:8

Kermanotak, ya jkꞌan ya kaꞌbeyex anaꞌik te jaykaj te jwokoltik a jtatik ta estado yuꞌun Asia. Jun tulan prewa a kꞌot te kꞌan ma juꞌuk kuꞌuntik aye. Y asta la kaltik te ya xchamotik ae.

Gálatas 1:2

Joꞌon sok spisil te hermanoetik te joyinej jbaj soke, ya jtsꞌibay te karta to, te jaꞌ yuꞌun te jayebex te achꞌuunejik Dios te ayex ta estado Galaciae.

Efesios 2:12

Naꞌaik me te ay kꞌaal maꞌyukex ta skuenta te Cristoe. Parte ayex sok te nasion yuꞌun Israele, y maꞌyuk awochelik a te trateetik sjapꞌoj te Diose. Jich nax kuxulex ta balmilal. Maꞌyuk Dios awuꞌunik y ni maꞌyuk tut ya amaliyik.

Efesios 2:19

Jaꞌ yuꞌun te jaꞌexe ma jyanlumukexix sok ma jakaluk ay te alumalike. Pajal alumal abaikix sok te jtejklum yuꞌun Dios sok pajal xnichꞌanexix te Diose.

2 Timoteo 1:15

Anaꞌojix te spisil te machꞌatik aylan ta estado yuꞌun Asiae la sjilesikon, sok te Figelo sok te Hermogenes.

Hebreos 11:13

Spisil te gente abi maꞌ yichꞌik te tutik yaloj jilel te Diose te kꞌalal chamike. Pero ay xchꞌuunel yoꞌtanik, sok la yilik ta jakal sok bujtsꞌnaj yoꞌtanik yuꞌun. Sok la yalik te jkꞌaxel nax ayik ta balmilal sok te majanbil nax yuꞌunik te luware.

Santiago 1:1

Joꞌon Santiagoon, jꞌaꞌtelon yuꞌun te Diose y sok te Kajwaltik Jesucristoe. Ya kalbe xkoltanuk te lajchaytijkꞌ stsꞌumbal Israele te pujkejemik ta spisil balmilale.

1 Pedro 2:11

Kermanotak te kꞌuxex ta koꞌtane, awokolikuk, jachikex me te tutꞌil jyanlumetik te beomaletik nax liꞌ ba balmilale. Ma me akꞌayes abaik a te tutik ya skꞌan te atiꞌbalulike te jaꞌ skontra te achꞌulelike.

2 Pedro 1:1

Joꞌon Simon Pedroon, jꞌaꞌtelon y apostolon yuꞌun te Jesucristoe. Ya jtsꞌibabeyex te karta to ta akuentaik, te pajal ay ta jkuentaik xchꞌuunel te tut ben tsaꞌame, porke toj yoꞌtan stukel te Diose y sok te jKoltawanej Jesucristoe.

Apocalipsis 1:11

te la yalbone: —Tsꞌibaya ta jun libro te tut ya awile, y tikonbeya bael te juktijkꞌ hermanoetik te aylan ta estado Asiae: Ta Efeso, ta Esmirna, ta Pergamo, ta Tiatira, ta Sardis, ta Filadelfia, y ta Laodicea —xchi.