1 Juan 5:7 - Nuevo Testamento Tzeltal de Amatenango

⁷ Oxeb te testigoetik ta chꞌulchane: jaꞌ te Tatile, sok te machꞌa Skꞌop Diose, y sok te Chꞌul Espiritue. Y te yoxebal to jun nax te tut ya yalike.

Bible in Tzeltal Bachajón

⁷ Como ay oxeb te ya yalic ta testigo:

Bible in Tzeltal de Oxchuc y Tenejapa

⁷ Ay oxeb testigoetic yu'un ta bay ch'ulchan: Ja' te Tatile, soc te C'opile, soc te Ch'ul Espiritue. Jun nax ay ta yoxebalic.

1 Juan 5:7 ပူးပေါင်းရင်းမြစ်များ

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 18:16

Pero teme maꞌ yaꞌibeyat sluwar te akꞌope, ikꞌa xan bael jtul o chebuk yuꞌun ay me chaꞌoxtul testigoetik ya xkꞌopoj awuꞌunik spisil te tut la awalik teꞌae.

San Mateo 28:19

Jich yuꞌun baanik, benanik ta bayuk. Albeyaik te ya xꞌochik ta jnopojel kuꞌune spisil ta jkaj te genteetik ta balmilale. Aꞌbeyaik yichꞌ jaꞌ ta sbiil te jTate sok ta jkuenta euk te Nichꞌanilone, sok ta skuenta te Chꞌul Espiritue.

San Juan 1:1

Ta slijkibal ayix a te machꞌa Skꞌop Dios sbiile. Sjoyinej sba sok te Diose y jaꞌ mismo te Diose.

San Juan 10:30

Te joꞌone sok te Tatile jun nax ayotik —xchi.

San Juan 12:28

JTat akꞌa ta ilel te slekilal abiile —xchi te Jesuse. Jicha chiknaj jun kꞌop ta chꞌulchan. Jich a yal: —La kakꞌix ta ilel slekil te jbiile, y ya me kakꞌ xan ta ilel —xchi.

San Juan 14:17

jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

San Juan 15:26

“Pero te kꞌalal ya xtal te Joyinwanej awuꞌunik te ya jtikombeyex tal ta stojol te jTate, jaꞌ me ya yalbon jkꞌoplal stukel. Jaꞌ te Espíritu te ya yakꞌ ta naꞌel te tut batsꞌi jiche.

San Juan 5:26

Porke jich tutꞌil te Tatile ya xjuꞌ yuꞌun yakꞌel kuxlejal; jaꞌ nax jich yakꞌojbe ta skuenta euk te Nichꞌanile te ya xjuꞌ ya yakꞌ kuxlejale.

San Juan 8:18

Jich te joꞌone, joꞌon mismo testigoon yuꞌun te tut ya kale, y te Tatil te la stikonon tale jaꞌ jtul xan testigo —xchi te Jesuse.

San Juan 8:54

Te Jesuse la sjakꞌtalanbe: —Teme joꞌon nax ya jkꞌan ya kakꞌ jba ta akꞌel ta jkuentae, te tut ya kale ma baleuk ya xkꞌot. Pero jaꞌ ya yakꞌon ta akꞌel ta jkuenta te jTate, te jaꞌ mismo ya awalik te akuyojik te Dios awuꞌunike.

Hechos 2:33

Y ikꞌotix bael yuꞌun ba naklukix ta sbatsꞌil skꞌab te Diose, y aꞌbot ta skuenta te Chꞌul Espíritu te tut albil yuꞌun te Tatile. Jaꞌ yuꞌun te tut yipalex ta yilele sok te yipalex ta yaꞌiyele, jaꞌ a yakꞌix kꞌotuk ta pasel te Jesuse.

Hechos 5:32

Joꞌotik testigootik yuꞌun tsꞌin to, y jich euk te Chꞌul Espiritue te Dios a akꞌtalanbot yuꞌun te machꞌatik ya xchꞌuunike —xchi te Pedroe.

2 Corintios 13:14

A me kꞌotuk ta akuentaik te slekil yoꞌtan te Kajwaltik Jesucristoe sok te xkꞌuxul yoꞌtan te Diose, sok a me sjoyinex sil tiempo te Chꞌul Espiritue. Jichuk.

1 Juan 1:1

Te tut ya jtsꞌibabetikex a, jaꞌ skꞌoplal te Machꞌa ayix a desde slijkibale, te kaꞌiyejtik te skꞌope y te kilojtik ta sitike. Porke la kiltik y la jpiktik ta jkꞌabtik. Ja xyal te Machꞌa Kꞌop yuꞌun te Kuxlejale.

1 Juan 5:6

Kꞌalal tal te Jesucristoe la yichꞌ jaꞌ sok la smal te xchꞌichꞌele. Ma jaꞌuk nax la yichꞌ te jaꞌe, la smal uuk te xchꞌichꞌele. Te Espiritue jaꞌ testigo yuꞌun to, y te Espiritue batsꞌi jich te tut ya yale.

1 Juan 5:8

Sok ay oxeb testigoetik ta balmilal: jaꞌ te Espiritue, sok te jaꞌe, y sok te chꞌichꞌe. Y ta yoxebalik, jun nax te tut ya yalike.

Apocalipsis 19:13

Yichꞌoj spalala skꞌuꞌ-spakꞌ te kꞌoem ta chꞌichꞌe. “Skꞌop Dios” xchi te sbiile.