1 Juan 5:19 - Nuevo Testamento Tzeltal de Amatenango

¹⁹ Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

Bible in Tzeltal Bachajón

¹⁹ Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

Bible in Tzeltal de Oxchuc y Tenejapa

¹⁹ Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

1 Juan 5:19 ပူးပေါင်းရင်းမြစ်များ

San Lucas 4:6

Te pukuje la yal: —Ya kaꞌbeyat ta akuenta spisil te stsaꞌamul skꞌulejal te balmilale, porke joꞌon ay ta jkuenta spisil. Joꞌon chikanon jtukel te machꞌa ya kaꞌbeye.

San Juan 12:31

Te ora to jaꞌix yorail te ya xꞌichꞌbot jkuenta smulik spisil te genteetike. Y te ora to yorailix te ya xchꞌojot lokꞌel te machꞌa ya spas mantal liꞌ ba balmilale.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 16:11

Sok ya me yaꞌbe snaꞌ te Dios ya xꞌilbot yaꞌtelilk yuꞌune, yuꞌun ya yichꞌix kastigo te machꞌa ya xmantale liꞌ ba balmilal to.

San Juan 17:15

Ma jaꞌuk ya jkꞌambeyat te ya alokꞌesbon ta balmilale. Jaꞌ ya jkꞌambeyat te ma xꞌawakꞌ ta tsalel yuꞌun te pukuje.

Romanos 8:16

Y jaꞌ to jaꞌ mismo te Espíritu ya yalbotik ta koꞌtantik te joꞌotik te yal-xnichꞌanotikix te Diose.

2 Corintios 1:12

Ay tut yuꞌun te ay sbujtsꞌ koꞌtantike: jaꞌ te ya jnaꞌtik te lek kakꞌoj jbatik y stojil a kuxuyinotik liꞌ ba balmilale, y mas to xan a ta awolilik te jaꞌexe. Ma jaꞌuk pꞌijilil ta skuenta tiꞌbalulil. Jaꞌ nax ta slekil yoꞌtan Dios te skoltayejotik te jich ya xkuxuyinotike.

2 Corintios 4:4

Yuꞌun te tutꞌil ma xchꞌuunike, jaꞌ chokuteslanbil yuꞌun te dios yuꞌun te balmilale, y jich ma snaꞌbeyik sluwar. Yuꞌun jich me ma staik ta ilel te sakilal te lus yuꞌun te lek achꞌ kꞌop yuꞌun te Cristo te ben tsaꞌame, te jaꞌ steklejal kꞌoem te Diose.

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

Gálatas 1:4

Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Efesios 2:2

yuꞌun jaꞌ atamojik te tut skuenta te balmilal to, y jaꞌ la apasbeyik te tut ya skꞌan yoꞌtan te espíritu te ya xmantalaje te ikꞌ nax aye, sok te jaꞌ ya yaꞌbe spuersa yoꞌtan te machꞌatik ya xkꞌaxintaybeyik smantal te Diose.

2 Timoteo 1:12

Jaꞌ yuꞌun te ay jwokol ta ora to. Pero makꞌ me xkꞌexawon yuꞌun, porke te joꞌone jnaꞌoj machꞌa a te smukꞌulinej koꞌtane, y seguro ayon te stukel ay spoder yuꞌun ya skꞌejbon te tutꞌil yakꞌojbone, jaꞌ to te tut kꞌaalil te ya xchaꞌtal xane.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Santiago 4:4

¡Jaꞌex genteetik te ma junuk awoꞌtanike! ¿Meꞌn ma anaꞌojikuk te machꞌatik jun yoꞌtan sba sok te balmilale, jaꞌ skontrainejik te Diose? Machꞌauk a te ya skꞌan te jun yoꞌtan sba sok te balmilale, jaꞌ ya skontrain te Diose.

1 Juan 3:14

Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.

1 Juan 5:10

Te machꞌa ya xchꞌuun te Xnichꞌan Dios, ay ta yoꞌtan te testigo-kꞌope. Te machꞌa ma xchꞌuune, jaꞌ skuyoj ta jle-lot te Diose, porke ma xchꞌuun te testigo-kꞌop te Dios a yalbe ta skuenta te Xnichꞌane.

1 Juan 5:13

La jtsꞌibabeyex to jaꞌex te achꞌuunejik te Xnichꞌan Diose, yuꞌun jich me ya anaꞌik te ay akuxlejalik sbajtel kꞌinale.

1 Juan 5:15

Y jich tutꞌil jnaꞌojtik te Dios ya yaꞌiy te ya jkꞌopontike, jich jnaꞌojtik te ya yaꞌbotik te tut ya jkꞌanbetike.

1 Juan 5:18

Jnaꞌojtik te machꞌa yal-xnichꞌan te Diose, makꞌ ya sleix smul. Porke ya me xkanantayot yuꞌun te Xnichꞌan Diose, y te pukuje ma xjuꞌ ya xpikot yuꞌun.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

Apocalipsis 12:9

Jich a yichꞌik chꞌojel lokꞌel te mukꞌul chane. Jaꞌ te antibo chan te pukuj sbiil, sok Satanas sbiil ekꞌa. Jaꞌ te ya sloꞌlay spisil te genteetik ta balmilale. Te pukuje y sok te angeletik yuꞌune chꞌojtalanot tal koel ta balmilal.

Apocalipsis 20:3

La xchꞌoj koel ta mam chꞌen te ba la stsꞌus jilele. Y la yaꞌbe jilel jun seyo te ba spuertaule, yuꞌun maꞌyuk ya sloꞌlayix a te nasionetike jaꞌ to teme kꞌax te jmil jaꞌbile. Teme tsꞌakay te jmil jaꞌbile, ya me skolesot tal lokꞌel jun chebuk kꞌaal.