1 Juan 5:18 - Nuevo Testamento Tzeltal de Amatenango

¹⁸ Jnaꞌojtik te machꞌa yal-xnichꞌan te Diose, makꞌ ya sleix smul. Porke ya me xkanantayot yuꞌun te Xnichꞌan Diose, y te pukuje ma xjuꞌ ya xpikot yuꞌun.

Bible in Tzeltal Bachajón

¹⁸ Jna'ojtic te spisil mach'a ayinem ta scuenta Dios ma ba ya slehulan smul, como canantaybil yu'un te Snich'an Dios, ma ba ya xtahot yu'un te pucuje.

Bible in Tzeltal de Oxchuc y Tenejapa

¹⁸ Jna'ojtic stojol te mach'a ayinemix ta swenta te Diose, ma ba ya sleulayix smul. Melel ja' canantaybil yu'un te Snich'an Diose. Jich ma xlo'layotix yu'un te pucuje.

1 Juan 5:18 ပူးပေါင်းရင်းမြစ်များ

San Mateo 5:37

Teme ay tut ya sjojkꞌobelexe, “Jichuk”, xchaex me teme jiche. Teme ma jichuke, “Maꞌuk”, xchaex me. Yan teme kꞌax jich te tut ya awalike, jaꞌix yuꞌun te pukuje.

San Mateo 6:13

Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

San Juan 1:13

Jaꞌ yuntikil Dios. Ma pajaluk skꞌoplal sok te machꞌatik te ayinemik ta skuenta nax stiꞌbalulike sok te skꞌanojel yoꞌtan stiꞌbalulik te smeꞌ-statike, yuꞌun ta skuenta Dios te ya xꞌayinikixe.

San Juan 14:30

“Ma spasix te jal ya xꞌaꞌabiyanotike, porke talix te machꞌa ya spas mantal liꞌ ba balmilale. Maꞌyuk tut ya xjuꞌ te ya spasbon ta jtojole.

San Juan 15:4

Sigue me xꞌawakꞌ abaik ta jtojol; jich tutꞌil te joꞌone sigue me ayon ta atojolik. Te jejk skꞌabe ma spas ya yakꞌ sit ta stukel nax, teme ma teyuk lokꞌem tal te ba smukꞌul yakꞌile. Jaꞌ nax jich euk te jaꞌexe, ma xjuꞌ ya sitinex teme ma jmeluk nax ya awakꞌ abaik ta jtojole.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Juan 15:9

Te joꞌone kꞌuxex ta koꞌtan, jich tutꞌil kꞌuxon ta yoꞌtan te jTate. Jmel nax me xꞌawakꞌ abaik te ba slekil koꞌtane.

Hechos 11:23

Te kꞌalal kꞌot teꞌa te jBernabee la yil te aꞌbilix bendision yuꞌun Dios te machꞌa ma juriyouke y ben jun yoꞌtan yuꞌun. La stsitstalan spisil te ben junuk yoꞌtanik ta stojol te Kajwaltike.

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.

Santiago 1:27

Te tut ay ta chꞌuunel te maꞌyuk tut kapal a sok maꞌyuk yijkꞌal ta sit te Dios Tatile, jaꞌ te machꞌa xba yil te meꞌbaetike y sok te meꞌba antstik te kꞌalal ayik ta wokole, y makꞌ yixlan sba a te tut ma lekuk te skuenta balmilale.

1 Pedro 1:23

Yuꞌun te jaꞌexe chaꞌayinexix, y ma jaꞌuk ta skuenta te jtul winik te ya xlaje, sino ke ta skuenta te skꞌop Dios te stalel kuxul ay ta sbajtel kꞌinal stukele.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

1 Juan 3:12

Ma me jachikukotik tutꞌil te jCaine, te jaꞌ yuꞌun te pukuje y la smil te yijtsꞌine. ¿Y tuꞌun te la smile? Porke ma lekuk te tut a te la spas te jCaine, y puru lek ay te tut la spas te yijtsꞌine.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.

1 Juan 3:9

Ni jtuluk te machꞌa xnichꞌan Dios ya yaꞌtelin sleel smule, porke jaꞌ yichꞌoj te kuxlejal yuꞌun Dios te jaꞌ aꞌbil yuꞌune. Jich ma spas ya sle smul porke jaꞌ xnichꞌan te Diose.

1 Juan 4:6

Yan te joꞌotike, jaꞌ yuꞌunotik te Diose. Te machꞌa ya snaꞌbe sba te Diose ya me yaꞌibotik te tut ya kaltike, pero te machꞌa ma jaꞌuk yuꞌun te Diose ma xyaꞌibotik te tut ya kaltike. Jich ya xjuꞌ te ya jnaꞌtik te machꞌa yikꞌoj te Espíritu yuꞌun te tut batsꞌi jiche, y te machꞌa yikꞌoj te espíritu yuꞌun te jloꞌlawaneje.

1 Juan 5:1

Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

1 Juan 5:15

Y jich tutꞌil jnaꞌojtik te Dios ya yaꞌiy te ya jkꞌopontike, jich jnaꞌojtik te ya yaꞌbotik te tut ya jkꞌanbetike.

1 Juan 5:19

Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

1 Juan 5:20

Jnaꞌojtik euk te Xnichꞌan Dios tal ta balmilal, y la yaꞌbotik jnaꞌbetik sba te Dios te batsꞌi jiche. Jun nax kuxulotik sok te batsꞌi Diose, jaꞌ bi jaꞌ te Xnichꞌane, te Jesucristoe. Jaꞌ to jaꞌ batsꞌi Dios stukel y jaꞌ kuxlejal sbajtel kꞌinal.

1 Juan 5:21

Kuntikil, ila me abaik yuꞌun te lotil diosetike.

1 Juan 5:4

Porke spisil te machꞌa yuntikil te Diose ya me stsalik te balmilale. Te xchꞌuunel koꞌtantike jaꞌ ya yaꞌbotik jtsaltik te tut skuenta balmilale.

Judas 1:21

Akꞌa abaik ta kanantayel ta skuenta xkꞌuxul yoꞌtan te Diose. Y maliyaik te tut kꞌaalil te ya yaꞌbotik te kuxlejal sbajtel kꞌinale te Kajwaltik Jesucristo, ta skuenta slekil yoꞌtan.

Judas 1:24

Te úniko Dios te jKoltawanej kuꞌuntike ta skuenta te Kajwaltik Jesucristoe, ay spoder yuꞌun te ya skꞌanantayex te jaꞌexe, makꞌ yakꞌ xyalex ta mulil ae, yuꞌun jich me ya yikꞌex ochel te ba aye. Ben jun awoꞌtanik te maꞌyuk amulik te ya xkꞌoex ta stojol te ba ay te slekilale. Te stukele ay slekilal, sok ben mukꞌ, sok ay spoder, sok yichꞌoj yaꞌtel, jaꞌ to ta slijkibal to, y te ora to, y ta sbajtel kꞌinal. Jichuk.

Apocalipsis 2:13

“Te joꞌone jnaꞌoj te teꞌ anat te ba ay snaktajib te pukuje. Pero sigueuk me junuk awoꞌtan ta jkuenta. Ma jilesejuk te tutꞌi achꞌuuneje, ni jaꞌuk te tut kꞌaalil yuꞌun te jꞌAntipas te jun yoꞌtan a yalbon jkꞌoplal, te la smilik te ba mukꞌul jtejklum te ba ay te Satanase.