1 Juan 5:1 - Nuevo Testamento Tzeltal de Amatenango

¹ Spisil te machꞌa xchꞌuunej ta yoꞌtan te jaꞌ Cristo te Jesuse, jaꞌ yal-xnichꞌan Dios abi. Y te machꞌa kꞌux ya yaꞌiy te jtul tatile, jich kꞌux me ya yaꞌiy ekꞌa te yuntikil te tatil abi.

Bible in Tzeltal Bachajón

¹ Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.

Bible in Tzeltal de Oxchuc y Tenejapa

¹ Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

1 Juan 5:1 ပူးပေါင်းရင်းမြစ်များ

San Mateo 16:16

La sjakꞌ te Simon Pedroe: —Jaꞌat Cristoat te Xnichꞌanat te kuxul Diose —xchi.

San Lucas 7:5

yuꞌun ben kꞌux ta yoꞌtan te jlumaltike, sok jaꞌ mismo a stejkꞌambotik te sinagoga kuꞌuntike —xchiik.

San Juan 1:3

Spisil te tutik aye stukel ta skuenta te Dios a spase. Ni maꞌyuk jkajuk te tutik pasbile te ma jaꞌuk la spase.

San Juan 15:23

Te machꞌa ya spꞌajone, jaꞌ a spꞌajix euk te jTate.

San Juan 3:3

Te Jesuse la yalbe: —Jamal ya kalbeyat, te machꞌa ma xchaꞌayin ta achꞌe ma xjuꞌ ya yajwalin te Diose —xchi.

San Juan 6:69

Te joꞌotike la jchꞌuuntikix, y jnaꞌojtik te jaꞌat Cristoat te xNichꞌanat Chꞌul Diose —xchi.

San Juan 8:42

Te Jesuse la sjakꞌtalanbe: —Te batsꞌi jaꞌuk aTatik te Dios te jaꞌexe, kꞌuxon ta awoꞌtanik te jichuke. Porke te joꞌone talemon ta stojol Dios y liꞌ ayon to. Ma joꞌukon a jnop tal te talone. Jaꞌ a stikonon tal te Diose.

Hechos 8:36

Te kꞌalal yipalik kꞌael ta beel ae, ay jaꞌ a staik te tiꞌbe. Te etiope-winike la yal: —Ay jaꞌ liye. ¿Me ma spas te ya kichꞌ jaꞌe? —xchi.

Hechos 8:37

Te Felipe la yalbe: —Teme spꞌejel awoꞌtan ya achꞌuune, ya spas ya awichꞌ te jaꞌe —xchi. Y te winike la sjakꞌ: —Ya jchꞌuun te jaꞌ Xnichꞌan Dios te Jesucristoe —xchi.

Santiago 1:18

Jich ya skꞌan yoꞌtan te la yakꞌ chaꞌayinukotik ta skuenta te skꞌop te batsꞌi jiche, yuꞌun joꞌotik sba sitotik te yaꞌtel spasoje.

1 Pedro 1:3

Ben tsaꞌam slekil te Dios, jaꞌ te Stat te Kajwaltik Jesucristoe. Ta skuenta te lom bayal slekil yoꞌtane la yakꞌ chaꞌayinukotik ta achꞌ ta skuenta te chaꞌkux tal te Jesucristoe. Jaꞌ to jaꞌ te yipalotik ta smaliyele.

1 Juan 2:10

Te machꞌa kꞌux ya yaꞌiy te yermanoe, ayix ta sakil kꞌinal, y ni maꞌyukix te tut ya syalesot ta mulil yuꞌune.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

1 Juan 3:14

Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.

1 Juan 3:17

Yuꞌun teme ay jtuluk te jkꞌuleje y ya yil te yermano te ay tut puersa ya skꞌan koltayele, pero teme makꞌ ya yaꞌbeye, ¿tutꞌil kꞌan ayuk skꞌuxul yoꞌtan Dios ta yoꞌtan?

1 Juan 3:9

Ni jtuluk te machꞌa xnichꞌan Dios ya yaꞌtelin sleel smule, porke jaꞌ yichꞌoj te kuxlejal yuꞌun Dios te jaꞌ aꞌbil yuꞌune. Jich ma spas ya sle smul porke jaꞌ xnichꞌan te Diose.

1 Juan 4:2

Jich ya xjuꞌ ya anaꞌik a te machꞌa yikꞌoj te Espíritu yuꞌun te Diose: Spisil te machꞌa ya yal ta jamal te la yichꞌ stiꞌbalul te Jesucristo jich tutꞌil winik, jaꞌ yikꞌoj te Espíritu yuꞌun te Diose.

1 Juan 4:20

Teme ay machꞌa ya yal: “Te joꞌone kꞌux ya kaꞌiy te Diose”, teme xchie, y mismo tiempo a ya spꞌaj te yermanoe, jaꞌ jun jle-lot abi. Yuꞌun teme ay jtuluk te ma kꞌuxuk ya yaꞌiy te yermano te ya yile, ni ma xjuꞌ yuꞌun te kꞌux ya yaꞌiy te Dios te ma sta ta ilele.

1 Juan 4:7

Kermanotak te kꞌuxex ta koꞌtane, ya skꞌan te talel bael te kꞌux ya kaꞌiy jbajtike, porke te xkꞌuxul-oꞌtanile ya xtal ta stojol Dios. Spisil te machꞌa ya xkꞌuxutaywane, jaꞌ xnichꞌan Dios y snaꞌojbe sba te Diose.

1 Juan 5:18

Jnaꞌojtik te machꞌa yal-xnichꞌan te Diose, makꞌ ya sleix smul. Porke ya me xkanantayot yuꞌun te Xnichꞌan Diose, y te pukuje ma xjuꞌ ya xpikot yuꞌun.

1 Juan 5:4

Porke spisil te machꞌa yuntikil te Diose ya me stsalik te balmilale. Te xchꞌuunel koꞌtantike jaꞌ ya yaꞌbotik jtsaltik te tut skuenta balmilale.

1 Juan 5:5

Te machꞌa ya xchꞌuun te jaꞌ Xnichꞌan Dios te Jesuse, ya me stsal te balmilale.