1 Juan 4:21 - Nuevo Testamento Tzeltal de Amatenango

²¹ Te Jesucristoe la yaꞌbotik te mantaliletik to: “Te machꞌa kꞌux ya yaꞌiy te Diose, kꞌux me ya yaꞌiy ekꞌa te yermanoe”, te xchie.

Bible in Tzeltal Bachajón

²¹ Hich pasbilotic ta mandar yu'un te Diose: Te mach'a c'ux ta yo'tan te Dios, ha nix hich c'uxuc me ac'a ya'iy ta yo'tan te yermano, xchi.

Bible in Tzeltal de Oxchuc y Tenejapa

²¹ Melel jich la yalbotic mandal te Diose: “Te mach'a c'ux ya yaiy ta yo'tan te Diose, c'uxuc me ac'a yaiy ta yo'tan uuc te yermanoe”, te xie.

1 Juan 4:21 ပူးပေါင်းရင်းမြစ်များ

San Mateo 5:43

“Sok awaꞌiyejik sluwaril te jich albil jilele: “Kꞌux me xꞌawaꞌiy ta awoꞌtan te machꞌa jun awoꞌtan soke. Yan te machꞌa ya skontrainate, ilintaya me stukel”, xchi me.

San Lucas 10:37

Te maestro yuꞌun te mantaliletike la sjakꞌ: —Jaꞌ te machꞌa la skꞌuxutaye —xchi. Te Jesuse la yalbe te maestroe: —Baan, jich me xba apas euk te jaꞌate —xyut.

San Juan 15:12

Te jmantale jaꞌto: Te kꞌux ya awaꞌiy aba ta awoꞌtanike, jich tutꞌil kꞌux ya kaꞌiyex ta koꞌtane.

Gálatas 5:14

Porke spisil te mantaliletike jich kꞌo tsꞌakayuk a te ya yal te mantale: “Kꞌux me xꞌawaꞌiy te ajoy ta genteile, jich mismo tutꞌil kꞌux xꞌawaꞌiy aba te jaꞌate.

Gálatas 5:6

Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

1 Tesalonicenses 4:9

Ma puersaukix te ya jtsꞌibabeyex te ayuk xkꞌuxul awoꞌtanik sok te awermano abaike, porke te Diose la yaꞌbeyex anopikix te kꞌux ya awaꞌiy abaik ta juju-tule.

1 Pedro 3:8

Ta slajibal ya kalbeyex: Junuk me awoꞌtan abaik ta apisilik, sok junuk nax me te tut ya anopike. Kꞌuxuk me ya awaꞌiy abaik te tutꞌil te awermano abaike. Ayuk me slekil awoꞌtanik y benuk me chꞌunulex.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

1 Juan 2:7

Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.

1 Juan 3:11

Jaꞌ to jaꞌ skꞌoplal te awaꞌiyejik te jaꞌex desde ta slijkibal to tale: jaꞌ te kꞌux me ya kaꞌiy jbajtik ta juju-tule.

1 Juan 3:14

Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.

1 Juan 3:18

Kuntikil, ma me jaꞌuk nax te ya kaltik te ay skꞌuxul koꞌtantike, sinoke ya skꞌan ya xchiknaj ta skuenta te tut ya jpastike.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

1 Juan 4:11

Kermanotak te kꞌuxex ta koꞌtane, teme jich a xkꞌuxutayotik te Diose, jich ya skꞌan te talel bael ya jkꞌuxutay jbajtik te joꞌotike.