1 Juan 4:18 - Nuevo Testamento Tzeltal de Amatenango

¹⁸ Te ba ay te xkꞌuxul-oꞌtanile, maꞌyuk xiꞌel. Te xkꞌuxul-oꞌtanil te toj aye, ya xchoj lokꞌel ta fuera te xiꞌele. Yuꞌun te xiꞌele jaꞌ ya xꞌakꞌawan ta wokol. Jaꞌ yuꞌun teme ay machꞌa ya xiꞌe, yuꞌun ma to ayuk lek a te xkꞌuxul yoꞌtane.

Bible in Tzeltal Bachajón

¹⁸ Mayuc xiwel te banti ay c'uxul-o'tanil. Te c'uxul-o'tanil te ts'acal ay, ya sloq'ues te xiwele; como te xiwel ya xi' te castigo. Te mach'a ya xiw ma ba ts'acal c'ohem ta yo'tan te c'uxul-o'tanile.

Bible in Tzeltal de Oxchuc y Tenejapa

¹⁸ Teme ay xc'uxul co'tantique, jich ma'yucotic ta xiwel. Yu'un teme ay xc'uxul co'tantic ta melele, jich ma xiwotic. Melel te mach'a ay ta xiwele, ja' ya smaliy te ya x'ac'bot castigoe. Te mach'a ay ta xiwele, yu'un ma to tojobtesbiluc yu'un te c'uxul-o'tanile.

1 Juan 4:18 ပူးပေါင်းရင်းမြစ်များ

San Mateo 9:34

Pero te fariseoetike jich a yalik: —Jaꞌ mero statal-pukuj. Jaꞌ yuꞌun ya xjuꞌ yuꞌun te ya slokꞌes te pukujetike —xchiik.

Romanos 8:15

Yuꞌun te jaꞌexe ma jaꞌuk awikꞌojik te Espíritu yuꞌun mosoil te ya yaꞌbeyex xan xiꞌele. Jaꞌix te Espíritu te ya yakꞌex ta yal-xnichꞌan Diose. Jaꞌ te Espíritu te ya yalbotik te ya xjuꞌ ya kaltik ta stojol Dios: “jTat”, xchootik.

2 Timoteo 1:7

Yuꞌun te Diose ma jaꞌuk a yaꞌbotik te ya xiꞌotike. Sino ke ya yakꞌbotik yip koꞌtantik sok skꞌuxul koꞌtantik, sok te ya jnaꞌtik tutꞌil ya skꞌan ya xꞌaꞌtejotik.

Hebreos 12:28

Te joꞌotike ya xꞌakꞌot anukotik yuꞌun Dios te ba ma spas ta nikele. Ya kalbetik kola yal yuꞌun to, sok ya jkejan jbajtik ta stojol Dios. Tulanuk me skꞌoplal ta koꞌtantik te ya jkejan jbajtik te lek ya yile.

Santiago 2:19

Te jaꞌate ya achꞌuun te ay jtul nax te Diose. Jich mismo a te tutꞌil achꞌuuneje. Pero te pukujetike jich ya xchꞌuunik euk, y ya xmetot ta sik yuꞌun xiꞌel.

1 Juan 4:12

Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.