1 Juan 4:17 - Nuevo Testamento Tzeltal de Amatenango

¹⁷ Jaꞌ yuꞌun te batsꞌi jich ay te xkꞌuxul koꞌtantike yuꞌun ay me smukꞌul koꞌtantik te tut kaalil te ya yichꞌelotik ta jkuentae. Porke te joꞌotike yipalotik ta aꞌtel ta balmilal jich tutꞌil aꞌtej te Jesucristoe.

Bible in Tzeltal Bachajón

¹⁷ Ts'acal c'ohem ta co'tantic te c'uxul-o'tanil scuenta yu'un ay smuc'ul co'tantic ta yorahil ich'el ta c'op, como li' ta bahlumilal hich ayotic te bin ut'il ay stuquel te Diose.

Bible in Tzeltal de Oxchuc y Tenejapa

¹⁷ Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.

1 Juan 4:17 ပူးပေါင်းရင်းမြစ်များ

San Mateo 10:15

Jamal ya kalbeyex te tut ora ya sta yorail yuꞌun Dios te ya yilbe yaꞌtelik spisil te genteetike, te kastigo ya yichꞌ te jtejklum me to mas tulan ke te ya yichꞌ te jtejklum Sodoma sok Gomorrae.

San Mateo 10:25

Jich te eskueleroe teyuk me ya yaꞌiy a teme pajal ya xkꞌot sok te yaj-maestroe. Sok te aj-aꞌtelile teyuk me ya yaꞌiy a teme pajal ya xkꞌot sok te yajwale. Teme “Beelzebu” xchi jkꞌoplal te joꞌon te Ajwalilon awuꞌunike, jich me ya yalbeyex akꞌoplalik euk te jaꞌexe.

San Mateo 11:22

Pero ya kalbeyex: Tulan me kastigo ya yichꞌ te jtejklum Corazin sok te jtejklum Betsaida te tut ora ya xꞌilbot yaꞌtelik yuꞌun Dios te genteetike. Yan te jtejklum Tiro sok Sidon ma sta jich kastigo ya yichꞌ stukelik.

San Mateo 11:24

Ya kalbeyex te tulan me kastigo ya yichꞌ te jtejklum Capernaum te tut ora Dios ya yilbe yaꞌtelik spisil genteetike. Yan te jtejklum Sodoma ma sta jich kastigo ya yichꞌ stukel —xchi te Jesuse.

San Mateo 12:36

Sok ya kalbeyex awaꞌiyik, spisil ta jpꞌal kꞌop te ma xtuun te yaloj ta stiꞌ te genteetike ya me xjojkꞌobot te tut ora ya sta yorail yuꞌun Dios te ya xꞌilbot yaꞌtelike.

San Juan 15:20

Naꞌik me te tuti kalbeyexe: “Ni jtuluk aj-aꞌtelil te mas mukꞌ yuꞌun te yajwale”, xchon me. Teme ya stenikon te joꞌone, jich euk te jaꞌexe ya me stenelex. Y teme la yakꞌik ta jkuenta te jkꞌope, jich euk te jaꞌexe ya me yakꞌik ta jkuenta te tut ya awalike.

San Juan 17:22

Te joꞌone la kꞌabeyix yichꞌik te jlekilal te machꞌatik la awakꞌ xchꞌuunonixe. Yuꞌun jun nax me ya xlaj kꞌot, jich tutꞌil te jun nax ayotik te joꞌotike.

Romanos 8:29

Jaꞌ te machꞌatik tsabilik ta nail to yuꞌun te Diose, te la snop Dios ta slijkibal to te jich ya xkꞌotik te tutꞌil Xnichꞌane. Yuꞌun jich ya xkꞌot te Xnichꞌan te jaꞌ bankilal yuꞌun te bayal yijtsꞌinabe.

Hebreos 9:27

Jich tutꞌil jun nax buelta ya xlajik te genteetike, y patil ya xtal te ichꞌel ta kꞌope,

Santiago 2:13

Yuꞌun te machꞌatik te maꞌyuk slekil yoꞌtan yuꞌun te yanetike, jich me maꞌyuk slekil-oꞌtanil yuꞌun Dios ya xꞌichꞌot jkuenta euk. Yan te machꞌatik ay slekil yoꞌtane, lek me ya xlaj lokꞌ kꞌoel te tut ora ya xꞌichꞌot jkuentae.

Santiago 2:22

Teꞌ ya awil a te jꞌAbraham la yakꞌ ta ilel te xchꞌuunel yoꞌtan ta skuenta te tutiꞌ juꞌ yuꞌun spasele. Y ta skuenta te tutiꞌ juꞌ yuꞌun spasele, jich tsꞌakal kꞌot te xchꞌuunel yoꞌtane.

2 Pedro 2:9

Te Kajwaltike snaꞌoj tutꞌil ya skoltay te machꞌatik ya xtal ta sujel ta mulile te jun yoꞌtan xchꞌuunej Diose. Y snaꞌoj tutꞌil ya skꞌej te machꞌatik ma lekikuke te ya yichꞌik kastigo yuꞌun te tut kꞌaalil ya xkꞌot te chapele.

2 Pedro 3:7

Pero te chꞌulchane y sok te balmilal te chikan ora to, chapalix yuꞌun ya xlaj ta kꞌajkꞌ, yuꞌun jaꞌ mismo smantal te Diose. Jaꞌ ya xlaj ta kꞌajkꞌ te tut ora ya sta skꞌaalel te ya yichꞌ chapel te machꞌatik ma lekikuke sok te ya xꞌakꞌtalanot bael ta chꞌayele.

1 Juan 2:28

Te ora to, kuntikil, jun nax xꞌanex sok te Cristo ta jmel nax. Yuꞌun me jun koꞌtantik a te kꞌalal ya xchiknaj tale, y jich makꞌ jtajtik kꞌexlal ta sit stukel te kꞌalal ya xtale.

1 Juan 2:5

Yan te machꞌa ya yakꞌ ta jkuenta te skꞌope, yuꞌun nanix kꞌuxix ta yoꞌtan abi. Y teme jich aye, jnaꞌojtik te jun nax ayotik sok te Diose.

1 Juan 2:6

Te machꞌa ya yal te jun nax ayix sok te Diose, jich ya skꞌan xkuxuyin jachik tutꞌil kuxuyin te Jesucristoe.

1 Juan 3:1

Ila awilik te lom bayal a kꞌuxutayotik te Jtatik Diose te ya yalbotik te xnichꞌanotik te Diose, y yuꞌun nanix jich ayotik a. Jaꞌ yuꞌun te machꞌatik ayik ta skuenta balmilale ma snaꞌbotik jbajtik, yuꞌun ma snaꞌbeyik sba te Diose.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.

1 Juan 3:7

Kuntikil, ma me ayuk machꞌa ya sloꞌlayex. Toj ay te machꞌa ya yaꞌtelin te tut leke, jich tutꞌil te Jesucristo te toj stukele.

1 Juan 4:12

Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.