1 Juan 4:12 - Nuevo Testamento Tzeltal de Amatenango

¹² Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.

Bible in Tzeltal Bachajón

¹² Mayuc mach'a yiloj te Diose; pero teme talel c'axel c'ux ya ca'iy jbahtic, ay ta co'tantic te Diose soc ts'acal c'oht te sc'uxul yo'tan ta co'tantic.

Bible in Tzeltal de Oxchuc y Tenejapa

¹² Jtul ma'yuc mach'a yilojbey sit te Diose. Teme talel c'axel c'ux ya caiy jbajtique, yu'un nanix jc'axel ainemix ta co'tantic a te Diose, soc jich me ya cac'tic ta ilel te xc'uxul yo'tan Dios cu'untic.

1 Juan 4:12 ပူးပေါင်းရင်းမြစ်များ

San Juan 1:18

Ni jtul machꞌa yilojbe sit te Diose. Pero te úniko jtul xNichꞌan, te jaꞌ mismo Dios, sok jun nax ay sok te Tatile, jaꞌ la yaꞌbotik jnaꞌbetik sba te sTate.

1 Corintios 13:13

Ay oxeb te tutik ma xchꞌay skꞌoplale: Jaꞌ te xchꞌuunel-oꞌtanile, sok te tut ya jmalitike, y sok te xkꞌuxul-oꞌtanile. Pero mas tulan skꞌoplal ta yoxebale, jaꞌ te xkꞌuxul-oꞌtanile.

1 Timoteo 1:17

¡Jaꞌ aꞌ kakꞌtik ta akꞌel ta jkuenta sok aꞌ kaltik slekilal sil tiempo te Ajwalil yuꞌun sbajtel kꞌinale, te stalel ay, sok ma chikanuk ta ilel, y stukel nax Diose! Jichuk.

1 Timoteo 6:16

Stukel nax stalel ay, te ay ta jun sakil kꞌinal, te maꞌyuk machꞌa ya xtijilaj aye. Ni jtuluk winik yiloj ni ma sta ta ilel. Stukeluk me sil tiempo ya xꞌakꞌot ta jkuenta y sil tiempo ay ta ajwalinel. Jichuk.

Hebreos 11:27

Ta skuenta xchꞌuunel yoꞌtan, te jMoises lokꞌ bael te ba slum Egiptoe. Ni ma xiꞌ yuꞌun teme ya xꞌilin te reye, yuꞌun jaꞌ yipinej yoꞌtan te Diose, te ya sta ta ilel ya yaꞌiy aunke ma chikanuk ta ilele.

1 Juan 2:5

Yan te machꞌa ya yakꞌ ta jkuenta te skꞌope, yuꞌun nanix kꞌuxix ta yoꞌtan abi. Y teme jich aye, jnaꞌojtik te jun nax ayotik sok te Diose.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.

1 Juan 4:16

Jich a jnaꞌtikix sok jchꞌuunejtik te kꞌuxotik ta yoꞌtan te Diose. Ay xkꞌuxul yoꞌtan te Diose, y te machꞌa batsꞌi ay skꞌuxul yoꞌtane kuxulix ta stojol Dios y Dios ay ta yoꞌtane.

1 Juan 4:20

Teme ay machꞌa ya yal: “Te joꞌone kꞌux ya kaꞌiy te Diose”, teme xchie, y mismo tiempo a ya spꞌaj te yermanoe, jaꞌ jun jle-lot abi. Yuꞌun teme ay jtuluk te ma kꞌuxuk ya yaꞌiy te yermano te ya yile, ni ma xjuꞌ yuꞌun te kꞌux ya yaꞌiy te Dios te ma sta ta ilele.

1 Juan 4:6

Yan te joꞌotike, jaꞌ yuꞌunotik te Diose. Te machꞌa ya snaꞌbe sba te Diose ya me yaꞌibotik te tut ya kaltike, pero te machꞌa ma jaꞌuk yuꞌun te Diose ma xyaꞌibotik te tut ya kaltike. Jich ya xjuꞌ te ya jnaꞌtik te machꞌa yikꞌoj te Espíritu yuꞌun te tut batsꞌi jiche, y te machꞌa yikꞌoj te espíritu yuꞌun te jloꞌlawaneje.