1 Juan 3:7 - Nuevo Testamento Tzeltal de Amatenango

⁷ Kuntikil, ma me ayuk machꞌa ya sloꞌlayex. Toj ay te machꞌa ya yaꞌtelin te tut leke, jich tutꞌil te Jesucristo te toj stukele.

Bible in Tzeltal Bachajón

⁷ Cal-jnich'nab, ma me ayuc mach'a ya slo'loyex; te mach'a ya spas te bin toj, ha toj yo'tan ta winiquil, hich te bin ut'il toj yo'tan stuquel te Jesucristo.

Bible in Tzeltal de Oxchuc y Tenejapa

⁷ Cal-jnich'nab, ma me mach'a ya slo'layex. Spisil mach'a yat'elinej spasel te bila leque, chican te bit'il toj yo'tane, jich bit'il toj yo'tan stuquel te Jesucristoe.

1 Juan 3:7 ပူးပေါင်းရင်းမြစ်များ

San Mateo 5:20

Ja yuꞌun ya me kalbeyex, teme ma kꞌaxuk jich ya apasik te tut ya skꞌan yoꞌtan te Diose te tutꞌil ya spasik te maestroetik yuꞌun te mantaliletike sok te fariseoetike, ma xjuꞌ ya xꞌochex te ba ay ta mantal te Diose.

San Lucas 1:75

Jich lek kaꞌteltik sok jun koꞌtantik ta stojol te jayeb kꞌaal kuxulotike.

Hechos 10:35

Ta bayal nasionil lek ya yil te machꞌa ya xchꞌuunot yuꞌune sok te machꞌa lek te tut ya spase.

Romanos 2:13

Porke ma jaꞌuk nax ya xꞌakꞌot ta libre yuꞌun teme la nax yaꞌiyik te mantaliletike, jaꞌ nax te machꞌatik ya xchꞌuunik te mantaliletike.

1 Corintios 6:9

¿Meꞌn ma anaꞌojikuk te machꞌatik ma lekuk yoꞌtanik te ma xjuꞌ ya xꞌoch te ba ay ta ajwalinel te Diose? Ma me awakꞌ abaik ta loꞌlayel. Yuꞌun te ba ay ta ajwalinel te Diose, ma xjuꞌ ya xꞌoch teꞌa te machꞌatik ya xꞌantsiweje, ni te machꞌatik ya xchꞌuun lotil diose, sok te machꞌatik ya sle skremike, ni te winketik te ma tsaꞌamuk tut ya spas sok mismo winike, ni te jꞌelekꞌetike, ni te jbikꞌtal-oꞌtanetike, ni te jyakubeletike, ni te jle-kꞌopetike, ni te machꞌatik kꞌayemik ta spojel tutike. Spisil to ma xjuꞌ ya xlaj kꞌot te ba ay ta ajwalinel te Diose.

Efesios 5:6

Ma me machꞌa wakꞌ sloꞌlayex te kꞌopetik te jowil naxe. Porke ta skaj te muliletik to te ya xtal te kastigo yuꞌun Dios ta skuenta te machꞌatik ma xchꞌuunbeyik te smantale.

Efesios 5:9

Yuꞌun te sakil kꞌinale jaꞌ ya yakꞌ xlokꞌ spisil te ay slekil-oꞌtanile sok tut stojil aye sok te tut batsꞌi jiche.

Filipenses 1:11

Yuꞌun ta skuenta te Jesucristoe ya me xchiknaj te ben lek awꞌatelik ta jaꞌexe. Jich me ya xꞌakꞌot ta jkuenta te Diose, sok lek skꞌoplal ya xkꞌot awuꞌunike.

Hebreos 1:8

Pero te skꞌoplal te Xnichꞌane, jich a yal: “Jaꞌat te Diosate, sbajtel kꞌinal ay te awaꞌtele, y te awaꞌtele toj ya xchapawanat.

Hebreos 7:2

Jich te jꞌAbrahame la yaꞌbe te jun ta slajunebal ta spisil te tuti staoj tal te xkꞌotuk ta guerrae. Te jMelquisedec sbiile jaꞌ xyal: “rey te toj ya xchapawane”, te xchie. Y te tutꞌil jaꞌ rey yuꞌun te jtejklum Saleme, te jaꞌ xyal “te bujtsꞌan kꞌinale”, te sbiile jaꞌ xyal xan: “te rey yuꞌun te bujtsꞌan kꞌinale”, te xchie.

Santiago 1:22

Pero ma me jaꞌuk nax te ya awaꞌiyik te skꞌop Diose, ya me skꞌan ya anopik spasel. Yuꞌun teme ma ba ya apas te tut ya awaꞌiye, atukel nax mismo ya aloꞌlay aba.

Santiago 2:19

Te jaꞌate ya achꞌuun te ay jtul nax te Diose. Jich mismo a te tutꞌil achꞌuuneje. Pero te pukujetike jich ya xchꞌuunik euk, y ya xmetot ta sik yuꞌun xiꞌel.

1 Pedro 2:24

Te Cristoe jaꞌ a yichꞌ bael te jmultike ta stiꞌbalul te ba kruse. Yuꞌun jich me a laj jilel skꞌoplal a te mulile, sok ya xkuxuyinotik bael ta spasel te tut leke. Te Cristoe ejchentesot yuꞌun jich me a lekubex a te jaꞌexe.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

1 Juan 2:26

Jaꞌ a jtsꞌibabeyex te tutꞌil ay skꞌoplal te machꞌatik snopoj te ya sloꞌlayexe.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

1 Juan 3:18

Kuntikil, ma me jaꞌuk nax te ya kaltik te ay skꞌuxul koꞌtantike, sinoke ya skꞌan ya xchiknaj ta skuenta te tut ya jpastike.

1 Juan 3:3

Y spisil te machꞌa jich yipal ta smaliyele, ya me slekutesik te yoꞌtanike, jich tutꞌil te lek yoꞌtan stukel te Jesucristoe.

1 Juan 4:17

Jaꞌ yuꞌun te batsꞌi jich ay te xkꞌuxul koꞌtantike yuꞌun ay me smukꞌul koꞌtantik te tut kaalil te ya yichꞌelotik ta jkuentae. Porke te joꞌotike yipalotik ta aꞌtel ta balmilal jich tutꞌil aꞌtej te Jesucristoe.