1 Juan 3:23 - Nuevo Testamento Tzeltal de Amatenango

²³ Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

Bible in Tzeltal Bachajón

²³ Soc ha smandar ini: ha te ya jch'uhumbetic te sbihil te Snich'an, ha te Jesucristo, soc te talel c'axel c'ux ya ca'iy jbahtic, hich te bin ut'il la spasotic hilel ta mandar.

Bible in Tzeltal de Oxchuc y Tenejapa

²³ Te smandal yaloje, ja' in to: Ja' te ya jch'uunbeytic sbiil te Snich'ane, ja' te Jesucristoe, soc te talel c'axel c'ux ya caiy jbajtique, jich bit'il yalojbotic mandal te Cristoe.

1 Juan 3:23 ပူးပေါင်းရင်းမြစ်များ

San Mateo 22:39

Sok ay te xchebal te pajal soke te ya yal: “Kꞌux me xꞌawaꞌi ta awoꞌtan te ajoy ta genteile, jich tutꞌil te kꞌux ya awaꞌi aba te jaꞌate”, xchi me.

San Marcos 9:7

Y teꞌ nax koj tal tokal, jul axintesek yuꞌun. Y teꞌ ta tokale ay machꞌa kꞌopoj, jich a yal: —Jaꞌ me jNichꞌan to te ben xpich ta koꞌtane. Aꞌiybeyaik me te tut ya yale —xchi.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

San Juan 13:34

Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

San Juan 14:1

La yal xan te Jesuse: —Ma me wakꞌ yajtal awoꞌtanik. Ja me xꞌachꞌuunik te Diose, y chꞌuunaikon me euk te joꞌone.

San Juan 15:12

Te jmantale jaꞌto: Te kꞌux ya awaꞌiy aba ta awoꞌtanike, jich tutꞌil kꞌux ya kaꞌiyex ta koꞌtane.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 2:23

Te kꞌalal ay ta Jerusalen a te Jesuse te stiempoil te kꞌin Pascuae, bayal machꞌa xchꞌuunik te Jesuse yuꞌun la yilbeyik seña smilagro te ya spase.

San Juan 3:18

Te machꞌa ya xchꞌuun te xNichꞌan Diose maꞌyukix ta chꞌayel. Pero te machꞌa ma xchꞌuune, ayix bael ta chꞌayel ta skꞌaj te ma xchꞌuun te úniko jtul Xnichꞌan Diose.

San Juan 6:29

Te Jesuse la sjakꞌtalanbe: —Te tut ya skꞌan Dios te ya apasike jaꞌ ya skꞌan ya achꞌuunik te machꞌa la stikon tale —xchi.

Hechos 16:31

Te jPablo sok te Silase la sjakꞌbeyik: —Chꞌuuna te Kajwaltik Jesuse. Jich ya xkolat sok spisil te machꞌatik ay awuꞌune —xchiik.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

1 Tesalonicenses 4:9

Ma puersaukix te ya jtsꞌibabeyex te ayuk xkꞌuxul awoꞌtanik sok te awermano abaike, porke te Diose la yaꞌbeyex anopikix te kꞌux ya awaꞌiy abaik ta juju-tule.

1 Timoteo 1:15

Jaꞌ to batsꞌi jich, y spisil te genteetik ya skꞌan ya xchꞌuunik: Te Cristo Jesuse xtaluk ta balmilal yuꞌun tal skꞌoltay te jmulawiletike. Jich tutꞌil te joꞌone te kꞌax jich jmulawilon tutꞌil te yanetike.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Pedro 4:8

Jaꞌ tulan skꞌoplal te ayuk me bayal xkꞌuxul awoꞌtanik, porke te xkꞌuxul-oꞌtanile bayal perdon ya yakꞌ yuꞌun muliletik.

1 Juan 2:7

Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.

1 Juan 3:11

Jaꞌ to jaꞌ skꞌoplal te awaꞌiyejik te jaꞌex desde ta slijkibal to tale: jaꞌ te kꞌux me ya kaꞌiy jbajtik ta juju-tule.

1 Juan 4:15

Machꞌauk a te ya yal ta jamal te jaꞌ Xnichꞌan Dios te Jesuse, kuxulix ta stojol Dios y Dios ayix ta yoꞌtan.

1 Juan 4:21

Te Jesucristoe la yaꞌbotik te mantaliletik to: “Te machꞌa kꞌux ya yaꞌiy te Diose, kꞌux me ya yaꞌiy ekꞌa te yermanoe”, te xchie.

1 Juan 5:13

La jtsꞌibabeyex to jaꞌex te achꞌuunejik te Xnichꞌan Diose, yuꞌun jich me ya anaꞌik te ay akuxlejalik sbajtel kꞌinale.