1 Juan 3:22 - Nuevo Testamento Tzeltal de Amatenango

²² Sok jich me ya yaꞌbotik spisil te tut ya jkꞌanbetike, porke jchꞌuunejbetik te mantaliletik yuꞌune y ya jpastik te tut lek ya yile.

Bible in Tzeltal Bachajón

²² soc ha ya ya'botic spisil bintic ya jc'ambetic, como ya jch'uhumbetic te mandariletic yu'un soc ya jpastic te bin lec yo'tan yu'une.

Bible in Tzeltal de Oxchuc y Tenejapa

²² Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

1 Juan 3:22 ပူးပေါင်းရင်းမြစ်များ

San Mateo 17:5

Te kꞌalal yipal to ta kꞌop a te jPedroe ora mukot ta tokal te xlemet nax xojobile. Ta yolil te tokale ay machꞌa kꞌopoj teꞌa, jich a yal: —Jaꞌ to jaꞌ te jNichꞌan te ben kꞌux ta koꞌtane. Ben jun koꞌtan yuꞌun. Aꞌiybeyaik sluwar te skꞌope —xchi.

San Mateo 21:22

Spisil te tut ya akꞌanbeyik te Diose ya yaꞌbelex teme jich xchꞌuunej awoꞌtanike —xchi te Jesuse.

San Marcos 11:24

Ja sluwaril te ya kalbeyex te ya skꞌan ya xchꞌuun awoꞌtanik te ya yaꞌbeyat te Diose spisil te tut ya akꞌan ta skuentae. Jich me ya awichꞌik te tut ya akꞌanbeye.

San Juan 14:13

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile.

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Juan 6:29

Te Jesuse la sjakꞌtalanbe: —Te tut ya skꞌan Dios te ya apasike jaꞌ ya skꞌan ya achꞌuunik te machꞌa la stikon tale —xchi.

San Juan 8:29

Porke sjoyinejon te Machꞌa la stikonon tale. Te jTate ma swolanejukon, porke jaꞌ ya jpas te tut lek yoꞌtan yuꞌune —xchi.

San Juan 9:31

Lom lek ya jnaꞌtik te Diose ma xyaꞌibe skꞌop te mulawiletike. Jaꞌ nax ya yaꞌibe skꞌop te machꞌatik ya xchꞌuunik sok te ya spasbe te sboluntare.

Hechos 17:30

Te Diose maꞌyuk tuti yal yuꞌun te jich yipal kꞌaal ayikix tal ta spasel te gente te ma snaꞌbe sluware. Yan te ora to ya spasix ta mantal spisil genteetik ta bayuk te ya sujtes yoꞌtanik ta stojole.

Hechos 20:21

Jamal a kalbe te juriyoetike sok te machꞌatik maꞌ juriyouke te ya skꞌan ya sujtes yoꞌtanik yuꞌun smulik ta stojol Dios, sok te ya xchꞌuunik te Kajwaltik Jesucristoe.

Filipenses 4:18

Te tut la atikonbikon tale, la kichꞌix ta spisil, y asta ay sobra kuꞌun. Te tut la atikonbikon ta skuenta te Epafroditoe ben bayal to xan kichꞌoj. Jich a kꞌot tutꞌil jun majtanil te ben tsaꞌam yikꞌ te chikbil majtanil te ben smuyet ya yaꞌiy te Diose.

Colosenses 1:10

Jich ya xjuꞌ awuꞌunik te toj ya xꞌanex jich tutꞌil ya skꞌan spasik te machꞌatik yuꞌun te Kajwaltike, sok jich ya xjuꞌ awuꞌunik spasel ta sil tiempo te tut lek ya yil stukele. Jich me ya apasik spisil ta skajal skaj te lekil aꞌtele, y jich me ya anaꞌbeyik sba ta lek a te Diose.

Hebreos 13:21

Jaꞌ me ya stojutesex ta spasel spisil te tut lek ya apasike, jich tutꞌil ya skꞌan yoꞌtan stukele. Sok jaꞌ a spasbotik te tut ya skꞌan stukele, ta skuenta te Jesucristoe. ¡Ay slekilal sbajtel kꞌinal stukel te Cristoe! Jichuk.

Santiago 1:5

Teme ay machꞌaex a te maꞌyuk spꞌijil yoꞌtane, kꞌanbeyaik te Diose, y ya me yaꞌbeyex. Yuꞌun te Diose spisil ya yaꞌbe te machꞌa ya skꞌanbeye. Ma xatbiluk y maꞌyuk machꞌa ya spꞌaj.

Santiago 4:3

Ya akꞌanik pero ma xꞌataik, porke ma sluwariluk ya akꞌanik, yuꞌun ya akꞌanik ta slajinel nax te tut skꞌan skꞌupin te atiꞌbalulike.

Santiago 5:16

Jaꞌ yuꞌun, albeya abaik ta jamal ta juju-tul te amulike. Y kꞌoponbeya abaik Dios ta juju-tul, yuꞌun jich me ya xlekubex a. Bayal tut ya xkꞌot ta pasel teme jun yoꞌtan ya skꞌopon Dios te machꞌa toj yoꞌtane.

1 Juan 2:3

Teme ya jchꞌuunbetik te mantaliletik yuꞌun te Diose, ya xjuꞌ seguro ayotik te jnaꞌojbetikix sbae.

1 Juan 5:14

Jun koꞌtantik ta stojol te Diose, porke jnaꞌojtik teme ay tut ya jkꞌanbetik jich tutꞌil te ya skꞌan yoꞌtane, ya yaꞌibotik.