1 Juan 3:20 - Nuevo Testamento Tzeltal de Amatenango

²⁰ Yuꞌun teme ya yalbotik te koꞌtantike te ay palta kuꞌuntike, te Diose lom mukꞌ ke te koꞌtantike, sok snaꞌoj ta spisil.

Bible in Tzeltal Bachajón

²⁰ teme ay ya yalbotic te co'tantic te ay bin chopol jpasojtic, ha c'ax muc' te Dios te bin ut'il te co'tantic, soc ha ya sna' spisil stuquel.

Bible in Tzeltal de Oxchuc y Tenejapa

²⁰ Teme ya yalbotic co'tantic te ay jmultic, ja'uc me to, te Diose, c'ax to xan jich stuquel a te bit'il te co'tantique. Melel spisil sna'oj stuquel.

1 Juan 3:20 ပူးပေါင်းရင်းမြစ်များ

San Juan 21:17

La sjojkꞌobe xan ta yoxmelal: —Simon, te xnichꞌanat te Jonase, ¿me kꞌuxon ta awoꞌtan? —xchi. Te jPedroe la yakꞌ yajtal yoꞌtan yuꞌun; porke yoxmelalix a te jojkꞌobot teme kꞌux ya yaꞌi ta yoꞌtane. La sjakꞌ: —Kajwal, anaꞌoj spisil. Anaꞌoj te kꞌuxat ta koꞌtane —xchi. Te Jesuse la yalbe: —Kanantaybon me te jkarneraetik cheꞌe.

San Juan 8:9

Kꞌalal la yaꞌiyik te tuti altalanbote, jtul ta cheb a laj bajt; jaꞌ primero a laj bajt te machꞌa mamalikixe. Jicha bajt spisilik, stukel nax a jil teꞌa te Jesuse sok te antse.

Hechos 5:33

Kꞌalal jich a yaꞌiyike, kꞌajkꞌubik yuꞌun y kꞌan smilik.

Romanos 8:34

¿Machꞌa kꞌan yakꞌotik bael ta chꞌayel? Maꞌyukix. Yuꞌun jaꞌ a cham Cristo Jesus kuꞌuntik. Sok ma jipuk a. Te Cristoe chaꞌkux y teꞌ ayix ta sbatsꞌi kꞌab te Diose; jaꞌ yipal ta kꞌop kuꞌuntik.

1 Corintios 4:4

Maꞌyuk tut kechel ta koꞌtan ya kaꞌiy, pero makꞌ me kal te yuꞌun maꞌyuk jmule. Yuꞌun jaꞌ ya yichꞌon jkuenta te Kajwaltike.

Tito 3:11

Yuꞌun ya skꞌan ya anaꞌ te machꞌa jich aye yanejemix ta sjol te kꞌope. Ta skuenta te smule, kechel te kastigo ta stojole.

Hebreos 4:13

Ni maꞌyuk tut a te spasoj Dios te ya xjuꞌ ya snakꞌ sba ta stojole; spisil jamal ta ilel ya yil ta sit stukel te machꞌa ya yichꞌbotik jkuenta te kaꞌteltike.

Hebreos 6:13

Te kꞌalal Dios jich a xchap ta stojol te jꞌAbrahame, stukel mismo a yal ta jamal, porke maꞌyuk yan machꞌa mukꞌ xan yuꞌun stukel te ya yal ta jamale.

1 Juan 3:19

Te jich aye, jnaꞌojtik te yuꞌunotik te tut batsꞌi jiche, y jich ya kaꞌitik ta koꞌtantik te seguro ayotik ta stojol te Diose.

1 Juan 3:21

Kermanotak te kꞌuxex ta koꞌtane, teme maꞌyuk tut ya yalbotik te koꞌtantike, ay smukꞌul koꞌtantik ta stojol te Diose.

1 Juan 4:4

Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.

Apocalipsis 2:23

Y ya me kakꞌ lajuk te yuntikile. Jich me ya snaꞌik spisil te juju-tijkꞌ hermanoetik te joꞌon jnaꞌoj asta ta yutil pensar y ta oꞌtanil. Y ta juju-tul te jaꞌexe ya kaꞌbeyex chikan te tutiꞌ apasojike.