1 Juan 3:15 - Nuevo Testamento Tzeltal de Amatenango

¹⁵ Spisil te machꞌa ya spꞌaj te yermanoe, jaꞌ jmilaw abi. Y te jaꞌexe anaꞌojik te ni jtuluk jmilaw ya xjuꞌ ya sta te kuxlejal sbajtel kꞌinal stukele.

Bible in Tzeltal Bachajón

¹⁵ Spisil mach'a ya yil-o'tantay te yermano, jmilaw me c'ohem. Ana'ojic te mayuc jtuhluc jmilaw te ay scuxlejal scuenta sbahtel q'uinal.

Bible in Tzeltal de Oxchuc y Tenejapa

¹⁵ Spisil mach'a yilayej te yermanoe, ja' jmilawal abi. Soc ana'ojic stojol te jc'axel ma'yuc ta swenta cuxinel sbajt'el q'uinal te mach'a jmilawale.

1 Juan 3:15 ပူးပေါင်းရင်းမြစ်များ

San Mateo 5:28

Pero joꞌon ya kalbeyex: Spisil machꞌa ya skꞌupin sok sit jtul ants, antsiwejix sok ta yoꞌtan abi.

San Marcos 6:19

Jich te Herodias ilin yuꞌun te tut la yal te Juane. Yoꞌtanuk nax kꞌan smil ta ora, pero maꞌ juꞌ yuꞌun.

San Juan 4:14

Pero te machꞌa ya yuchꞌ te jaꞌ ya kakꞌ joꞌone, sbajtel kꞌinal ma xtakej yoꞌtan yuꞌun. Porke te jaꞌ ya kakꞌ joꞌone jich ya xkꞌot tutꞌil lokꞌi-jaꞌ ta yoꞌtan te ya xkuxuyin sbajtel kꞌinal yuꞌune —xchi te Jesuse.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

Hechos 23:12

Kꞌalal sakub te kꞌinale, ay chaꞌoxtul juriyoetik la snopik ta komon yuꞌun ya smilik te jPabloe. Y la yalik: —A me yaꞌbotik kastigo te Diose teme ya xweꞌotik o teme ya xꞌuchꞌaotik te kꞌalal ma to xjuꞌ kuꞌuntik smilel te Pabloe —xchiik.

Hechos 23:14

Ba skꞌoponik te stataletik yuꞌun te saserdoteetike y sok te moletik yuꞌun te juriyoetike y la yalbeyik: —Te joꞌotike la kaltikix ta jamal te a me yaꞌbotik kastigo te Diose teme ya xweꞌ-xꞌuchꞌaotik te tutꞌil ma to xlaj ta milel kuꞌuntik te jPabloe.

Santiago 1:15

Teꞌ ya xchiknaj a te mulile ta skuenta te tutik ma lekuk ya skꞌan te koꞌtantike. Y teme staojix spuersa te mulile, teꞌ ya xchiknaj a te lajele.

1 Pedro 1:23

Yuꞌun te jaꞌexe chaꞌayinexix, y ma jaꞌuk ta skuenta te jtul winik te ya xlaje, sino ke ta skuenta te skꞌop Dios te stalel kuxul ay ta sbajtel kꞌinal stukele.

1 Juan 2:11

Pero te machꞌa ya spꞌaj te yermanoe, ay ta ijkꞌal kꞌinal sok teꞌ ya xbeen a. Y ma snaꞌ te ba ya xbajte, porke te site makbil yuꞌun te ijkꞌal kꞌinale.

1 Juan 2:9

Teme ay machꞌa ya yal te ayix ta sakil kꞌinale, pero teme ya spꞌaj te yermanoe, yuꞌun nanix ay to ta ijkꞌal kꞌinal a.

Apocalipsis 21:8

Pero te machꞌatik ya xiꞌike, sok te machꞌatik ma xchꞌuunonike, sok te machꞌatik pꞌajbil te tut ya spasike, sok te machꞌatik ya xmilwanike, sok te machꞌatik ya sꞌantsiwejike, sok te machꞌatik ya snopik yakꞌel pox ta skuenta pukuje, sok te machꞌatik ya yichꞌik ta mukꞌ te lotil diosetike, y sok spisil te loꞌlawanejetike, te stukelike ya me staik bael chꞌojel ochel ta kꞌajkꞌ te lom tulan yipal ta tilel sok asufree, te jaꞌ te xchaꞌmelal lajele —xchi.