1 Juan 3:14 - Nuevo Testamento Tzeltal de Amatenango

¹⁴ Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.

Bible in Tzeltal Bachajón

¹⁴ Jna'ojtic te ma ba ayotiquix ta scuenta lajel, ayotiquix ta scuenta cuxlejal, como c'ux ya ca'iy ta co'tantic te quermanotactique. Te mach'a ma ba c'ux ya ya'iy ta yo'tan te yermano, yu'un ni me ay to ta scuenta lajel a abi.

Bible in Tzeltal de Oxchuc y Tenejapa

¹⁴ Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

1 Juan 3:14 ပူးပေါင်းရင်းမြစ်များ

San Mateo 25:40

“Ya me yalbe te ajwalile: “Jamal ya kalbeyex te tutꞌil jich la apasbeyik jtuluk te kermanotake te ben chꞌin yakꞌoj sbaike, joꞌon la apasbikon abi”, ya me yut.

San Lucas 15:24

Porke te jnichꞌan to chamenix a jkuy a, pero chaꞌkuxix tal. Chꞌayemix bael, pero la to jtajtik”, xchi te state. Jich a lijk spasik te kꞌine.

San Lucas 15:32

Pero ora to yipalotik nax ta spasel kꞌin yuꞌun ben jun koꞌtantik, porke te awijtsꞌine chamenix a kaꞌiy, pero chaꞌkuxix kꞌoem. Kunta jmel chꞌayemix a kaꞌi, pero la jtajtikix”, xchi te state —xchi ta yalel te Jesuse.

San Lucas 7:5

yuꞌun ben kꞌux ta yoꞌtan te jlumaltike, sok jaꞌ mismo a stejkꞌambotik te sinagoga kuꞌuntike —xchiik.

San Juan 13:35

Teme kꞌux ya awaꞌi abaik ta juju-tule, spisil genteetik ya me snaꞌik te jnopojelex kuꞌune —xchi te Jesuse.

San Juan 15:12

Te jmantale jaꞌto: Te kꞌux ya awaꞌiy aba ta awoꞌtanike, jich tutꞌil kꞌux ya kaꞌiyex ta koꞌtane.

San Juan 15:17

Jaꞌ to jaꞌ jmantal te ya kalbeyexe: Kꞌux me xꞌawaꞌi abaik ta awoꞌtanik.

San Juan 5:24

Jamal ya kalbeyex, te machꞌa ya yaꞌibon sluwar te tut ya kale, y teme la xchꞌuun te machꞌa la stikonon tale, ay xkuxlejal sbajtel kꞌinal. Ma chꞌayueluk ya xbajt, yuꞌun kꞌaxemix a te ba lajele, ayix ta kuxlejal.

2 Corintios 5:1

Te tiꞌbalultik jachik tutꞌil jun naul-pakꞌ te ma xjalaje. Pero jnaꞌojtik teme ya xlaj te naul-pakꞌ to, Dios spasojbotik ta chꞌulchan jun na skuenta sbajtel kꞌinal te ma jaꞌuk pasbil ta skꞌab genteetike.

Gálatas 5:22

Yan te tut ya yakꞌ te Espiritue jaꞌ te skꞌuxul koꞌtantike y sok ay goso ta koꞌtantik, sok bujtsꞌan kꞌinal, sok spisil ya stsꞌijk kuꞌuntik. Sok lek ya kil jbajtik, y ay slekil koꞌtantik, sok jun koꞌtantik,

Efesios 1:15

Yuꞌun la jnaꞌix te jaꞌex te ay xchꞌuunel awoꞌtanik ta skuenta te Kajwaltik Jesuse y sok ay xkꞌuxul awoꞌtanik ta stojol spisil te machꞌatik yuꞌun te Diose.

Efesios 2:1

Ta nail to te jaꞌexe chamenex kꞌoem ta skaj te kꞌayemex ta pasel tutik ma tsaꞌamuke y sok te muliletike,

Efesios 2:5

La yaꞌbotik jkuxlejaltik jun nax sok te Cristoe te kꞌalal jich to chamenotik ta skaj te jmultike. Ta skuenta nax slekil yoꞌtan Dios te la yaꞌbeyex te kolele.

Colosenses 1:4

Yuꞌun kaꞌiyejtikix akꞌoplalik te achꞌuunejikix te Cristo Jesuse y sok te kꞌux ya awaꞌiy abaik ta apisilik te jtejklumex yuꞌun te Diose.

1 Tesalonicenses 4:9

Ma puersaukix te ya jtsꞌibabeyex te ayuk xkꞌuxul awoꞌtanik sok te awermano abaike, porke te Diose la yaꞌbeyex anopikix te kꞌux ya awaꞌiy abaik ta juju-tule.

Hebreos 13:1

Ma me akom abaik te kꞌux ya awil abaik ta juju-tul, jich tutꞌil te machꞌatik jun nax smeꞌ-statike.

1 Pedro 1:22

Te ora to te jaꞌexe, te la achꞌuunik te skꞌoplal te tut batsꞌi jiche, la alekutesikix te awoꞌtanike yuꞌun ben jun awoꞌtan ya akꞌuxutayik a te hermanoetike. Jich ya skꞌan te kꞌux ya awaꞌiy abaik ta juju-tul sok spꞌejel awoꞌtanik sok spisil apuersaik.

1 Pedro 3:8

Ta slajibal ya kalbeyex: Junuk me awoꞌtan abaik ta apisilik, sok junuk nax me te tut ya anopike. Kꞌuxuk me ya awaꞌiy abaik te tutꞌil te awermano abaike. Ayuk me slekil awoꞌtanik y benuk me chꞌunulex.

2 Pedro 1:7

sok te kꞌuxuk ya awaꞌiyik te hermanoetike, sok ayuk xkꞌuxul awoꞌtanike.

1 Juan 2:3

Teme ya jchꞌuunbetik te mantaliletik yuꞌun te Diose, ya xjuꞌ seguro ayotik te jnaꞌojbetikix sbae.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

1 Juan 4:12

Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.

1 Juan 5:13

La jtsꞌibabeyex to jaꞌex te achꞌuunejik te Xnichꞌan Diose, yuꞌun jich me ya anaꞌik te ay akuxlejalik sbajtel kꞌinale.

1 Juan 5:2

Teme kꞌux ya kaꞌitik te Diose sok teme ya jpastik te tut ya yal ta mantal stukele, jnaꞌojtik te ya skꞌan ya jkꞌuxutaytik ekꞌa te machꞌatik yuntikil te Diose.