1 Juan 3:12 - Nuevo Testamento Tzeltal de Amatenango

¹² Ma me jachikukotik tutꞌil te jCaine, te jaꞌ yuꞌun te pukuje y la smil te yijtsꞌine. ¿Y tuꞌun te la smile? Porke ma lekuk te tut a te la spas te jCaine, y puru lek ay te tut la spas te yijtsꞌine.

Bible in Tzeltal Bachajón

¹² Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

Bible in Tzeltal de Oxchuc y Tenejapa

¹² Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

1 Juan 3:12 ပူးပေါင်းရင်းမြစ်များ

San Mateo 13:19

Te machꞌatik ya yaꞌiybe sluwaril te tutꞌil ay ta ajwalinel te Diose sok te ma xkꞌot ta yoꞌtanike, jich kꞌoemik te tutꞌil tsꞌunubil te kꞌot ta bee. Ya xtal te pukuje, ya slokꞌesbey ta yoꞌtanik te skꞌop Dios te tsꞌunbot ta yoꞌtanike.

San Mateo 13:38

Te triwualtike jaꞌ te genteetik ta balmilale. Te lekil tsꞌunubile jaꞌ te machꞌatik yajwalinejik te Diose. Te ak te ma tsaꞌamuke jaꞌ te machꞌa yajwalinejik te pukuje.

San Mateo 23:35

Jich euk te jaꞌexe ya me akuchbeyik smalel xchꞌichꞌel spisil te machꞌatik ben lek yoꞌtanik te chamik baele. Jaꞌ to ta jꞌAbel te ben lek yoꞌtane jaꞌ to kꞌalal ta Zacarias te xnichꞌan Berequiase, te milot te ba xchikꞌojibal smajtan Dios te ba stiꞌil te temploe.

San Mateo 27:23

Te Pilato la yal: —¿Tut a te ma lekuk spasoje? —xchi. Pero mas tulan a lijkik ta aw: —¡Mila ta krus! —xchiik.

San Mateo 5:37

Teme ay tut ya sjojkꞌobelexe, “Jichuk”, xchaex me teme jiche. Teme ma jichuke, “Maꞌuk”, xchaex me. Yan teme kꞌax jich te tut ya awalike, jaꞌix yuꞌun te pukuje.

San Lucas 11:51

Jaꞌ bi, jaꞌ slijkibal te malbot xchꞌichꞌel te jꞌAbele sok jaꞌ to te kꞌalal malbot xchꞌichꞌel te Zacariase, jaꞌ te la yichꞌ milel ta yolil te xchikꞌojibal smajtan Dios te ba temploe. Jich me ya kalbeyex, te machꞌatik kuxulik ta balmilal te ora to ya me xꞌaꞌbot xkuchik smalel te xchꞌichꞌelike.

San Juan 10:32

Pero te Jesuse la yaltalanbe: —Ta spoder te jTate bayal a jpas te tutik lek ta asitike. ¿Tut a te ya awaꞌbikon ton yuꞌune? —xchi.

San Juan 8:40

Pero ya akꞌan ya amilikon, manchuk teme ya kalbeyex te tut batsꞌi jich snojpesejon te Diose. Te jꞌAbraham maꞌyuk a spas jich stukel.

San Juan 8:41

Te jaꞌexe jich mismo ya apasik te tut ya spas te atatike —xchi. Te juriyoetike la yalbeyik: —Te joꞌotike ma yuntikilukotik jmulawil ants. Ay jtul jTatik, jaꞌ te Diose —xchiik.

Hechos 7:52

¿Me ay wan jtul jꞌalwanej yuꞌun te Diose te maꞌ skontrainike? Te stukelike la smilik te jꞌalwanejetik te albot yaꞌiyik yuꞌun te ya xtal te machꞌa ben toj yoꞌtane. Pero te ora to xtalukix te machꞌa ben toj yoꞌtane, te jaꞌexe la awakꞌik entregal y milot.

1 Tesalonicenses 2:14

Kermanotak, kꞌalal kꞌax awokolik yuꞌun tenel ta skꞌab te alumalike, jich mismo a kꞌot ta pasel ta stojol te hermanoetik yuꞌun Dios te aylan ta Judea te jaꞌ yuꞌunix te Cristo Jesuse. Yuꞌun jich a yichꞌik tenel euk yuꞌun te slumal juriyoetike.

Hebreos 11:4

Ta skuenta xchꞌuunel yoꞌtan, te jꞌAbel la yaꞌbe milbil smajtan Dios te kꞌax tsaꞌam ke te tut la yakꞌ te jCaine. Y jaꞌ yuꞌun Dios la yal ta jamal te toj aye, y la stsakbe te smajtane. Jich yuꞌun, aunke chamenix te jꞌAbele sigue yipal to ta kꞌop kꞌoem sok te xchꞌuunel yoꞌtane.

Hebreos 12:24

sok te ba ay Jesus, te tejkꞌanbil ta kꞌop yuꞌun te yachꞌil tratee, sok te ba ay te xchꞌichꞌel te jaꞌ a slekutesotike, te kꞌax ben tsaꞌam ya yalbotik ke te xchꞌichꞌel jꞌAbele.

1 Pedro 4:4

Te ora to, te jaꞌexe makꞌ ya ajoyinlanikix ta spasel te lom nax ma tsaꞌamuk te xkuxlejalike. Jaꞌ yuꞌun te lom yan ya yilexix y ma lekuk ya xkꞌopojik ta atojolik.

1 Juan 3:8

Pero te machꞌa ya yaꞌtelin sleel smule, jaꞌ yuꞌun te pukuje. Porke te pukuje la sle smul desde ta slijkibal to tal. Jaꞌ yuꞌun te puersa a tal te Xnichꞌan Diose yuꞌun tal sjimbey te tut ya spas te pukuje.

Judas 1:11

¡Oꞌol me sbaik! Porke jaꞌ stamojbeyik sbe te jCaine. Ta skaj nax sganar takꞌin te ya xlaj chꞌay baele, jachꞌik tutꞌil te jBalaame. Y jich tutꞌil te jCore, ya xlaj cham yuꞌun te xkꞌaxemule.

Apocalipsis 17:6

Te nax a la jnaꞌ te yakubenix te antse. Jaꞌ yakuben yuꞌun te xchꞌichꞌel te machꞌatik yuꞌunik te Diose y sok te xchꞌichꞌel te machꞌatik miltalanot yuꞌun te la yalik ta jamal te skꞌoplal te Jesuse. Te kꞌalal la kile, lom cham a kaꞌiy yuꞌun.