1 Juan 3:10 - Nuevo Testamento Tzeltal de Amatenango

¹⁰ Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

Bible in Tzeltal Bachajón

¹⁰ Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

Bible in Tzeltal de Oxchuc y Tenejapa

¹⁰ Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

1 Juan 3:10 ပူးပေါင်းရင်းမြစ်များ

San Mateo 13:38

Te triwualtike jaꞌ te genteetik ta balmilale. Te lekil tsꞌunubile jaꞌ te machꞌatik yajwalinejik te Diose. Te ak te ma tsaꞌamuke jaꞌ te machꞌa yajwalinejik te pukuje.

San Lucas 6:35

Yan te jaꞌexe kꞌux me xꞌawaꞌiyik ta awoꞌtanik te machꞌatik ya skontrainexe. Pasbeyaik te tut leke, sok aꞌbeyaik smajan te tut ay awuꞌunike. Ma me akꞌambeyik sjelol. Jich me bayal amajtanik ya awichꞌik yuꞌun, sok yal-xnichꞌanex ya xkꞌoex te Chꞌul Dios te ay ta chꞌulchane. Porke Dios kꞌux ta yoꞌtan te machꞌatik ma snaꞌik yalel kola yale sok te machꞌatik ma tsaꞌamuk yoꞌtanike.

San Juan 1:12

Pero te machꞌatik la yakꞌik ta jkuentae Y la xchꞌuunik te tikonbil tal yuꞌun te Diose, akꞌtalanbot ta skuentaik te yal xnichꞌan Dios ya xlaj kꞌotike.

San Juan 11:52

Y ma jaꞌuk nax yuꞌun te juriyoetike, jaꞌ yuꞌun euk spisil te alnichꞌanetik yuꞌun Dios te chꞌayemik ta ya stsob ta jun naxe.

San Juan 8:44

Te atatik te jaꞌexe jaꞌ te pukuje; te jaꞌexe jaꞌ ya apasbeyik te tut ya skꞌan yoꞌtane. Te pukuje ja jmilaw kꞌalal ta slijkibal to tal. Makꞌ xtuun yuꞌun te tut batsꞌi jiche; maꞌyuk ya yal te tut batsꞌi jiche. Te kꞌalal ya sle lote, jaꞌ ya yal te tut stalel ay ta yoꞌtane. Porke loꞌlawane stukel y jaꞌ tatil yuꞌun te le-lote.

San Juan 8:47

Te machꞌatik yuꞌun te Diose ya yaꞌibe sluwar te skꞌop Diose. Pero ta skaj te ma yuꞌunukex te Diose, jich ma xꞌakꞌan xꞌawaꞌibeyik sluwar te skꞌope —xchi te Jesuse.

Hechos 13:10

y la yalbe: —Te jaꞌate, jloꞌlawanejat, ma tsaꞌamuk te tut ay ta awoꞌtane. Xnichꞌanat pukuj, y akontrainej spisil te tut lek ta pasele. ¿Meꞌn ma xꞌakom aba ta smakbeyel sbe te Kajwaltike?

Romanos 13:8

Ma me ayuk machꞌa kechel abetik yuꞌun. Jaꞌuk nax me abetik te kꞌux ya awaꞌiy abaik ta awoꞌtanik ta juju-tule. Yuꞌun te machꞌa kꞌux ya yaꞌiy ta yoꞌtan te sjoy ta genteile, juꞌix yuꞌun spasel spisil te tut ya yal te mantaliletike.

Efesios 5:1

Jaꞌex te yal-xnichꞌanex Dios te lek skꞌanojexe, nopaik te tutꞌil ay stukele.

Colosenses 3:14

Jaꞌ tulan skꞌoplal te ya awakꞌik ta ilel te ay skꞌuxul awoꞌtanike, te ya yakꞌex ta jun nax.

1 Timoteo 1:5

Te tut sluwar te jich la jpasat ta mantale, yuꞌun jaꞌ skꞌan te kꞌux ya kaꞌi jbajtik ta juju-tule. Jaꞌ te skꞌuxul-oꞌtanil te ya xchiknaj teme sakubenix te koꞌtantike, sok teme tojobenotike, y sok teme lek jchꞌuunejtik te Diose.

1 Juan 2:29

Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

1 Juan 3:1

Ila awilik te lom bayal a kꞌuxutayotik te Jtatik Diose te ya yalbotik te xnichꞌanotik te Diose, y yuꞌun nanix jich ayotik a. Jaꞌ yuꞌun te machꞌatik ayik ta skuenta balmilale ma snaꞌbotik jbajtik, yuꞌun ma snaꞌbeyik sba te Diose.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

1 Juan 4:21

Te Jesucristoe la yaꞌbotik te mantaliletik to: “Te machꞌa kꞌux ya yaꞌiy te Diose, kꞌux me ya yaꞌiy ekꞌa te yermanoe”, te xchie.

1 Juan 4:6

Yan te joꞌotike, jaꞌ yuꞌunotik te Diose. Te machꞌa ya snaꞌbe sba te Diose ya me yaꞌibotik te tut ya kaltike, pero te machꞌa ma jaꞌuk yuꞌun te Diose ma xyaꞌibotik te tut ya kaltike. Jich ya xjuꞌ te ya jnaꞌtik te machꞌa yikꞌoj te Espíritu yuꞌun te tut batsꞌi jiche, y te machꞌa yikꞌoj te espíritu yuꞌun te jloꞌlawaneje.

1 Juan 4:8

Te machꞌa ma xkꞌuxutaywane, ma snaꞌojbeyuk sba te Diose, porke te Diose ay xkꞌuxul yoꞌtan.

1 Juan 5:19

Jnaꞌojtik te jaꞌ yuꞌunotik te Diose. Yan te balmilale spisil ay ta skꞌab te pukuje.

1 Juan 5:2

Teme kꞌux ya kaꞌitik te Diose sok teme ya jpastik te tut ya yal ta mantal stukele, jnaꞌojtik te ya skꞌan ya jkꞌuxutaytik ekꞌa te machꞌatik yuntikil te Diose.

3 Juan 1:11

Hermano te kꞌuxat ta koꞌtane, ma me jaꞌuk xꞌatsꞌakliy te tut ma lekuk ya spase; jaꞌuk me xꞌatsꞌakliy te tutik leke. Te machꞌa lek te tut ya spase, jaꞌ yuꞌun te Diose; pero te machꞌa ya spas te tut ma lekuke, yuꞌun ma snaꞌbe sba te Diose.