1 Juan 2:7 - Nuevo Testamento Tzeltal de Amatenango

⁷ Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.

Bible in Tzeltal Bachajón

⁷ Quermanotac, ma ba ya jts'ihbabeyex yach'il mandaril, ha nix te antiguo mandaril awa'iyejic ta shahchibal to. Te antiguo mandaril ini ha te c'op te ay nix awa'iyejic ta nahil to.

Bible in Tzeltal de Oxchuc y Tenejapa

⁷ Quermanotac, ja'ex te bayal c'uxex ta co'tane, ma ach' mandaliluc te la jts'ibubeyexe. Ja' nix te namey mandalil te awaiyojic stojol ta xjajch'ibal toe. Soc ma yanuc, ja' nix te mandalil te la awaiyiquix stojole.

1 Juan 2:7 ပူးပေါင်းရင်းမြစ်များ

San Mateo 5:43

“Sok awaꞌiyejik sluwaril te jich albil jilele: “Kꞌux me xꞌawaꞌiy ta awoꞌtan te machꞌa jun awoꞌtan soke. Yan te machꞌa ya skontrainate, ilintaya me stukel”, xchi me.

San Juan 13:34

Ya kaꞌbeyex te achꞌ mantal to: Te kꞌux me xꞌawaꞌi abaik ta juju-tule, jich te tutꞌil kꞌux a kaꞌiyexe, jich me kꞌux ya awaꞌi abaik ta juju-tul te jaꞌexe.

Hechos 17:19

Jich a yikꞌik bael ta stojol te junta Areópago sbiil te kꞌayemik te ya stsob sbaik ta yaꞌiyel te kꞌope. Y la sjojkꞌobeyik teꞌa: —¿Me ya xjuꞌ te ya kaꞌibetik sluwar te achꞌ pꞌijutesel te awichꞌojbotik tale?

Hebreos 6:9

Pero aunke jich ya kaltik to, kermanotak te jkꞌanojexe, seguro ayotik te lek ayex ta skuenta Dios sok te yipalex ta beel ta sbeelel kolele.

1 Juan 2:24

Jaꞌ yuꞌun, te jaꞌexe kꞌeja ta awoꞌtanik te skꞌoplal la awaꞌiyik desde ta slijkibal to tale. Teme ayix jilel ta awoꞌtanik te tut la awaꞌiyik desde ta slijkibal to tale, jun nax ayex sok te Nichꞌanile y sok te Tatile ta jmel nax.

1 Juan 3:11

Jaꞌ to jaꞌ skꞌoplal te awaꞌiyejik te jaꞌex desde ta slijkibal to tale: jaꞌ te kꞌux me ya kaꞌiy jbajtik ta juju-tule.

1 Juan 3:2

Kermanotak te kꞌuxex ta koꞌtane, yal-xnichꞌanotikix te Diose. Aunke ma to jnaꞌtik te tut kileltik ta patile, jnaꞌojtik te kꞌalal ya xchiknaj tal te Jesucristoe, pajal ya xkꞌootik jachik tutꞌil stukele, porke ya me kiltik ta steklejal te tut yilele.

1 Juan 3:21

Kermanotak te kꞌuxex ta koꞌtane, teme maꞌyuk tut ya yalbotik te koꞌtantike, ay smukꞌul koꞌtantik ta stojol te Diose.

1 Juan 3:23

Y te smantale, jaꞌ te ya jchꞌuuntik te Xnichꞌane, jaꞌ te Jesucristoe. Y te kꞌux ya kaꞌiy jbajtik ta juju-tule, jachik tutꞌil te la yalbotik mantale.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

1 Juan 4:11

Kermanotak te kꞌuxex ta koꞌtane, teme jich a xkꞌuxutayotik te Diose, jich ya skꞌan te talel bael ya jkꞌuxutay jbajtik te joꞌotike.

1 Juan 4:21

Te Jesucristoe la yaꞌbotik te mantaliletik to: “Te machꞌa kꞌux ya yaꞌiy te Diose, kꞌux me ya yaꞌiy ekꞌa te yermanoe”, te xchie.

1 Juan 4:7

Kermanotak te kꞌuxex ta koꞌtane, ya skꞌan te talel bael te kꞌux ya kaꞌiy jbajtike, porke te xkꞌuxul-oꞌtanile ya xtal ta stojol Dios. Spisil te machꞌa ya xkꞌuxutaywane, jaꞌ xnichꞌan Dios y snaꞌojbe sba te Diose.