1 Juan 2:6 - Nuevo Testamento Tzeltal de Amatenango

⁶ Te machꞌa ya yal te jun nax ayix sok te Diose, jich ya skꞌan xkuxuyin jachik tutꞌil kuxuyin te Jesucristoe.

Bible in Tzeltal Bachajón

⁶ Te mach'a ya yal sba te spisil ora ay ta stojol te Diose, ya sc'an ya xbehen hich te bin ut'il behen te Jesuse.

Bible in Tzeltal de Oxchuc y Tenejapa

⁶ Teme ay mach'a ya yal te jun ayix soc te Diose, jichuc me xcuxlejal te bit'il c'ax ta q'uinal stuquel te Jesucristoe.

1 Juan 2:6 ပူးပေါင်းရင်းမြစ်များ

San Mateo 11:29

Akꞌa ta anukꞌik te jyukue y nopbikon koꞌtan, joꞌon te lek koꞌtan sok te chꞌin kakꞌoj jbae. Jich me ya xkux te awoꞌtanike.

San Juan 13:15

Te joꞌone la kaꞌbeyex awilik jun ejemplo yuꞌun jich me ya apasik te tut la jpas la awilike.

San Juan 15:10

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

1 Corintios 11:1

Te jaꞌexe jaꞌ me xꞌanopik te tut ya kakꞌ awilike, jich tutꞌ joꞌon te jaꞌ jnopojbe tutꞌ ay te Cristoe.

Efesios 5:2

Sokuk me xkꞌuxul awoꞌtanik xꞌanex, jich mismo tutꞌil Cristo la xkꞌuxutayotike y te la yakꞌ sba ta lajel ta jkajtik te joꞌotike, jich tutꞌil smajtan Dios y te majtanil te lom tsaꞌam yikꞌ ta stojol te Diose.

1 Pedro 2:21

Yuꞌun jaꞌ la yikꞌex Dios yuꞌun te ya xkꞌax awokolike. Porke te kꞌalal Cristo kꞌax swokol ta akuentaik, la yaꞌbeyex awilik yuꞌun jich me ya atamik bael a.

1 Juan 2:28

Te ora to, kuntikil, jun nax xꞌanex sok te Cristo ta jmel nax. Yuꞌun me jun koꞌtantik a te kꞌalal ya xchiknaj tale, y jich makꞌ jtajtik kꞌexlal ta sit stukel te kꞌalal ya xtale.

1 Juan 2:4

Pero teme ay machꞌa ya yal: “Te joꞌone jnaꞌojbe sba”, te xchie, y ma xchꞌuunbe te mantaliletik yuꞌune, jaꞌ jtul jloꞌlawanej y maꞌyuk ta stojol te tut batsꞌi jiche.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.

1 Juan 3:6

Jich yuꞌun, spisil te machꞌa jun nax ay sok te Jesucristoe, makꞌ sleix smul. Pero spisil te machꞌa ya sle smule, yuꞌun ma yilojuk y ni ma snaꞌojbeyuk sba.

1 Juan 4:17

Jaꞌ yuꞌun te batsꞌi jich ay te xkꞌuxul koꞌtantike yuꞌun ay me smukꞌul koꞌtantik te tut kaalil te ya yichꞌelotik ta jkuentae. Porke te joꞌotike yipalotik ta aꞌtel ta balmilal jich tutꞌil aꞌtej te Jesucristoe.