1 Juan 2:24 - Nuevo Testamento Tzeltal de Amatenango

²⁴ Jaꞌ yuꞌun, te jaꞌexe kꞌeja ta awoꞌtanik te skꞌoplal la awaꞌiyik desde ta slijkibal to tale. Teme ayix jilel ta awoꞌtanik te tut la awaꞌiyik desde ta slijkibal to tale, jun nax ayex sok te Nichꞌanile y sok te Tatile ta jmel nax.

Bible in Tzeltal Bachajón

²⁴ Te bin awa'iyejic ta shahchibal, jc'axel ayinuc ta awo'tanic. Teme jc'axel ya x'ayin ta awo'tanic te bin la awa'iyic ta shahchibal, ha nix hich jc'axel ya x'ayinex ta stojol te Nich'anil soc ta stojol te Tatile.

Bible in Tzeltal de Oxchuc y Tenejapa

²⁴ Te bila awaiyojic stojol ta xjajch'ibal tele, jc'axel ainuc me ta awo'tanic. Teme jc'axel ya awac' ta awo'tanic te bila la awaiyiquix stojol ta xjajch'ibale, jich me jc'axel jun ayex soc te Nich'anile soc te Tatile.

1 Juan 2:24 ပူးပေါင်းရင်းမြစ်များ

San Lucas 1:2

La stsꞌibayikix jilel te tuti yalbelotik kaꞌitik ta jpisiltik yuꞌun te machꞌatik la yilik ta sitik ta slijkibale te la yichꞌik yaꞌtelik ta yalel ta bayuk te tuti kꞌot ta pasel ta slijkibal tale.

San Lucas 9:44

—Aꞌibeyaik lek sluwaril y ma me chꞌay ta awoꞌtanik: Te Nichꞌanile ya me xꞌakꞌot entregal ta skꞌab winketik —xchi.

San Juan 14:23

Te Jesuse la sjakꞌbe: —Te machꞌa kꞌuxon ta yoꞌtane, ya yakꞌ ta jkuenta te jkꞌope, y kꞌux ya xꞌaꞌiyot yuꞌun te jTate. Y te jTate sok te joꞌone yax tal joyintik.

San Juan 15:7

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

San Juan 6:56

Te machꞌa ya sweꞌ te jtiꞌbalule y te ya yuchꞌ te jchꞌichꞌele kuxulix ta jtojol, y te joꞌone jun nax ya xkuxuyinon sok.

San Juan 8:25

Jicha sjojkꞌobeyik: —¿Machꞌaat a chee? —xchiik. Te Jesuse la sjakꞌtalanbe: —La kalbeyexix ta slijkibal to tal.

Filipenses 4:15

Te kꞌalal boon ta Macedoniae te lijk kal te skꞌoplal yuꞌun te kolele, úniko jaꞌex te hermanoetik ta Filipose la atikonbikon koltayel.

Colosenses 3:16

Siluk tiempo ayuk ta awoꞌtanik te skꞌoplal te Cristoe. Sok spꞌijil awoꞌtanik tsitsa abaik y aꞌbeya abaik spuersa awoꞌtanik ta juju-tul. Sok awoꞌtanik kꞌayojinaik te Diose ta salmoetik sok kꞌayojetik sok yanetik kꞌayoj ta skuenta Espíritu.

Hebreos 2:1

Jaꞌ yuꞌun ya me skꞌan ya kakꞌtik ta koꞌtantik ta lek te skꞌop Dios kaꞌiyejtikixe, yuꞌun ma me yauk jpit jbajtik bael te ba sbeelele.

Hebreos 3:14

Porke yuꞌun te ya xjuꞌ te jun nax ya xkꞌootik sok te Cristoe, jaꞌ ya skꞌan te jun koꞌtantik kꞌalal ta slajibal kꞌaal jich tutꞌil te smukꞌul koꞌtantik ay kuꞌuntik ta slijkꞌibale.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 2:7

Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.

1 Juan 3:24

Te machꞌatik ya xchꞌuunbe te smantal Diose, kuxulik ta stojol, sok Dios ayix ta yoꞌtanik ekꞌa. Y jich jnaꞌojtik te ayix ta koꞌtantik: ta skuenta te Espíritu te la yaꞌbotike.

1 Juan 4:13

Jich ya jnaꞌtik a te ayotik ta stojol te Diose sok te ay ta jtojoltik stukele, yuꞌun jaꞌ yakꞌojbotik te Espíritu yuꞌune.

1 Juan 4:15

Machꞌauk a te ya yal ta jamal te jaꞌ Xnichꞌan Dios te Jesuse, kuxulix ta stojol Dios y Dios ayix ta yoꞌtan.

1 Juan 4:16

Jich a jnaꞌtikix sok jchꞌuunejtik te kꞌuxotik ta yoꞌtan te Diose. Ay xkꞌuxul yoꞌtan te Diose, y te machꞌa batsꞌi ay skꞌuxul yoꞌtane kuxulix ta stojol Dios y Dios ay ta yoꞌtane.

2 Juan 1:2

Kꞌuxex ta koꞌtan te jaꞌexe ta skꞌaj te tut batsꞌi jiche te ayix ta koꞌtantike y sil tiempo ay ta jtojoltik.

2 Juan 1:9

Machꞌauk a te ya syanutes bael ta mas te nojpesel yuꞌun te Cristoe, maꞌyuk ta skuenta te Diose. Pero te machꞌa jmel nax a snop te nojpesel yuꞌun te Cristoe, ay ta skuenta te Tatile y jich euk te Nichꞌanile.

3 Juan 1:3

Ben bayal sbujtsꞌ koꞌtan te kꞌalal ay hermanoetik a laj tal y la yalbikon te batsꞌi ben jun awoꞌtane.

Apocalipsis 3:11

Ya xtalon ta ora. Kꞌeja te tut ay awuꞌune, yuꞌun maꞌyuk machꞌa ya yichꞌbeyat te amajtane.

Apocalipsis 3:3

Naꞌa me te pꞌijutesel la awichꞌe y te la awaꞌiye. Jaꞌ me xꞌapas, y sujtesa awoꞌtan ta stojol Dios. Teme ma la akux awoꞌtane, ya xtalon ta atojol jachik tutꞌil jꞌelekꞌ te kꞌalal ma yipalukat ta smaliyele.