1 Juan 2:20 - Nuevo Testamento Tzeltal de Amatenango

²⁰ Te Cristoe jaꞌ a yaꞌbeyex te Chꞌul Espiritue, y ta apisilik te jaꞌexe jich ay ta awoꞌtanik te tut batsꞌi jiche.

Bible in Tzeltal Bachajón

²⁰ Yan te ha'exe, la awich'iquix malel yu'un te Ch'ul Espíritu, hich apisilic yac ana'ic te bintic smelelil.

Bible in Tzeltal de Oxchuc y Tenejapa

²⁰ Yan te ja'exe, malbilix ta awo'tanic te Ch'ul Espiritue, jich spisil ya ana'iquix te bitic aye.

1 Juan 2:20 ပူးပေါင်းရင်းမြစ်များ

San Mateo 13:11

Te Jesuse la yaltalanbe: —Te jaꞌexe Dios me ya yaꞌbeyex anaꞌik sluwar te tutꞌil ay ta ajwalinel te Diose, te maꞌyuk ta naꞌel ta nail toe. Yan te yanetike ma xꞌaꞌbot snaꞌbeyik sluwaril stukel.

San Marcos 1:24

—Jesus Nazaret, ¿tuꞌun te tal awochintayotike? ¿Yuꞌun wan tal amilotik? Ya jnaꞌbeyat aba, jaꞌat te Chꞌul Nichꞌanat te Diose —la yut.

San Lucas 4:18

“Te Espíritu yuꞌun te Kajwaltike julix ta jtojol, yuꞌun tsabilon ta yalel te lek achꞌ kꞌop ta stojol te meꞌbaꞌetike. Tikonbilon tal ta skoltayel te machꞌatik ay swokolik ta ajtal-oꞌtane. Sok tikonbilon tal yuꞌun tal kalbey tutꞌil ya xkolik ta libre te machꞌatik ayik ta prexoe, sok te ya jambe sitik te choketike, sok ya jkoltay te machꞌatik mosoimbile,

San Lucas 4:34

—Jesus Nazaret, ¿tut yuꞌun tal awochintayotike? ¿Meꞌn tal amilotik? Ya jnaꞌbeyat aba te jaꞌat te Chꞌul Nichꞌanat te Diose —xchi ta aw.

San Juan 14:26

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

San Juan 16:13

Yan te kꞌalal ya xtal te Espíritu te ya yakꞌ ta naꞌel sluwar te tut batsꞌi jiche, jaꞌ me ya yaꞌbeyex anaꞌbeyik sluwar. Porke ma stukeluk yuꞌun te tut ya yale. Jaꞌ me ya xtal yalbeyex spisil te tut yaꞌiyeje, y jaꞌ me ya yalbeyex te tut ya xkꞌot ta pasele.

Hechos 10:38

Awaꞌiyejbeyik sluwar skꞌoplal te Jesus te talem ta jtejklum Nazaret. Te Dios a yaꞌbe spoder y la yaꞌbe yikꞌ te Chꞌul Espiritue. Y te Jesuse bayuk nax a been ta spasel te tut leke y ya slekuteslan spisil te machꞌatik ayik ta ilbajinel yuꞌun te pukuje. Jicha juꞌ yuꞌun spasel porke joyinbil yuꞌun te Diose.

Hechos 3:14

Ma la akꞌanik te ya xkol te machꞌa lek y toje; te jaꞌexe jaꞌ la akꞌanbeyik skolel te machꞌa beno smule.

1 Corintios 2:15

Pero te machꞌatik ayix ta skuenta te Espiritue ya xjuꞌ yuꞌun yichꞌel jkuenta spisil te tutik aye. Y maꞌyuk machꞌa ya xjuꞌ yuꞌun yichꞌbeyel jkuenta stukel.

Hebreos 1:9

Jaꞌ akꞌanoj te tut leke, y apꞌajoj te tut ma lekuke. Jaꞌ yuꞌun la stꞌujat te Dios, te Dios awuꞌune, y la yaꞌbeyatix sbujtsꞌ awoꞌtan kꞌax jich tutꞌil te ajoꞌtake”, xchi me.

Hebreos 8:11

Ma puersaukix te ya spꞌijutes sbaik ta juju-tul te sjoy sbaik ta genteil o te machꞌa jun smeꞌ-statike yuꞌun te ya snaꞌbeyik sba te Kajwaltike, porke spisilik ya snaꞌbikon jba, ta chꞌin ta mukꞌ.

1 Juan 2:27

Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

1 Juan 4:13

Jich ya jnaꞌtik a te ayotik ta stojol te Diose sok te ay ta jtojoltik stukele, yuꞌun jaꞌ yakꞌojbotik te Espíritu yuꞌune.

Judas 1:5

Aunke te jaꞌexe anaꞌojikix, ya jkꞌan ya kakꞌ xan anaꞌik to: Te Kajwaltike, ta patil te la slokꞌes tal ta Egipto te jtejklum Israele, la slajin te machꞌatik ma xchꞌuunike.

Apocalipsis 3:7

Sok la yalbon: —Jich me xꞌatsꞌibabe xan ta sjun te ángel te ba ay te juju-tijkꞌ hermanoetik ta Filadelfiae: “Jaꞌ to jich ya yal te Machꞌa tojix aye y te batsꞌi jiche, jaꞌ te Machꞌa yichꞌoj syawe te rey Davide, te stukele te kꞌalal ya sjeꞌe maꞌyuk machꞌa ya xjuꞌ ya stsꞌus, te kꞌalal ya stsꞌuse maꞌyuk machꞌa ya xjuꞌ yuꞌun sjeꞌel.

Apocalipsis 4:8

Ta jujun to xchanebal te tut kuxule aylan wakeb xikꞌ, y ta yutil y ta spat te xikꞌe aylan sit. Ni ta kꞌajkꞌaltik ni ta ajkꞌubal ma xkomik ta yalel: “Chꞌul Dios, Chꞌul Dios, Chꞌul Dios, Dios te spisil ya xjuꞌ yuꞌune, te stalel ay ta namey, sok te ora to, sok ta sbajtel kꞌinal”, xchiik.