1 Juan 2:18 - Nuevo Testamento Tzeltal de Amatenango

¹⁸ Kuntikil, jaꞌ to jaꞌ slajibalix kꞌaal. Te jaꞌexe awaꞌiyejikix te ay jtul ya xtal te jaꞌ skontrainej te Cristoe. Te ora to ayix bayal machꞌa skontrainej te Cristoe. Jaꞌ yuꞌun jnaꞌojtik te jaꞌ slajibalix kꞌaale.

Bible in Tzeltal Bachajón

¹⁸ Cal-jnich'nab, slajibalix c'ahc'al ayotic. Hich te bin ut'il awa'iyejic te ya xtal te anticristo, chicnajemix tsobol anticristohetic. Hich ya jna'tic a te slajibalix ora ayotique.

Bible in Tzeltal de Oxchuc y Tenejapa

¹⁸ Cal-jnich'nab, slajibalix c'aal ayotic. Jich bit'il awaiyojic stojol te ya xtal te anticristoe, jich ay chicanajemix tsobol anticristoetic. Jich ya jna'tic stojol a te slajibalix c'aal ayotique.

1 Juan 2:18 ပူးပေါင်းရင်းမြစ်များ

San Mateo 24:11

Sok ya me xchiknaj bayal jlot-alwanejetik y ya me sloꞌlay bayal genteetik.

San Mateo 24:24

Ay me ya xtal lotil Cristoetik sok lotil jꞌalwanejetik. Ya me yakꞌ ta ilel mukꞌ señaetik sok milagroetik. Ya me sloꞌlayik euk te machꞌatik tꞌujbilik yuꞌun Dios te yauk xjuꞌ yuꞌunike.

San Mateo 24:5

Porke ay me bayal machꞌatik ya xtal ya skuy sbaik a te joꞌone. Ya me yalik: “Joꞌon Cristoon” xchiik me. Y bayal me genteetik ya sloꞌlaylan.

San Marcos 13:6

Porke bayal me machꞌa xtal skuy sbaik ta joꞌon. Ya me yalik: “Joꞌon Cristoon”, xchiik me. Ya me xloꞌlayot bayal genteetik.

San Juan 21:5

Te Jesuse la sjojkꞌolanbe: —Jkentik, ¿me ayix atsakojik te chaye? —xchi. La sjakꞌik: —Maꞌyuk —xchiik.

Romanos 13:11

Spisil ito ya skꞌan ya jnaꞌtik te tiempo kuxulotik toe. A me jnaꞌtik te jaꞌ yorailix te ya jkux koꞌtantik yuꞌun te wayele, porke te jkoleltike tijilix ay te ora to. Ma jachikuk te tut nail toe te kꞌalal la jchꞌuuntik te skꞌop Diose.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

Hebreos 1:2

Te ora to, jaꞌ te slajibal kꞌaal, la skꞌoponotik ta skuenta te Xnichꞌane. Ta skuenta te Xnichꞌane, Dios la spas chꞌulchan balmilal, y jaꞌ a yaꞌbe yuꞌunin spisil te tutik aye.

1 Pedro 1:20

Jich chapalix a te kꞌalal ma to spas a te balmilale te ya xkꞌax swokol te Cristoe. Pero te tiempo to te slajibalixe, jicha chiknajix yuꞌun alekilik a te jaꞌexe.

1 Pedro 1:5

Ta skuenta te achꞌuunejik te Diose, ya me skanantayex ta spoder, yuꞌun jich me ya ataik a te kolel te chapal yuꞌune, te ya xba yakꞌ ta ilel ta slajibal kꞌaale.

1 Pedro 4:7

Nopolix ya xtal slajibal ta spisil te tutik aye. Jaꞌ yuꞌun, te jaꞌexe naꞌaik me tutꞌ ayex y kuxa me awoꞌtanik ta skꞌoponel Dios.

2 Pedro 2:1

Ta namey ay palso jꞌalwanejetik te ba ay te jtejklum Israel; y jich me ay palso maestroetik te ba ayex te jaꞌexe. Ya me snojpeswanik ta mukul te tut snopojike te ya xjimawanike. Jaꞌ ya spꞌajik te Kajwaltik te jaꞌ a koltalanot yuꞌune. Jich me ora ya yichꞌik jimel stukelik.

2 Pedro 3:3

Naꞌaik me nailuk te tutꞌil ay sluwaril to: Ta slajibal kꞌaal ya me xtal genteetik te jaꞌ nax ya spasik te tut ma lekuke te ya skꞌan yoꞌtan ya spasike, y te ya yiktinik te tut yaloj te Diose.

1 Juan 2:22

¿Machꞌa a te jloꞌlawaneje? Jaꞌ te machꞌa ya yal te ma jaꞌuk Cristo te Jesuse. Jaꞌ bi, jaꞌ skontra te Cristoe, yuꞌun ma xyakꞌ ta akꞌel ta jkuenta te Tatile sok te Nichꞌanile.

1 Juan 4:1

Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

1 Juan 4:3

Yan te machꞌa ma jichuk ya yal ta jamal te Jesuse, ma jaꞌuk yikꞌoj te Espíritu yuꞌun Diose, yuꞌun jaꞌ yikꞌoj te espíritu te skontrainej te Cristoe. Te jaꞌexe awaꞌiyejik te ya xtal te espíritu to, y te ora to ayix ta balmilal.

2 Juan 1:7

Yipalik ta beel ta balmilal bayal jloꞌlawanejetik te ya yalik te ma la yichꞌ stiꞌbalul te Jesucristo jachik tutꞌil winik te batsꞌi jiche. Te machꞌa jich ya yale, jaꞌ jloꞌlawanej y skontrainej te Cristoe.

Judas 1:18

Jich la yaltalanbeyex jilel: “Ta slajibal kꞌaal ay me gente ya xlaj iktiwan, te jich aylan sok te tut ma lekuk ya skꞌan yoꞌtanike”, te xchie.