1 Juan 2:16 - Nuevo Testamento Tzeltal de Amatenango

¹⁶ Porke te tut ya yakꞌ te balmilale, ma jaꞌuk ya xtal ta stojol te Jtatik Diose. Jaꞌ ya yakꞌ te balmilale te tutik ma lekuk ya skꞌan te stiꞌbalul gentee, sok te sbikꞌtal yoꞌtan te sitike, y sok te toybajel yuꞌun te kꞌulejalile.

Bible in Tzeltal Bachajón

¹⁶ como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

Bible in Tzeltal de Oxchuc y Tenejapa

¹⁶ Melel ta spisil te bitic ay ta balumilale, ja' te bitic ya sc'an te jbaq'uetaltique, soc te bila ya smulan yilel te jsitique, soc te toybail ta cuxinele, ma ja'uc yac'oj te Tatile. Spisil in to, ja' yac'oj te balumilale.

1 Juan 2:16 ပူးပေါင်းရင်းမြစ်များ

San Mateo 4:8

Ta último te pukuje la yikꞌ bael te Jesuse ta jun toyol wits. Teꞌ la yaꞌbe yil a spisil sjoylejal te balmilale sok te stsaꞌamul te tutik ay yuꞌunik.

San Mateo 5:28

Pero joꞌon ya kalbeyex: Spisil machꞌa ya skꞌupin sok sit jtul ants, antsiwejix sok ta yoꞌtan abi.

San Lucas 4:5

Ikꞌot xan bael ta jol wits yuꞌun te pukuje. Tsꞌina ba aꞌbek yil spisil te stsaꞌamul te balmilale.

Romanos 13:14

Jaꞌ lek chapa abaik ta skuenta te Kajwaltik Jesucristoe jich tutꞌil jun jmakiltike. Ma me anopikix te tut ma tsaꞌamuk ya skꞌupin te atiꞌbalulike.

1 Corintios 10:6

Spisil te jicha kꞌot ta pasele yuꞌun jich ya jnaꞌtik a te joꞌotike, yuꞌun jich makꞌ ya jkꞌupintik spasel te tut ma lekuke, jich tutꞌil te la skꞌan yoꞌtanike.

Gálatas 5:17

Porke te tutik ma tsaꞌamuk ya skꞌan atiꞌbalulike, jaꞌ skontrainej te Espiritue. Y te Espiritue jaꞌ skontrainej te tutik ma tsaꞌamuk ya skꞌan atiꞌbalulike. Te yane jaꞌ skontrainej te yanetike, y jaꞌ yuꞌun te jaꞌexe ma xjuꞌ awuꞌunik spasel te tut ya akꞌanike.

Gálatas 5:24

Y te machꞌatik ayix ta skuenta te Jesucristoe yakꞌojikix ta lajel ta krus kꞌoem te stiꞌbalulike. Lajix ta pasel yuꞌunik te tut ma tsaꞌamuk ya skꞌupin spasel te stiꞌbalulike y sok te sbikꞌtal yoꞌtanike.

Efesios 2:3

Y jich ayotik ta jpisilik ekꞌa te ay kꞌaale. Jaꞌ jtamojtik te tut ya skꞌan te jtiꞌbalultike, y jaꞌ la jpastik te tutik nax ya skꞌan te jmulawil tiꞌbalultike y sok te tutik ya jnoptike. Ta skaj te jich ayotike tey ya jtatik kastigo yuꞌun te Diose, jich tutꞌil te yanetike.

Tito 2:12

Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Tito 3:3

Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Santiago 3:15

Porke te pꞌijilil to ma jaꞌuk te ya xtal ta stojol te Diose, sino ke jaꞌ te pꞌijilil yuꞌun te liꞌ ba balmilale. Jaꞌ nax spensar te gentee, y jaꞌ yuꞌun mismo te pukuje.

Santiago 4:16

Yan te jaꞌexe ya nax atoy abaik sok te akopike, pero ma lekuk spisil ta jkaj te toybaele.

1 Pedro 1:14

Jachik tutꞌil alnichꞌaniletik te chꞌuunej mantale, ma me jichuk ya xkuxuyinex te tutik ya skꞌan awoꞌtanik te ay la apasik te nail to te ma to xꞌanaꞌbeyik sba a te Diose.

1 Pedro 2:11

Kermanotak te kꞌuxex ta koꞌtane, awokolikuk, jachikex me te tutꞌil jyanlumetik te beomaletik nax liꞌ ba balmilale. Ma me akꞌayes abaik a te tutik ya skꞌan te atiꞌbalulike te jaꞌ skontra te achꞌulelike.

2 Pedro 2:10

Dios ya yaꞌbe kastigo ta spisil te machꞌatik sigue ya spasik te tut ya skꞌan yoꞌtanik te ma lekuke, y te ma skꞌanik te ya yajwalinik te Kajwaltike. Lom tulanik, y ay spuersaik, y ni makꞌ ya xiꞌik te ya stoyba-kꞌoptayik te machꞌatik ay tulan yaꞌtelike.

2 Pedro 2:18

Jaꞌ nax ya yalik te toyba-kꞌopetike y te tut lom naxe. Y kꞌayemik a te ya xloꞌlawanik yuꞌun te tut ya skꞌan spas te stiꞌbalulike. Jaꞌ ya sloꞌlayik te machꞌatik lokꞌelik to tal ta tulan wokol te ba ay te machꞌatik chꞌayemike.