1 Juan 2:12 - Nuevo Testamento Tzeltal de Amatenango

¹² Kuntikil, la jtsibabeyex ta akuentaik to porke te Dios la spasbelexix perdon te amulike ta skuenta te Jesucristoe.

Bible in Tzeltal Bachajón

¹² Ha'ex cal-jnich'nabex, ya jts'ihbabeyex como pasbilexix perdón yu'un amulic ta scuenta sbihil te Jesucristo.

Bible in Tzeltal de Oxchuc y Tenejapa

¹² Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

1 Juan 2:12 ပူးပေါင်းရင်းမြစ်များ

San Lucas 24:47

Sok te joꞌon ta jkuenta te ya xlijk ta alel kꞌalal ta Jerusalen sok ta spisil nasionetik te ya sujtes yoꞌtanik ta stojol Diose, yuꞌun jich me ya spasbot perdon yuꞌun a te smulike.

San Lucas 5:20

Kꞌalal la yil te Jesuse te tutꞌil xchꞌuunej yoꞌtanik te ya xlekuteswane, jich a yalbe te jchamele: —Winik, pasbil perdon te amule —xchi.

Hechos 10:43

Spisil te jꞌalwanejetike yalojbeyikix skꞌoplal te Jesuse y yalojik te machꞌa ya xchꞌuunike ya staik perdon yuꞌun te smulike —xchi te jPedroe.

Hechos 13:38

Jaꞌ yuꞌun, kermanotak, naꞌbeyaik me sluwar te jaꞌexe, te perdon yuꞌun te mulile yipalix ta alel ta atojolik ta skuenta te Jesuse.

Hechos 4:12

Maꞌyuk yan machꞌa ay kolel ta skuenta, porke maꞌyuk yan machꞌa ya xkolotik yuꞌun. Maꞌyuk yan biilil ta balumilal te ya xjuꞌ xkolotik yuꞌune —xchi te jPedroe.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 4:32

Ya skꞌan te ayuk me slekil awoꞌtanik sok skꞌuxul awoꞌtanik ta juju-tulex. Sok aꞌbeya abaik perdon ta juju-tulex jich tutꞌil te Dios la yaꞌbeyexix perdon ta skuenta te Cristoe.

Colosenses 1:14

te jaꞌ a skoltayotik y la yaꞌbotik perdon yuꞌun te jmultike.

1 Juan 1:4

Te tutik to la jtsꞌibatik yuꞌun tsꞌakal me ya awichꞌik a te bujtsꞌan kꞌinale.

1 Juan 1:7

Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

1 Juan 1:9

Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

1 Juan 2:1

Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

1 Juan 2:21

La jtsꞌibabeyex ito, ma yuꞌunuk maꞌ anaꞌojikuk te tut batsꞌi jiche, sino ke anaꞌojikix. Y te jaꞌexe anaꞌojikix te ni junuk te lot ya xjuꞌ xtal yuꞌun te tut batsꞌi jiche.

1 Juan 2:7

Kermanotak, ma achꞌ mantaluk te ya jtsꞌibabeyexe; jaꞌ mismo te la awichꞌik ta slijkibal to tale. Te namey mantal to, jaꞌ te awaꞌiyejbeyik skꞌoplale.