1 Juan 2:10 - Nuevo Testamento Tzeltal de Amatenango

¹⁰ Te machꞌa kꞌux ya yaꞌiy te yermanoe, ayix ta sakil kꞌinal, y ni maꞌyukix te tut ya syalesot ta mulil yuꞌune.

Bible in Tzeltal Bachajón

¹⁰ Te mach'a c'ux ya ya'iy ta yo'tan te yermano, ayinemix ta sacal q'uinal soc mayuc bin ya xyahltesot ta mulil yu'un.

Bible in Tzeltal de Oxchuc y Tenejapa

¹⁰ Te mach'a c'ux ya yaiy ta yo'tan te yermanoe, ainemix ta bay te saquil q'uinale. Jich ma'yuc bi ya syalesot xan ta mulil yu'un.

1 Juan 2:10 ပူးပေါင်းရင်းမြစ်များ

San Mateo 13:21

Pero komo ma bayaluk ismajem ta yoꞌtanik te skꞌop Diose, jich ma xjalajik. Jaꞌ yuꞌun teme ya xkꞌax swokolik o teme ya xtal ilbajinel ta skꞌaj te skꞌop Diose, ora ya xchꞌay te xchꞌuuunel yoꞌtanik yuꞌun.

San Mateo 18:7

Oꞌol sbaik te genteetike skaj te yalesel ta mulile. Puersa ay machꞌatik ya syaleswan ta mulil, pero oꞌol me sbaik te machꞌa jich ya spase.

San Juan 11:9

Te Jesuse la yaltalanbe: —¿Me ma wan lajchayebuk ora yichꞌoj te jun kꞌaale? Jaꞌ yuꞌun te machꞌa ya xbeen ta kꞌajkꞌaltike makꞌ xkꞌochin yok, yuꞌun ya yil te sakil kꞌinal te ay ta balmilale.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 8:31

Te Jesuse la yaltalanbe te juriyoetike te xchꞌuunejikixe: —Te jaꞌexe teme jun awoꞌtanik yuꞌun te jkꞌope, batsꞌi jich te jnopojelex kuꞌun abi.

Romanos 14:13

Jaꞌ yuꞌun, makꞌ me kal kaꞌbiyan jbatik ta juju-tulotik. Jaꞌ lek, jaꞌ ya aleik te tut makꞌ xchebaj yoꞌtan yuꞌun a te awermano te makꞌ xyalesot ta mulile o te ma lekuk ya xbajt sok te xchꞌuunel yoꞌtane.

Filipenses 1:10

Yuꞌun jich ya anaꞌik stꞌujel sil tiempo te tut leke, sok jich ya xjuꞌ xkuxuyinex ta jun kuxlejal te ben sakubene, y maꞌyuk tut ay ta makel a te kꞌalal ya sujt tal te Cristoe.

2 Pedro 1:10

Jaꞌ yuꞌun, kermanotak, te ikꞌbilex yuꞌun te Diose sok te tsabilex yuꞌune, oꞌtaninaik spasel spisil to. Yuꞌun teme jich ya apasulanike, ma xyalex ta mulil.

1 Juan 2:11

Pero te machꞌa ya spꞌaj te yermanoe, ay ta ijkꞌal kꞌinal sok teꞌ ya xbeen a. Y ma snaꞌ te ba ya xbajte, porke te site makbil yuꞌun te ijkꞌal kꞌinale.

1 Juan 3:14

Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.