1 Juan 1:7 - Nuevo Testamento Tzeltal de Amatenango

⁷ Pero teme ayotik ta sakil kꞌinale, jich tutꞌil ay ta sakil kꞌinal te Diose, jich jun nax ayotik ta jpisiltik. Sok te xchꞌichꞌel te Xnichꞌan Diose, jaꞌ te Jesucristoe, ya spokbotik spisil te jmultike.

Bible in Tzeltal Bachajón

⁷ Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Bible in Tzeltal de Oxchuc y Tenejapa

⁷ Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

1 Juan 1:7 ပူးပေါင်းရင်းမြစ်များ

San Mateo 6:12

Aꞌbotik me perdon yuꞌun te jmultike, jachik tutꞌil te ya jpastik perdon yuꞌun te machꞌa ya sta smul kuꞌuntike.

San Juan 1:29

Ta xchebal kꞌaal te Juane la yil te yipal tal ta tijilajel te Jesus te ba aye, y la yal: —Ila awilik: jaꞌ to jaꞌ te mera karnera yuꞌun Dios te ya xchꞌaybe smul te machꞌatik ayik ta balmilale.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 5:4

porke ay jtul chꞌul ángel ya xkoj tal sok ya stijulan jilel te jaꞌ te ba ay te estankee. Y te machꞌa primero ya xꞌoch te kꞌalal ya xtal tijek jilel te jaꞌe, ya xlekub jilel tutikuk chamelil te yichꞌoje.

Romanos 13:12

Te ajkꞌubale lom kꞌaxemix bael y tijilix ay tal te kꞌajkꞌaltike. Jaꞌ yuꞌun ya skꞌan ya jilestikix te tutik ay ta pasel ta ijkꞌal kꞌinale. Ya skꞌan ya jchap jbajtik yuꞌun te sakil kꞌinale jich tutꞌil jtul soltaro te lek xchapoj sba sok te smajkile sok yaꞌtajibe.

1 Corintios 6:11

Y jich la apasik ta nail to euk te jaꞌexe. Pero te ora to la awichꞌikix sakutesel y lekutesbilix awoꞌtanik yuꞌun amulik ta skuenta te Kajwaltik Jesucristoe y sok ta skuenta te Chꞌul Espíritu yuꞌun te Dios kuꞌuntike.

Efesios 1:7

Ta skuenta bayal skꞌuxul yoꞌtan, Dios a yakꞌotik ta libre ta skuenta te Xnichꞌan te la smal xchꞌichꞌele. Y la spasbotikix perdon yuꞌun te jmultike.

Efesios 5:8

Porke te ay tal kꞌaale ayex ta ijkꞌal kꞌinal, pero te ora to, yuꞌun te jun nax ayexix sok te Kajwaltike, ayexix ta sakil kꞌinal, jich me xꞌanex tutꞌil te machꞌatik ayix ta skuenta te sakil kꞌinale.

1 Timoteo 6:16

Stukel nax stalel ay, te ay ta jun sakil kꞌinal, te maꞌyuk machꞌa ya xtijilaj aye. Ni jtuluk winik yiloj ni ma sta ta ilel. Stukeluk me sil tiempo ya xꞌakꞌot ta jkuenta y sil tiempo ay ta ajwalinel. Jichuk.

Tito 2:14

Jaꞌ stukel a yakꞌ sba entregal ta milel te joꞌotik ta jkajtike. La skoltayotik yuꞌun ta spisil te tut ma lekuke, y tsꞌakal ya sakutesotik, yuꞌun stukel yuꞌunotik a, sok jaꞌuk ya koꞌtanintik ta pasel te tut leke.

Hebreos 9:14

Pero teme jich ay to, jaꞌ to xan mas ay yip stukel te xchꞌichꞌel Cristoe. Yuꞌun ta skuenta te Espíritu te sbajtel kꞌinal aye, Cristo la yakꞌ sba ta milel ta stojol Dios jich tutꞌil milbil smajtan Dios te maꞌyuk smule. Y te xchꞌichꞌele la sakutesbotik koꞌtantik yuꞌun te kaꞌteltik te ya yikꞌotik bael ta lajele. Yuꞌun jich me ya xjuꞌ te ya kakꞌ jbajtik ta abatinel yuꞌun te kuxul Diose.

Santiago 1:17

Spisil te tut lek y toje te ya yaꞌbelotike, jaꞌ ya xtal ta ajkꞌol. Jaꞌ ya yaꞌbotik te Diose, te la spas te tutik ya xtil ta chꞌulchane. Stalel ay te Diose y maꞌyuk tut ora ya yakꞌ te tut ma lekuke.

1 Pedro 1:19

sino ke jaꞌ te stsaꞌamul xchꞌichꞌel te Cristoe te la yichꞌ akꞌel ta milbil majtanil, jachik tutꞌil jkꞌojt karnera te limpio aye.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 1:5

Te tut la snojpesotik te Jesucristoe, jaꞌ ya kalbetikex te jaꞌexe. La yalbotik te jaꞌ sakil kꞌinal te Diose, sok maꞌyuk ijkꞌal kꞌinal ta skuenta stukel.

1 Juan 5:6

Kꞌalal tal te Jesucristoe la yichꞌ jaꞌ sok la smal te xchꞌichꞌele. Ma jaꞌuk nax la yichꞌ te jaꞌe, la smal uuk te xchꞌichꞌele. Te Espiritue jaꞌ testigo yuꞌun to, y te Espiritue batsꞌi jich te tut ya yale.

1 Juan 5:8

Sok ay oxeb testigoetik ta balmilal: jaꞌ te Espiritue, sok te jaꞌe, y sok te chꞌichꞌe. Y ta yoxebalik, jun nax te tut ya yalike.

2 Juan 1:4

Bayal sbujtsꞌ koꞌtan yuꞌun te jich a jul jtajtalan te awuntikil te jich xchꞌuunejik te tut batsꞌi jiche, jachik tutꞌil spasojotik ta mantal te Jtatik Diose.

3 Juan 1:4

Maꞌyuk yan te tut ben jun koꞌtan yuꞌune, jich tutꞌil te ya kaꞌiy te jich aylan tutꞌil ya yal te tut batsꞌi jiche te kuntikile.

Apocalipsis 1:5

y sok euk te Jesucristoe, te jun yoꞌtan ay ta testigoe. Jaꞌ stukel primero a chaꞌkux tal te ba animaetike, y yichꞌoj tulan yaꞌtel te mas mukꞌ ay yuꞌun te ajwaliletik ta balmilale. Kꞌuxotik ta yoꞌtan te Cristoe, sok la yakꞌotikix ta libre yuꞌun te jmultik te la smal te xchꞌichꞌele.

Apocalipsis 12:11

Te kermanotaktike la tsalikix jilel ta skuenta xchꞌichꞌel te la smal te Chꞌin Karnerae, y sok ta skuenta te skꞌop Dios te la yalik ta jamale. Maꞌ xiꞌik yuꞌun teme ya xlaj xkuxlejalik aye, sino ke spꞌejel yoꞌtanik la yakꞌ sbaik ta milel.

Apocalipsis 7:14

La kalbe: —Jaꞌat anaꞌoj, kajwal —xkut. Y jich a yalbon: —Jaꞌlan to te machꞌatik te kꞌaxemik tal ta tulan wokole. Jaꞌlan te machꞌatik sakꞌojik te skꞌuꞌ-spakꞌike y jaꞌ sakutesojik a te xchꞌichꞌel te Chꞌin Karnerae.