1 Juan 1:6 - Nuevo Testamento Tzeltal de Amatenango

⁶ Teme ya kaltik te jun nax ayotik sok te Diose, y mismo tiempo ayotik ta ijkꞌal kꞌinal, jaꞌ nax ya jloꞌlay jbajtik ta jkꞌoptik y sok te tut ya jpastike.

Bible in Tzeltal Bachajón

⁶ Teme ya caltic te ha jun co'tan jbahtic soc te Diose, pero teme yacotic ta behel ta yihc'al q'uinal, ya ca'iytic lot soc ma ba yacotic ta spasel te bin ya yal te smelelil c'ope.

Bible in Tzeltal de Oxchuc y Tenejapa

⁶ Teme ya caltic te jun ayotic soc te Diose, teme ja' yacotic ta spasel te bila swenta te ijc' q'uinale, yacotic nax ta lot abi. Yu'un ma ba yacotic ta spasel te bila melele.

1 Juan 1:6 ပူးပေါင်းရင်းမြစ်များ

San Mateo 7:22

Ta slajibal kꞌaal ay me bayal ya yalbikon: “Kajwal, Kajwal, ¿me yuꞌun wan maꞌyuk a kaltik akꞌop te joꞌotike? Sok la jlokꞌestik pukujetik ta akuenta. Sok ta akuenta la jpastik bayal ta kaj milagroetik”, xchiik me ta jtojol.

San Juan 11:10

Pero te machꞌa ya xbeen ta ajkꞌubale ya xkꞌochin yok stukel, porke ma sakubenuk kꞌinal ta stojol —xchi.

San Juan 12:35

Te Jesuse la yaltalanbe: —Ay to me ta awolilik te machꞌa sakuben kꞌinal yuꞌune. Pero ma jaluk xan kꞌaal te ya ajoyinike. Benanik me yuꞌun liꞌ to xan me ay te sakil kꞌinal ta atojolike. Yuꞌun ma me xchꞌayemuk awoꞌtanik ya staex te ijkꞌal kꞌinale. Porke te machꞌa ya xbeen ta ijkꞌal kꞌinale ma snaꞌ ba ya xbajt.

San Juan 12:46

Joꞌon te sakil kꞌinal te talemon ta balmilale. Te machꞌa ya xchꞌuuunone makꞌ xjilix ta ijkꞌal kꞌinal.

San Juan 8:12

Te Jesuse chaꞌsujt xan bael te ba ay te gentee. Jich a yal: —Joꞌon sakil kꞌinalon yuꞌun te genteetik ta balmilale. Te machꞌa ya stsꞌakliyone yichꞌojix te sakil kꞌinal te ya yakꞌ kuxlejale, y ni makꞌ xbeenix ta ijkꞌal kꞌinal —xchi te Jesuse.

San Juan 8:55

Pero te jaꞌexe ma xꞌanaꞌbeyik sba; yan te joꞌone ya jnaꞌbe sba. Teme ya kal te ma jnaꞌbe sba, jich jle-loton euk ya xkꞌoon, jich tutꞌil te jaꞌexe. Pero batsꞌi jich te ya jnaꞌbe sbae, sok jaꞌ ya kaꞌbe ta jkuenta te skꞌope.

1 Timoteo 4:2

Jaꞌ ya yakꞌ ta jkuenta te gente te ma tsaꞌamuk yoꞌtanike y te puro lot ya yalik soke. Kꞌax tulanejemix yoꞌtanik.

Santiago 2:14

Kermanotak, ¿Tut ya xlokꞌ awuꞌunik a teme ay machꞌa ya yal te ay xchꞌuunel yoꞌtane, teme ma xchiknaj a ta skuenta te tut ya spase? ¿Me xjuꞌ wan ya xkol teme jich a te xchꞌuunel yoꞌtane?

Santiago 2:16

teme ay jtulukex te jich ya awalike: “Junuk awoꞌtan xbaat. Kꞌixinan me y weꞌa me spisil te tut ya akꞌane”, teme ya awute, pero teme makꞌ ya awaꞌbeyik te tut puersa yuꞌun te stiꞌbalule, ¿tut ya xlokꞌ yuꞌun a te akꞌope?

Santiago 2:18

Ay wan machꞌa jich ya yal: “Ay machꞌa ay xchꞌuunel yoꞌtan sok ay yan te ya yaꞌtelin spasel te tut leke”, xchi. ¿Pero tut ya awaꞌbon kil te xchꞌuunel awoꞌtan, te maꞌyuk tut lek ya apase? Te joꞌone ya kakꞌ awil te xchꞌuunel koꞌtane ta skuenta te tut juꞌem kuꞌun spasele.

1 Juan 1:10

Teme ya kaltik te maꞌyuk jtaoj jmultike, jaꞌ ya jlebetik lot te Diose y ma jchꞌuunejtikuk te batsꞌi jich te skꞌope.

1 Juan 1:3

Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

1 Juan 1:8

Teme ya kaltik te maꞌyuk jmultike, joꞌotike nax mismo ya jloꞌlayej jbajtik y te tut batsꞌi jiche maꞌyuk ta jtojoltik.

1 Juan 2:4

Pero teme ay machꞌa ya yal: “Te joꞌone jnaꞌojbe sba”, te xchie, y ma xchꞌuunbe te mantaliletik yuꞌune, jaꞌ jtul jloꞌlawanej y maꞌyuk ta stojol te tut batsꞌi jiche.

1 Juan 4:20

Teme ay machꞌa ya yal: “Te joꞌone kꞌux ya kaꞌiy te Diose”, teme xchie, y mismo tiempo a ya spꞌaj te yermanoe, jaꞌ jun jle-lot abi. Yuꞌun teme ay jtuluk te ma kꞌuxuk ya yaꞌiy te yermano te ya yile, ni ma xjuꞌ yuꞌun te kꞌux ya yaꞌiy te Dios te ma sta ta ilele.