1 Corintios 9:16 - Nuevo Testamento Tzeltal de Amatenango

¹⁶ Te joꞌone ma sluwaruk te mukꞌ ya kakꞌ jba te ayon ta yalel te lek achꞌ kꞌop yuꞌun te kolele, porke jaꞌ nax yipalon ta spasel te tut albilon ta spasele. ¡Oꞌol me jba teme makꞌ ya kal te lek achꞌ kꞌope!

Bible in Tzeltal Bachajón

¹⁶ Pero teme ya cal te lec yach'il c'op, mayuc bin ya jtoy jba yu'un, como fuersa ya jpas; ¡Obol jba teme ma ba ya jpuc ta halel te lec yach'il c'ope!

Bible in Tzeltal de Oxchuc y Tenejapa

¹⁶ Te bit'il ya cat'elin xcholel te lec yach'il c'ope, ma spas te ya jtoy jba yu'une, te melel ja' mandal te alboton te ya jpase. ¡Obol me jba teme ma ba ya jchol te lec yach'il c'ope!

1 Corintios 9:16 ပူးပေါင်းရင်းမြစ်များ

San Mateo 25:16

“Jich te jꞌaꞌtel te la yichꞌ joꞌeb talento-takꞌine la spas xchonbajel a, y jolin xan joꞌeb talento yuꞌun stukel.

San Lucas 9:62

Te Jesuse la yalbe: —Te machꞌa ya sapu te teꞌ wakaxe ma spas teme ya skꞌelu spate, yuꞌun ma tojuk ya xbajt te yaꞌtele. Te machꞌa jich ya xꞌaꞌteje ma tsaꞌamuk ta mantaltesel te ba ay ta ajwalil te Diose —xchi te Jesuse.

Hechos 4:20

Te joꞌotike ma xjuꞌ ya jkom jbatik ta yalel te tut kilojtike sok te tut kaꞌiyejtike —xchiik.

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

Hechos 9:6

Jich te Sauloe ben xꞌaꞌbot sik yuꞌun xiꞌel. La yal: —Kajwal, ¿tut ya skꞌan awoꞌtan te ya jpase? —xchi. Y albot yuꞌun te Kajwaltike: —Jajchan y ochan bael te ba jtejklume. Teꞌ me ya yalbelat a te tut ya skꞌan ya apase —xꞌutot.

Romanos 1:14

Yuꞌun ay to me jbet yuꞌunik ya kaꞌi, teme griego o ma griegouk, me ay tut snaꞌ o maꞌyuk tut ya snaꞌe.

Romanos 15:17

Te tutꞌil jchꞌuunej te Cristo Jesuse, ben jun koꞌtan yuꞌun te ayon ta abatinel yuꞌun te Diose.

Romanos 4:2

Jich jaꞌuk a juꞌ yuꞌun te jꞌAbraham te toj a spas sba ta stukel naxe, ya wan spas te ya stoy sba te jichuke. Pero ma spas ya stoy sba ta stojol Dios.

1 Corintios 4:15

Yuꞌun te jaꞌexe manchuk me ay dies mil ta jtul maestro awuꞌunik te ya yaꞌbeyex anopik skꞌoplal te Cristoe, pero ma bayaluk te atatike. Atatonik kꞌoem te jaꞌexe te tutꞌil lijk achꞌuunik te Cristo Jesuse, yuꞌun joꞌon a kalbeyex te lek achꞌ kꞌop yuꞌune.

1 Corintios 9:12

Teme ay yanetik te ya awaꞌbeyike, mas to ay rason te ya awaꞌbotike. Pero maꞌyuk a jkꞌantik te jich ya kichꞌtik pasbeyel awuꞌunike, y jich kujchem tal kuꞌuntik spisil te jwokoltike, yuꞌun jich maꞌyuk tut ya smak a te ya kaltik te lek achꞌ kꞌop yuꞌun te Cristoe.

1 Corintios 9:14

Jaꞌ nax jich euk te Kajwaltike la yal mantal te machꞌatik ya yalik te lek yachꞌil kꞌop yuꞌun te kolele, teꞌ me ya sta a te tut ya xtuun yuꞌunike.

2 Corintios 2:12

Kꞌalal kꞌoon ta mukꞌul jtejklum Troas yuꞌun ta yalel te lek achꞌ kꞌop yuꞌun te Cristoe, ben lek a jta entrada te ya xꞌaꞌtejon ta yaꞌtel te Kajwaltike.

Colosenses 4:17

Albeyaik te Arquipoe te a me sjuꞌutes ta lek te yaꞌtel te jich aꞌbil yuꞌun te Kajwaltike.