1 Corintios 9:1 - Nuevo Testamento Tzeltal de Amatenango

¹ ¿Me yuꞌun ma apostolukon? ¿Me yuꞌun ma libreuk ayon? ¿Me yuꞌun ma kilojuk te Kajwaltik Jesuse? Y te jaꞌexe, ¿meꞌn ma kaꞌtelukex ta skuenta te Kajwaltike?

Bible in Tzeltal Bachajón

¹ ¿Ma bal jpuc-c'opucon? ¿Ma bal librehuc ayon? ¿Ma bal quilojuc te Cajwaltic Jesús? ¿Ma bal ca'teluquex ta stojol te Cajwaltique?

Bible in Tzeltal de Oxchuc y Tenejapa

¹ ¿Yu'un bal ma jpuc-c'opucon? ¿Yu'un bal ma libre ayucon? ¿Yu'un bal ma quilojuc te Cajwaltic Jesuse? ¿Yu'un bal ma ja'uc cat'elex ta swenta te Cajwaltique?

1 Corintios 9:1 ပူးပေါင်းရင်းမြစ်များ

Hechos 13:2

Ay jun kꞌaal te stsoboj sbaik ta kulto yuꞌun te Kajwaltike y skomoj sweꞌelik a, te Chꞌul Espiritue altalanbot yuꞌun: —Pitbikon te jBernabee sok te Sauloe yuꞌun tsabilix kuꞌun te ya spas te aꞌtele —xꞌutalanot.

Hechos 14:14

Pero te kꞌalal la yaꞌiybeyik sluwar te jBernabee sok te jPabloe, la xchꞌiꞌ xkamixik yuꞌun, y la sten sbaik ochel te ba yolil te genteetike, y lijk yalik ta aw:

Hechos 14:4

Pero te gente yuꞌun te jtejklume la xatꞌ sbaik yuꞌun. Ay machꞌatik jun yoꞌtan sba sok te juriyoetike y ay machꞌatik jun yoꞌtan sba sok te apostoletike.

Hechos 23:11

Kꞌalal och te ajkꞌubale, te Kajwaltike la yakꞌ sba ta ilel ta stojol te jPabloe, y la yalbe: —Pasa me puersa, Pablo, porke jich tutꞌil te la awalbonix jkꞌoplal liꞌ ba Jerusalene, jich mismo ya xkꞌo awalbon jkꞌoplal ta Roma —xꞌutot yuꞌun.

Hechos 9:15

Pero te Kajwaltike la yalbe: —Baan, porke jtsaojix tal te winik me to. Yuꞌun ya me yalbon jkꞌoplal ta stojol te genteetik ta yanetik nasione, y sok euk te reyetik yuꞌune, y sok te israeletike.

Hechos 9:17

Te jꞌAnaniase jicha bajt te ba na ba ay te Sauloe. Och bael kꞌo skajanbe skꞌab ta sjol y la yalbe: —Hermano Saulo, te Kajwaltik Jesus te la yakꞌ sba ta ilel ta atojol te ayat tal ta be ae, jaꞌ a stikonon tal yuꞌun jich me ya xjam a te asite y yame xnoj jil ta awoꞌtan te Chꞌul Espiritue —xchi.

Hechos 9:3

Pero te kꞌalal xnopetix ya xkꞌot a te ba jtejklum Damascoe, ora nax a tal xojob ta chꞌulchan, xlemet julel y jul joyek yuꞌun.

Hechos 9:5

Te Sauloe la sjojkꞌobe: —¿Machꞌaat a Kajwal? —xchi. La sjakꞌ te machꞌa xkꞌopoje: —Joꞌon Jesuson, jaꞌ mismo te machꞌa yipalat ta yilbajinele. Jaꞌat mismo ya awilbajin aba jich tutꞌil te wakax te ya stꞌim ta tekꞌel te tut ya stojutesot ae —xchi.

Romanos 1:1

Joꞌon jPabloon, te yaj-aꞌtelon te Jesucristoe, ya jtsꞌibabeyex te karta to. Dios la yikꞌon sok spitojon te apostol ya xkꞌoon yuꞌune, yuꞌun ya kalbe skꞌoplal te kolele.

Romanos 1:5

Ta skuenta te Jesucristoe, Dios la yaꞌbonix ta majtanil te ya xꞌochon ta apostol yuꞌune, yuꞌun ta spꞌejel balmilal ayuk machꞌa ya xchꞌuun te Jesucristoe.

Romanos 11:13

Pero ay tut ya jkꞌan ya kalbeyex te jaꞌex te ma juriyoukexe. Yuꞌun te Dios a stikonon tal ta akuentaik te ma juriyoukexe, y lom bayal skꞌoplal ta koꞌtan te kaꞌtel aꞌbilone.

1 Corintios 1:1

Joꞌon jPabloon, te la yikꞌon ta aꞌtel te Diose ta skꞌanojel yoꞌtan. La yakꞌon ta apostolil yuꞌun te Jesucristoe. Joꞌon sok te hermano Sóstenese

1 Corintios 10:29

Manchuk me ma xjim te awoꞌtan yuꞌune, ja ya jnaꞌ teme ya xjim yoꞌtan te yane. Pero ay yan ya yal: “¿Tuꞌun te ya kichꞌ komel te tut libre ayon ta spasel ta skuenta yoꞌtan te yane?

1 Corintios 10:30

Teme ya kalbe kola yal Dios yuꞌun te tut ya jweꞌe, ¿tuꞌun te ya awalbikon te ma lekuk te ya jweꞌe?” teme xchie.

1 Corintios 11:16

Pero teme ay machꞌa ma tsaꞌamuk ya yaꞌiy te tuti kale, a me snaꞌbe sluwaril te maꞌyuk yan tut ya jpastike te joꞌotik sok te yanetik te xchꞌuunejikix Diose.

1 Corintios 3:6

Te joꞌone la kaw, y te Apolose la yaꞌbe yaꞌlel. Pero Dios jaꞌ a yakꞌ chꞌiuk tal te tutiꞌ yichꞌ tsꞌunele.

1 Corintios 9:19

Aunke maꞌyuk machꞌa smosoinejon, pero kakꞌoj jba ta mosoil yuꞌun spisil, yuꞌun jich me ya jpas ganar bayal ta jtul te ya xchꞌuunik Cristo ta jkuentae.

2 Corintios 10:7

Te jaꞌexe jaꞌ nax ayex ta yilel te tut chikan ta ilel ya awilike. Teme ay machꞌa ya yal “Jaꞌ yuꞌunon te Cristoe”, teme xchie, ya skꞌan ya snaꞌ te jich yuꞌunotik euk te Cristoe.

2 Corintios 11:5

Te ya kale, te joꞌone maꞌyuk ba chꞌin kꞌoemon yuꞌun te mukꞌul apostoletik awuꞌunik te jaꞌex a tsꞌakliyejike.

2 Corintios 6:1

Yuꞌun jich ayotik ta aꞌtel sok te Diose, ya kaltik ta atojolik: Ma me apꞌajik te slekil yoꞌtan Dios te ya yakꞌ ta akuentaik.

Gálatas 1:1

Joꞌon jPabloon, te apostolon. Ma jaꞌuk tikonbilon yuꞌun te winketike sok ma jaꞌuk la yaꞌbonik kaꞌtel. Jaꞌ la yaꞌbon kaꞌtel te Jesucristoe y sok te Dios Tatile te jaꞌ a xchaꞌkuses tal te Jesuse te ba ay te animaetike.

Gálatas 5:1

Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

1 Tesalonicenses 2:6

Sok ma jaꞌuk a jletik te ay machꞌa ya yakꞌotik ta jkuentae, ni te jaꞌexe ni te yanetike. Aunke me ya xjuꞌ te ya awakꞌotik ta jkuenta te tutꞌil ay kaꞌteltik ta apostolil yuꞌun te Cristoe.

1 Timoteo 2:7

Jich yuꞌun joꞌon aꞌbilon kaꞌtel ta apostolil ta yalel te tutꞌil aye, y la yaꞌbelon kaꞌtel te ya jnopes te machꞌatik ma juriyouke tutꞌ ay ta chꞌuunel sok te tut batsꞌi jiche. Te tut ya kale batsꞌi jich, ma jlotuk.

2 Timoteo 1:11

Dios a yaꞌbon kaꞌtel ta yalel te skꞌoplal te lek achꞌ kꞌope, y la stikonon ta spukbeyel skꞌoplal y sok ta spꞌijutesel te machꞌatik ma juriyouke.