1 Corintios 8:6 - Nuevo Testamento Tzeltal de Amatenango

⁶ Yan te joꞌotike, jtul nax te Diose kuꞌuntike, jaꞌ te jTatike. Jaꞌ te spasoj spisil te tutik aye y jaꞌ stukel te ya yakꞌ xkuxuyinotike. Y ay jtul nax te Kajwaltike, jaꞌ te Jesucristoe. Stukel ta skuenta spisil te tutik kuxajtike, jich euk te joꞌotike jaꞌ kuxulotik ta skuenta.

Bible in Tzeltal Bachajón

⁶ pero te ho'otique, jna'ojtic te junax Dios ay, ha te Tatil, te ha talem ta stojol spisil bintic ay soc te ha cuxulotic ta scuenta; soc junax Cajwaltic, ha te Jesucristo, te ha ta scuenta te la yich' pasel spisil bintic ay soc te ha cuxulotic ta scuenta.

Bible in Tzeltal de Oxchuc y Tenejapa

⁶ ja'uc me to, te jo'otique, jun nax Dios ay cu'untic, ja' te Tatile. Ja' la spas spisil te bitic aye soc ja' yu'unotic uuc. Soc jun nax te mach'a cajwalinejtique, ja' te Jesucristoe. Ja' ta swenta te ay spisil te bitic aye; soc uuc te jo'otique, ja' cuxulotic ta swenta uuc.

1 Corintios 8:6 ပူးပေါင်းရင်းမြစ်များ

San Mateo 11:27

Sok la yal xan: —Te jTate yakꞌojbon ta jkꞌab spisil te tutik aye. Maꞌyuk machꞌa ya snaꞌbon jba joꞌon te Nichꞌanilone, jaꞌ nax ya snaꞌbon jba te jTate. Sok maꞌyuk machꞌa ya snaꞌbe sba te jTate, joꞌon nax jtukel te ya jnaꞌbe sbae, sok euk te machꞌa jayeb ya kaꞌbe snaꞌbeyik sbae.

San Mateo 28:18

Te Jesuse tijilaj tal te ba ayike. Jicha yal: —Dios a yaꞌbonix ta jkuenta spisil te chꞌulchan sok te balmilale.

San Juan 1:10

Te machꞌa Skꞌop Diose ayix ta balmilal. Stukel ta skuenta te Dios a spas te balmilale, pero te machꞌatik ayik ta balmilale maꞌ snaꞌbeyik sba.

San Juan 1:3

Spisil te tutik aye stukel ta skuenta te Dios a spase. Ni maꞌyuk jkajuk te tutik pasbile te ma jaꞌuk la spase.

San Juan 10:30

Te joꞌone sok te Tatile jun nax ayotik —xchi.

San Juan 13:13

Te jaꞌexe ya awalbikon: “Maestro” y “Kajwal”. Ay rason te jich ya awalike, yuꞌun joꞌon a nix a.

San Juan 14:20

Te tut kꞌaalil te jich ya xkꞌot ta pasele, te me ya anaꞌbeyik sluwaril a te jun nax ayon sok te jTate y te jaꞌexe jun nax ayotik euk.

San Juan 17:3

Jaꞌ ya xkuxuyinik sbajtel kꞌinal yuꞌun te ya snaꞌbeyat aba, te úniko jaꞌat batsꞌi Diosate, sok te ya snaꞌbikon jba euk, joꞌon te Jesucristoon te la atikonon tale.

San Juan 20:17

Te Jesuse la yalbe: —Ma me apikon, porke ma to moemukon bael ta ba ay te jTate. Pero baan, ban albeya te kermanotake yuꞌun ya xboon te ba ay te jTate, te aTatik euk te jaꞌexe, te Dios kuꞌune, sok te Dios awuꞌunik euk te jaꞌexe —xchi.

Hechos 17:28

Porke ta skuenta Dios kuxulotik, sok ya xnijkotik, sok te tutꞌ ayotike. Jich tutꞌil yaloj chaꞌoxtul te jpas-junetik awuꞌunike, la yalik: “Stsꞌumbalotik te Diose.” te xchie.

Hechos 2:36

Naꞌaik me te jaꞌexe jtejklum israel te tut batsꞌi jiche, te jaꞌ mismo ya kalbeyex skꞌoplal te Jesuse te la ajojkꞌanik ta kruse. Te Diose la yakꞌix ta ilel te jaꞌ te Cristoe sok te jaꞌ Kajwaltik stukele —xchi te jPedroe.

Hechos 5:31

Dios a yakꞌ ta akꞌel ta jkuenta, y la yakꞌix ta sbatsꞌil kꞌab, y la yakꞌix ta ajwalil sok ta jkoltawanej, yuꞌun jich me ya sujtes yoꞌtanik yuꞌun smulik ta stojol Dios te nasion israele, y jich me ya staik perdon yuꞌun te smulike.

Romanos 11:36

Porke spisil te tutik aye ya xtal ta stojol Dios, y jaꞌ pastalanbil yuꞌun y stukel yuꞌun. Ben tsaꞌam slekil ta sbajtel kꞌinal te Diose. Jichuk.

1 Corintios 1:2

ya jtsꞌibabeyex te karta to jaꞌex te hermanoetik tsobilex yuꞌun Dios te ayex ta jtejklum Corintoe, te ikꞌtalanbilex yuꞌun te Diose ta skuenta Cristo Jesus. Dios la yikꞌex te lek ya xꞌanex te jtejklum yuꞌunex sok spisil ta bayuk te machꞌatik ya yalbeyikix kola yal te Kajwaltik Jesucristoe. Jaꞌ Kajwaltikix te joꞌotike y sok euk te yanetike.

1 Corintios 12:3

Jaꞌ yuꞌun, te ora to ya jkꞌan ya anaꞌik te maꞌyuk machꞌa xjuꞌ ya yal te ma tsaꞌamuk te Jesuse teme jaꞌ ya xkꞌopoj ta spoder te Espíritu yuꞌun te Diose. Y sok maꞌyuk machꞌa ya xjuꞌ ya yal: Te Jesuse ja Kajwal”, teme ma jaꞌuk ya xkꞌopoj ta spoder te Chꞌul Espiritue.

1 Corintios 6:13

Ya awalik xan: “Te weꞌelile jaꞌ yuꞌun te jchꞌujtike y te jchꞌujtike jaꞌ yuꞌun te weꞌelile. Batsꞌi jich. Pero te Diose ya slajinbe jilel skꞌoplal ta xchebal. Pero ma me xkakꞌtik te ya xꞌantsiwe te jtiꞌbalultike. Te jtiꞌbalultike jaꞌ yuꞌun te Kajwaltike, y te Kajwaltike jaꞌ yuꞌun te jtiꞌbalultike.

1 Corintios 8:4

Te ora to te tutꞌil ay te weꞌelil ya xꞌakꞌot ta smajtan te lotil diosetike, jnaꞌojtikix ta lek ni maꞌyuk tut ya xjuꞌ yuꞌun ta balmilal te jun lotil diose. Sok jnaꞌotik te úniko jtul Dios ay.

Efesios 1:3

Ben tsaꞌam te Dios te Stat te Kajwaltik Jesucristoe. Yuꞌun te jun ayotikix sok te Cristoe, jich la yaꞌbotikix spisil ta skajal skaj bendisionetik te ay ta skuenta te chꞌulchane.

Efesios 3:14

Jaꞌ sluwar te ya jkejan jba ta stojol te Tatile.

Colosenses 1:6

Jaꞌ te kꞌop to te la awaꞌiyikixe, yipalix ta mukꞌubel y yipal ta sitinel ta bayuk ta spisil balmilal. Jaꞌ pajal sok te kꞌotix ta pasel ta akuentaik te kꞌalal la awaꞌiyik te ya xꞌalot te skꞌuxul yoꞌtan Dios, y la anaꞌikix te batsꞌi jich te skꞌuxul yoꞌtane.

1 Pedro 1:21

Ta skuenta te Cristoe te ya achꞌuunik Dios te jaꞌexe. Jaꞌ te la yichꞌ chaꞌkuxesel te ba ay te animaetike, sok akꞌot ta akꞌel ta jkuenta. Jich yuꞌun te jaꞌexe awakꞌoj xchꞌuunel awoꞌtanik sok yipalex ta smaliyel te tut ya yaꞌbeyex te Diose.

Apocalipsis 1:18

Jtalel kuxulon. Chamon, pero te ora to kuxulonix sbajtel kꞌinal. Joꞌon kichꞌojbe te syaweal te lajele y sok te yawil te ba ya stsobot te animaetike.